Agoraleaks Agoraleaks
– الرئيس وضع حدّ للغنج السياسي وما بقا يضيعو وقت
مقتطف من حديث النائب نبيل نقولا لقناة الـ”OTV” ضمن برنامج “يوم جديد” مع الإعلامي رواد ضاهر:
- متل ما وعد خطاب القسم ان يكون قانون انتخاب عادل يمثل جميع الناس،
بوقت من الأوقات كان في نوع من الغنج السياسي،
رئيس الجمهورية وضع حدّ لهيدا الغنج السياسي، وحط نقطة على السطر - أي قانون ما براعي المواطن، معناتا هيدا قانون مجحف،
عطاهم رئيس الجمهورية عدة حلول، متل ما صارت قصة رئاسة الجمهورية،
اضاعوا الوقت سنتين ونص، ترجعنا وصلنا اللي وصلنالو اليوم،
ما يضيعو الوقت - هيدا الشعب يرفض قانون الستين،
ما بيقدر رئيس الجمهورية ضامن القوانين وحقوق الناس يرجعلو،
البعض عم يجرب يكون عندن قانون عَ قياسن - مستعدين نتجاوب مع أيا طرح يوصلنا الى العدالة الحقيقية
رداً على سؤال عدم وجود تباشير قانون انتخابي، قال نقولا:
- انا بأكّدلك انو في قانون انتخابي، وقريباً جداً..
مش فجأة،
مش كلشي بينعلن فيه على الإعلام، برأيي قبل منتصف آذار سيكون لنا قانون انتخابي جديد - الإجتماعات اللي عم تصير بعتقد انو كل واحد عم يحط شوية ماي بالنبيد تبعو،
ومنوصل قبل 15 آذار نشالله ليكون عنا قانون انتخابي - وبكرا جنبلاط والأكترية بيطمنو
- الإعلان بالإعلام عن الأمور قبل نهاياتا في بعض الأحيان يمكن كتير تفشل،
خلي الأمور تنطبخ ع نار هادية ومن قبل اختصاصيين وبكون عنا قانون انتخابي سيعرض وسيكون الجميع مرتاح، خصوصي اللي بدو مصلحة الوطن
