بالفيديو – الأب مروان خوري عن دور الكنيسة وتمييز العجائب اللي مصدرها الله أو مصدرا الشرير..؟؟ (Video)

– بس تظهر العدرا للشهود بمديوغورية، بيِقعدو يبكو ساعات ويقولو، “كنا بالسما”..

– قديه في كهنة حاربو ظهورات مديوغورية.. آخر شي، البابا يوحنا بولس الثاني، قال: لو لم أكن بابا كنت أوّل شخص بزور مديوغورية..

(1- دور الكنيسة)

• الكنيسة يجب أن تعيش أمام أبناءها.. والآية الكبرى اللي عمِلها الرب هوي عيشو مع تلاميذو.. ما نصّ خطابات قدام أشخاص، شافو حياة مختلفة معيوشة..
• الرسل يمكن يضيعو البوصلة تبع يسوع.. يبطّل الرب هوي المقصود بالبشارة.. يحل محل الرب:
• شخصي
• اسمي
• المنصب يللي بشدني بالكنيسة
• المركز أو المسؤولية
• الجاه
• حب المال..

الأشخاص اللي رفضت يسوع.. ليه؟؟

• لأنو الهدف بطّل يسوع ومجيء الرب.. صار الهدف كيف بدّي حافظ عَ المركز..

ليه غارو من يسوع..؟؟

• لأنو شافو الناس لاحقينو..

وضاعت البوصلة.. ولكن الرب حتّى فَرجاهُن الآيات.. أقام اليعازر من بين الأموات..

رغم إقامة اليعازر، راح ينَبشو كيف بدُن يقتلو اليعازر، حتى ما تصدّق يسوع..!!

(2- الأعاجيب المُضللة)

• في أعاجيب مُضللة ليس مصدرها يسوع.. والشيطان يستطيع أن يجترح معجزات..

بس فَشر عَ رقبتو يعمِل عجايب بقلب الكنيسة.. يستطيع فعلها بقلب المجتمع.. لكن يمكنه أن يُضلّل ناس من الكنيسة، لكن أعاجيبو محدودة..

• الشيطان يستطيع فعل خوارق، لأنو طبيعتو ملائكية، وقدراته تتفوق على البشر الأرضيين.. لذلك نبهّنا مار بولس، الشيطان يتجلّى لكم بمظهر ملاك من نور.. بيِقدِر يغشني ويدعّي إنو عملو من الله..
  
• سيمون الساحر كان يِعمِل عجايب، وحتى قالو الناس “إنّه قوة الله العظيمة على الأرض”..!!

نشوف قديه كانت الناس مغشوشة..!!

إجا إنسان ممسوح من الروح القدس فَضَحو.. وهون كيف بِقدِر ميّز العجيبة إذا مصدرها الله أو مصدرا الشرير..؟؟

1- بداية بدّي كون ملتزم بالكنيسة
2- بدّو يكون في كاهن عم يرافقني.. إذا كان عَم يصير معي شي خارق.. أو فيشي ما عَم إقدِر فسرو..
3- ما مفروض إنسب شي عَم يحصل معي لّ الله..
4- الرب لا يعطي رسائل فيها حزن وتهديد، لأنو الرب دائمًا بيِحمل البشرى الحلوة..
5- في محتوى الرسالة..

ex: مديوغورية

• أي شي بيِجي من الله.. ما في الشخص يقوم عادي..
  
• شهود مديوغورية (الرؤاة الستة) بس تظهرلُن العدرا، بس تفلّ العدرا بدوبو.. بيِقعدو يبكو ساعات، كيف رجعو عَ الأرض.. بخبرو وبقولو، “كنا السما” لما بتكون العدرا معنا.. كنّأ عايشين شو بحسو ولاد السما..
  
• لمّا بكون شي من الله، منوصّل عَ هيك نوع من السعادة، والنشوة الروحية..
  
• ما في رسالة من ربنا، وقوم عادي من نومي أو مرعوب أو خيفان..
  
• أوقات الرب يتكلّم بالأحلام، لأنو مار يوسف خاطبو ليحمل الصبي ويهرب الى مصر.. هون الرب مش عَم يعطي بُشرى، عم يتمّم الخلاص، لأنو ممنوع حدا يدقّ بالصبي.. لأنو ساعتو لم تأتي بعد.. من هيك قلو لمار يوسف إنّو يحمي الصبي لأنو هيرودس يبغي قتله..
  
