Agoraleaks Agoraleaks
دقيقة سمط – الراحة بالصراحة (صوت المدى) ..
- مشكلة كتير كبيري بعاني منا الإنسان اللي متلي،
بس يكون مقرر يقول للناس كل الحقيقة، ببلد ما فيك تقول فيه الاّ شوية حقيقة لأنو اوضاعو دقيقة - بموضوع مطران لبنان العظيم الياس نصار، بحسّ حالي معني شخصياً، ليه؟
- لأنو مطران صيدا وديرالقمر، وبمصيف مطرانية ديرالقمر، دار المير، في “القناية” اللي شقوها أيام البشير، ويللي وصلت الماي من نبع الصفا لقصر الأمير ببيت الدين
وكانت فكرة الأخوتْ
بما انو شخصية الأخوت اعدت احياءها من فترة على الشاشة بحسّ حالي معني كتير - بلا تفاصيل وقال وقيل، سمحولي كون انا الأخوت، ردي اعطي نصيحتي للمطران نصار و(قـ)لو..
- يا مطران لبنان العظيم، متل ما قلتلو للمير قبل، وسمع مني. وقِدرنا نوصل الماي عَ قصر بيت الدين
- رح قلك شو تعمل، ون شالله تسمعْ مني
- عندك حل من تنين
يا انت بتكون بطرك الموارنة بالمستقبل، وساعتا تمام تمام تمام..
يا انت بتكون مرشّح الشعب على النيابة، وهيدا كمان واجب مقدس
لأنك رجال بمواقفك
والشعب اللبناني بحاجة يكتّر الرجال اللي متلك، ويقلل من يللي ضدك
ما حدا يزعل
أصلا ليش بدن يزعلو..
انا ما قلت كل الصراحة
ولما بقرر قولا، ببقا بقلكن، كيف؟ وين؟
وكسّر ربّك بيسّر
