Agoraleaks Agoraleaks
مقتطف من حديث النائب نبيل نقولا لقناة المنار:
- اليوم في عثرات بالحكم، ولكن ما بعتبرا كتير كبيري وبتأثّر على مسيرة العهد،
غير ما يصير في انتخابات جديدي، ودم جديد بالمجلس النيابي،
ما بعتقد فينا نعتبر انو هيدي الحكومة حكومة العهد - هيدي الحكومة هيي حكومة انتخابات، تَ تكون حكومة العهد، بدها تكون حكومة ما بعد الإنتخابات،
بعدا اسم الحكومة معروف، هدفا إعادة الثقة - بالنسبة لرئيس الجمهورية، انا من المحبذين انو ما تروح العملية الى كسر عضم (متل ما بقولو) ومواجهة،
شوي شوي بعتقد الأمور بتستقيم
ورداً على سؤال مواقف رئيس الكتائب سامي الجميل، وطرحه السؤال من يحكم البلد، رئيس الجمهورية ام رئيس الوزراء.. يردّ نقولا:
- ما بعرف على أيا معطيات استند حتى يحكي هالكلام،
أولاً رئيس الجمهورية عطا خارطة الطريق انو لا مجال لقانون الستين،
وقلن بين الفراغ وبين قانون الستين، بفضّل الفراغ،
معناتا رئيس الجمهورية حازم - في زعامات سياسية كانت بالسابق هيي اللي كامشي كل مكامن القوة بالبلد،
منّا وحدنا بالحكم،
ما زالت الأشخاص ذاتا اللي كانت متباعدة بالسابق اليوم تقاربت،
بس التقارب هيدا بعد ما وصل لمعالجة كل القضايا - بالنسبة لرئيس الجمهورية حط خارطة الطريق، بدّو يوصل لالها،
بحبو يوصلولا بطريقة السهلة والأقلّ ضرراً للبلد، اهلا وسهلا،
ما بحبو.. نحنا رايحين لَ خواتيم خارطة الطريق يللي رسما فخامة الرئيس
