Agoraleaks Agoraleaks
خبريتنا اليوم عن النحات الشهير مايكل انجلو،
- زارو شخص بالوقت اللي هوي ع وشك الإنتهاء من احدى منحوتاتو
- بتاني زيارة لأنجلو، تعجّب الزاير
لما شافو بعدو عم يشتغل بذات التمثال - سألو بتعجّب: اكيد ما كنت بكل هالفترة عم تشتغل بهالتمثال
- جاوبو انجلو:
مبلا، كنت م اشتغل في كل الوقت
كنت عم نقّح هالجهة،
ونعمّت هالجهة من الوجّ
ونفرت الشفاف شوي
وبينّت عضلات الإيدين، والإجرين
وكنت منهمك بوضع اللمسات الأخيرة للتمثال - قلو الزاير، ولكن بيتهيألي هالتفاصيل الصغيري مش مهمي اطلاقاً
لا بل بالنسبة لالي هيي تافهة جدا - ساعتا تطلّع فيه مايكل انجلو، وقلو:
بالنسبة لالك هيدا أمر تافه.
لكن بالنسبة لالي هالتفاصيل التافهة هيّي حجر ثغرة بطريق الكمال
والكمال منو تافه ابداً
الزوادة الي والك بتقول:
- انت شو بدكّ؟
حياة عادية متل الكل، ماشي حالا
معقولي، مليانة بالتفاصيل الصغيري يللي بدا شغل
او حياة ما عم توقف الشغل فيها
لأنك ما رح تقبل بأقلّ من الكمال
والله معكم
