Agoraleaks Agoraleaks
اللبناني بيقدر يتفاعل مع كل الطوائف والإتنيات..
مقتطف من حديث الإعلامي حبيب يونس لقناة “نورسات/تيلي لوميار”:
رداً على سؤال انشقاق المسيحيين والخطر الذي كان يطال لبنان، يقول يونس:
- لبنان بلد متنوع، وبحكم هالتجربة الفريدة بالعالم،
مش عن عبث البابا القديس بولس بوحنا الثاني سمّى هالوطن رسالة - رسالة ونموذج بقول عن لبنان الرئيس عون، سبق غيرو ب 80 – 90 سنة
- اليوم كل العالم رايحا على الاتفاق بين الإتنيات المختلفة
نحن اتنيات متنوعة مجتمعة على ارض وحدي وبأمة وحدي وبدولة وحدي - نوادر اللي بيشبهونا بالعالم
- هيدا النموذج صار مطلب عالمي بدي اجي الغيه، بالعكس بدي عززو
- نطلع من الخلافات البسيطة، بدنا نروح لما هو ابعد
- عنا دور كبير قادرين نلعبو بجمعة الطوائف بلبنان
انا بقدر افهم كل طوائف العالم، لأنو كلن عندي
غيري ما بيقدر يفهم لأنو ما عندو ياهن - بس يكون الواحد عايش مع اللي متلو ما بيعرف عن غيرو
اللبناني عم يتعامل مع الكل، بعيّد أعياد المسلمين واعياد الدروز والإسماعيليين وهني بعيدو اعيادي ليه؟ - هيدا التعايش مش شكلي حقيقي
اللي بيتظهر منو من الإعلام (يللي بحب يتسلى ومن وبعض السياسيي) الإشيا العاطلة - ما عم ننتبه على التعايش الحقيقي لأنو عايشتي يومياً
- مع تعزيز النموذج اللبناني، منكون عم نلقي بقعة ضوء عظيمة كبيري قد الشمس بالشرق المظلم
بدنا نعدي تنوع، لأنو الإختلافات بتنعكس علينا - النية لازم تكون على الدوام الحوار، الحرب بتجي آخر شي
الحوار هوي الأساس وفينا نبني عليه - اجانا حرب وعشناها 15 سنة، و15 مدفع سياسي، لازم نعتبر منن، وما نعود على اختلافاتنا
الاّ ما نقدر نلاقي صيغة مشترك بيناتنا نحقق فيه هيدي الحياة الواحدي، ما بحب كلمة عيش مشترك
الحياة الواحدي بين المكونات ع أساسا منقدر نبني بلد على أسس سليمة
