نعمت عازوري: ما بدّي انفعل المشاهد ما بدو اللي عم يصير بالإعلام ننتبه عَ حالنا ما بطلع بـ”الدنتيل” وبذيع أخبار (Audio)

 – سؤال داليا داغر: عنجدّ الناس بدها هالقد تنزل بتفكيرا ؟؟؟

مقتطف من حديث الإعلامية “نعمت عازوري” ضمن برنامج “عا سطوح بيروت” على قناة الـ”OTV”:

• قبل ما نقارن بين الأمس واليوم، بدنا نشوف شو جوهر فلسفة الإعلام؟ شو هدفو؟
  نحنا بس نقول عن حالنا اعلاميين، شو بكون هدفنا؟
• هل صحيح اعلام رسالة متل ما تعلمنا بالجامعة؟ هل هوي هادف وبيدفع الرأي العام نحو الأمام؟
  وبدو يطلع الإنسان عَ مستوى ارقى؟؟
  هل صحيح انو الإعلامي عندو قيمة مضافة بيعطيها للمشاهد. باي حلقة في شي نقدمو للناس حتى يقولو استفدنا..
  معن حق يمكن ويمكن ما معن حق.. اختلفو بس في بحث عن حقيقة واحترام
• الأساس هوي الحقيقة، والحقيقة بدها جديّة للبحث عنا، وبدها مسؤولية،
  تعلمنا بالإعلام نحمل ملف..
• كنا فقرا بس كنا نركض تنجيب الحقيقة، هلق اللي صار، وما لازم نعمّم.. لأنو التعميم في غبن لأشخاص،
  المشكل من زمان لحد هلق، كل المجالات الناس الطريق السهلة هيي المرغوبة أكتر،
  الطريق الصعبي الناس بتتفاداها لأنها بتطلب جهد،
  إذا بدنا نحكي عن حل، التقهقر اللي عايشينو، اسهل الأمور المطاحنة.. اكيد إذا في فيلم porno ما رح يحضرونا الناس،
  بس “المتفوقون” كان تثقيفي وناجح، وما يبقا حدا بالشارع بس يكون عم ينعرض…

ورداً على سؤال من داليا داغر عن هيكلية البرامج، تسأل عن المشكلة ان كانت بالذهنية، هل هيكلة إدارة البرامج هي المشكلة، هل العالم عنجدّ بدا هالقد انو تنزل بتفكيرا؟

NB:

بعض البرامج لكثرة الدعايات كل 10 دقايق، مصدّق “المعلن” انو بينحضر البرنامج (hehe)
وإختباء خلف الـRating المُشترى!!! 
الصدق المقنّع.. حرام المعلن…!!

تردّ نعمت عازوري:

• أبداً، العالم بعدا بتعرف تنقي، بتعرف تقيّم، العالم بعدا بتشوفنا وبتقول “رزق الله” عَ ايامكم؟ ليش؟
  شو عاملتلن؟ انا مزفتة طريق؟ انا 35 سنة اطلع دق عَ الباب وقلن “أسعد الله أوقاتكم”،
  أنا من مين مدعومة؟ مدعومة من محبتن.. الناس بعدا نخبوية وبتعرف تنقي،
  بس الناس متلقية.. بيتلقو،
  المشاهد متلقي.. شو بتعطيه؟ بياخود، وإذا ما عطيتو اللي بدو ياه بينقل!

وقد طرحت نعمت عازوري حلاً يمكن المساهمة من خلاله الحدّ من فوضى الإعلام..

•  ليه ما بصير شرعة عمل اخلاقية، تبيعد هالشبح وهالهاجس اللي اسمو Rating؟؟
  ومنقول هالبرامج اللي عم تنعمل، هالدراما… تلفزيون بحطا بهيدا النهار وبهالساعة، وتلفزيون آخر بحطها بغير نهار،
  كذلك البرامج السياسية…
• ليه بدي اتطاحن تإكسر “داليا” ويصير المعلن ضايع..
• اللي صار بين جو معلوف وطوني خليفة واعتذارن من بعض.. هيدا نموذج عم يللي عم يصير
• انا بقلو دايماً للجيل الإعلامي الصاعد ما بصحّ الاّ الصحيح،
  الإعلامي اللي ما بدو يطلع ويضيف شي عَ مسيرتو أشرفلو يقعد بالبيت،
  ومش مين طلع على الشاشة صار إعلامي

تعقّب الإعلامية داليا داغر مش انا يللي بضلني استفزّ الضيف، حتى طلع منك الوجّ التاني تَ اعمل “سكوب” بحلقتي.. وتضيف نعمت عازوري:

• توت.. ما بدي احكي
• ما بدي انفعل، هيدا ما بدو ياه المشاهد،
  عم زيع اخبار، بدي حسسو قريب من الضيف منلبس ومنترتّب،
  ننتبه عَ حالنا، ما بطلع “بالدنتيل”، وكِم ايه وكِم لاق، وعم زيع أخبار..
  مرة اتصل الإستاذ فؤاد نعيم، كان في غلطة، انتي عم تذيعي أخبار، في غارة عَ الجنوب بوقتا، وضحكتك ما كانت ابداً بوقتا،
  نتبهي وصلت عَ بيتي، دموع.
• اليوم بتطلع عربي مافي، مخارج للحروف مافي..

وتنهي عازوري كلامها بالقول: عادة الإنسان بتودّد إذا بدو يطلع، طلعت معك وخلصت، هلق انا فيي احكي متل ما بدي،
برنامجك (داليا داغر) من الزمن الجميل.. وبتمنى يضل الزمن الجميل يبقى ويتجدد بدم جديد..

رصد Agoraleaks.com