• بس يكون ظهور سماوي، الرب يُلهم الكنيسة أن تثبتّه.. وقديه في كهنة حاربو ظهورات مديوغورية.. وقديه في ناس إجو ضدا من المؤمنين، وتمسخرو.. آخر شي، البابا يوحنا بولس الثاني، قال: لو لك أكن بابا كنت أوّل شخص بزور مديوغورية”.

البابا بندكتوس 16، عيّن لجنة تدرس مديوغورية لأنو شاف الإرتدادات يللي عَم تصير هونيك مش طبيعية..

البابا فرنسيس عيّن سفير الو حاضر دائم بمديوغورية، وعزل مديوغورية عن أي علاقة بالكنيسة المحلية.. وقال: لا مانع من حجّ المؤمنين والكهنة في سبيل الصلا وإقامة الرياضات الروحية، ولا مانع من مرافقتهم من قبل الكهنة في سبيل إرشادهم وتأمين الإعترافات والحياة الروحية”.

(3- المواقيت ومار شربل)
لماذا التأخير أحيانًا..؟؟

• الرسل مش أوّل ما قعدو مع يسوع اكتشفوه الله.. اخدو وقت حتى صارو شهود وآمنوا أنّه الله اللابس جسدنا وطبيعتنا البشرية.. وبمطارح كتيرة ترددو وشكّو..
  
• مار شربل مات سنة 1898، وظهرت قداستو سنة 1977.. وكان بوقتا الحرب اللبنانية.. كان شعبنا عايز قديس بوقت المحنة والإضطهاد يللي عاشو.. يكون الُن قديس مَبعَث رجا وإيمان، أنو الرب حاضر معن.. وكانت الدني ضاجّة بمار شربل.. وحتى الآن مار شربل محجّ لكل اللبنانيي من كل الأديان والطوائف..

(4- عجائب الشيطان)

• الشيطان يستطيع أن يفعل عجايب، وفي كتير الو خدّام على الأرض.. إذا رحنا لعندُو منشوف أمور مُبهرة.. بخبرونا شو صايِر معنا وشو مصايبنا وبيِعملو شفاءات مُزيفة، وبِخَبرونا “كان راسي يوجَعني، وصحيّت..”.

س: كيف بتصير..؟؟

بونا مروان: الشيطان هوي يللي بيِضرب، وهوي ذاتو بشيل إيدو.. ولا ألعن من هيك.. وأي شخص بروح لعند مشعوذ تابع للشيطان، بقلو للشيطان عنو حتى نغشو، وبعدان بيِنسَفق أكتر، وبصير رايِح جايي لعند أتباع الشيطان.. وأخطر من هيك بكون سلّم نفسو لإبليس من خلال اتباعو لمشعوذين يدّعون كشف الغيب..

*مديوغورية”
ليه ظهور العذراء في مديوغورية حقيقة، والعجايب صحيحة..؟؟ لأنو في خطأة عَم ترتدّ.. هيدي العجيبة الشيطان ما بيِقدِر يِعمِلها الشيطان.. ما بيِقدِر يردّ خاطئ للتوبة..

• لمّأ نشوف ناس ركضو عَ الإعتراف، وصارو عَم يقدسو.. منَعرِف إنو في إيد الله، والشيطان بعيد عنّا، لأنو الشيطان أبشع شي عندو أخطر شي عليه، خاطئ يتوب..
  
• يسوع موجود بقلب الأسرار، بسر الإعتراف والمناولة والقداس.. وموجود بسلطانو تحت إيد الكاهن.. أي شخص بحاجة لمعونة يروحو لعند الكاهن يصليلُن ويحطّو راسن تحت إيد الكاهن..

(5- التعاليم المُضللة)

• التعاليم المُضللة كتير زايدة.. لأنو الشيطان بدّو يشوّش ع رسالة يسوع.. وأذكى شي عند الشيطان يقلّد رسالة الله.. كيف الجَوهرجي الخدّاع الحرامي، بِفَرجينا حبّة كريستال، وبقلّك هيدي الماز.. إذا ما عندك الخبرة بتنغشّي..
  
• الشيطان بقدّم الشر بمظهر الخير..