Agoraleaks Agoraleaks
الأب لبكي: معقول اللي بحبو يموت عني عالصليب واهرب من الصليب رغم الغضب اللي بشعر فيه من الظلم؟؟
كاهن الى الأبد كنتَ وتَبقى.. (Agoraleaks)
رَبِّي لَنْ أَشُكَّ يوماً بوَعدِكَ أن تَجولَ فِيَّ تُضيء ظُلمَتي
أُبحِرُ مَلِيّاً بِسِرِّ عَهدِكَ أغرَقُ بالصَّمتِ أشكوكَ غَضبَتي
تَنظُرُ إليَّ برِفقٍ وحَنانْ بالذِّكرى أعودُ لِلُقيانا الغَريب
أُمْنياتي كانَتْ عن صِدقٍ وإيمانْ أنْ أَذوقَ معْكَ مَراحِلَ الصَّليب
ليسَ لي هَناءٌ بِغَيْرِ قَلبِك قَوِّني رُحماكَ في نارِ الإمتِحان
ألعَذابُ عَذْبٌ لأجْلِ حُبِّكَ فاقبَل انْسِحاقي أُنشودَةَ العِرفان
في سِرِّ الآلامِ نَفسي تَُطَهَّر مُرْني يا إلَهي فَكُلُّني صَفاء
في الصَّليبِ مَعْكَ عُمري مُسَمَّرُ معَ لِصِّ اليَمينِ أُصادِرُ السَّماء.
لن اشك
اجمل حاله بعيشها كاهن المسيح هي حالة الوفا شو ما صار معو ورغم كل الاخطار المحدقه فيه،
المسيح وَفي ًقلة الوفا بتجي مني مش منو .
من هيك بضل صلي ت ما خون وعدي الو.
بكل بساطه بعترف انو عملت حلف انا والصليب.
معقول اللي بحبو يموت عني عالصليب وانا اهرب من الصليب؟ مش منطق.
لذلك رغم الغضب اللي بشعر فيه من جراء الظلم بقول للمسيح: انت بتعرف اديش كنت اشتهي شاركك بدرب صليبك.
انت حبيت تحمّلني قسم من الوجع اللي هو الوجع المعنوي والروحي يعني الافتراء والكذب.
بس إنت كمان تحملتهم وزياده قاسيت الجلد والضرب والصلب. وما قدرت تدافع عن حالك .
قلت هيدي أعمالي احكموني من خلالها متل بعضها. قرروا ينتهوا منك.
انا على مستواي وضعفي بقلك: راح اشكرك عالامتحان القاسي اللي عم تمرقني فيه. وبروح ابعد من هيك وبطلب منك تقبل انسحاقي انشودة العرفان والشكران.وانا مع لص اليمين بصادر السما لانك حدي.
آمين.
