مروان نجار: انو وحدي Sexy، وعم تخبرني عن مآسي ما بقا نسمع الأخبار، وقصة الـ”Rating” ما فاتت براسي (Audio)

– بقولو الجمهور هيك بدّو، هيدي الجملة اللي بتسمّ البدن… شو الردّ؟؟؟

مقتطف من حديث الكاتب المسرحي والتلفزيوني والسينمائي مروان نجار ضمن برنامج “عا سطوح بيروت” مع الإعلامية “داليا داغر” عَ قناة الـ”OTV”:

ومن المواضيع التي تطرق لها البرنامج.. الى اين الإعلام؟ هل معايير الـ”Rating” صحيحة؟
يقول مروان نجار:

•  أصحاب القرار اجمالاً عندن جنوح الى السهولة
• قليل تنقدر نقنع المسؤولين بشي “مبدأ”، بدن اسماء، بدن أشكال، بتحكيهم مفاهيم ما خصّن
• انا بقلك الأسماء الجديرة انو يمشو محطات بلبنان عددن أقل بكتير من عدد المحطات
• بصراحة ما بدنا نتعرّض لأشخاص،
  بس بأوروبا أو ببلاد اللي فيها إنسان، طبعاً ما حدا بهتّو بعمرو، وما حدا بهتّو قديه صرلو،
  أسماء لامعة كبيرة بالعمر، كأنها أسماء مبلشي من مبارح بالتألق
• السيطرة على الجمهور من خلال الأحاسيس هوي اللي المسيطر،
  بدل ما يكون في رغبة انو نحرّض لإعادة النظر بالقيم المطروحة عم يكون في أكتر نقوزة ع الناس ببيوتا،
  لا بل عم نفخط الحيط حتى نشوف شو عم يصير جوات البيوت، لحتى ندهش الناس أكتر
• التلفزيون صار ابهار، صار ما بهمو إذا عم يحقّق هدف،
  المثقفين عادوه للتلفزيون
• المتفوقون كانت تجربة تثبت انو ما في سهولة عند الناس، وأنو الناس بتحبّ الصراع الحقيقي
• عم احكي عن أيام أنا ما نمتا، عم بحكي عن تهديدات بالقتل، وبقتل ولادي،
  ضل زعيم ما حكي، استحيت من العالم، امرأة عم تقول لإبنا طلاع متلو الناجح الأول، والزعما السياسيين عم يقولو انن عم يهددونا،
  ولما أنا دافع كان يجيني تلفونات تهديد بالقتل، ما حكينا بوقتا لأنو كان خطر

تسأله الإعلامية داليا داغر، عما إذا كان يعيد التجربة في حال تأمنت له الظروف، قال:

– إذا معي تلفزيون بيدعمني ايه،
بس أنا وصلت لمطرح يقولولي إذا ما بتجيب هالمشترك وبتردو، هيدي البناية بتنزل اليوم

قصة الـ”Rating”

الكذب ملح الـ”Rating”…
بضلن يحطولك دعاية البرنامج كل 10 دقايق، لَ يفوتولك ياها براسك انو البرنامج محضور
نتحدّى الـ”Ratinget” بستاتيستيك موثوق….

•  انو بدي اسأل قصة الـ”Rating” لازم يندرس،
  في أصول للإحصائيات وفي تصنيفات بتكون A – B – C
  أنا مش عم افهمااااااااااااااا
• شغلة تانية، بخصوص طريقة التنافس،
  يعني بقولو الجمهور هيك بدّو…. هيدي الجملة اللي بتسمّ البدن،
  لأن الجمهور إذا زكزكتي بجريه بيضحك،
  وإذا طعميتي بينبسط،
  وإذا زكزكتي بجريه بيضحك،
  وإذا حكيتيلو شغلة ذكية بيفرح،
  المهم انتي لوين عم تمدي ايدك
• مجالس الأدب بتسلّي، ما بتسلّي، بس كان عنّا حضور وتتجدّد 3 مرات، متل برنامج المتفوقون
• قالولي بالزمان، إذا ما بتعمل متل المسلسلات المكسيكية مئات الحلقات ما حدا بيحضرك،
  جينا عملنا طالبين القرب، تخلص الحلقة بحلقة، ومشينا ل 136 حلقة وما بدنا نوقّف

• كنا نعمل عكس السائد، والجمهور ولا مرّة خذلنا
• الطفل أصدق متلقي، لا بل هوي فيكي تخافي من رأيو، بخوّف أكتر من الكبير لأنو ما بيعرف يساير، الطفل هوي اكتر للحقيقة
• لو كان الإعلام يقوم على تقصّي الحقايق، ويقوم على مقاربة المصادر وطبعاً على الحكم الموضوعي السليم، ما كنت تركت الصحافة السياسية،
  أنا تركتا لأني كنت مجبور، وصلت لمطرح إذا بدي قول المزبوط وين بدّي اقعد!
  صرنا ننكحش من مطرح لمطرح،  ما عاد في مطرح، الله ستر وتعرفنا على الممثلة هند ابي اللمع
• في عنصر ببعض المحطات عنصر بيلهي ان كان بالمظهر،
  الأخبار ما مفروض انو يكون عم ينافسها اللي عم يوصلها، ان كان بتأنقو او حتى بغلط معيّن أو حتى بفهم زائد
• انو وحدي Sexy كتير، وواعية قديش “سكسي” وعم تخبرني عن مآسي سياسية، ما بقا نسمع الأخبار،
  مش معناتا ما يكونو حلوين
• نظرية الـ”Rating” كيف بدّي اشرحا… إذا حدا بيشرحلي ياها وبفهما برجع اشرحا، مش فايتة براسي

رصد Agoraleaks.com