“إن متَّ قبل أن تموتَ، فلن تموتَ عندما تموت”. (إسحق السّرياني).

👆 شو حلوة هالعبارة، والغوص بأبعاد كلمة الموت.

دايمًا بروحانيّة المسيحي الحقيقيّ في شي اسمو: موت من أجل الولادة.

فالموت ببداية هالعبارة هوّي فعل إخلاء متواصل: الموت للتخلّص من الأنانيّة والتكبّر وتأليه الذّات، الموت عن البشاعة، الموت بترك الأحقاد…فحتّى نولد مع المسيح، ونكون خليقة جديدة، لازم نعرف نموت.

👈إذًا هالموت ضروري من أجل الحياة.
وإذا كان الربّ يسوع أخلى ذاتو، وأخد صورة عبد (ابن الإنسان) ليملّينا من نعمتو( أخد ما لنا وأعطانا ما له)…فالمطلوب منّا كمان إنّو نخلي ذواتنا حتى نقدر نمتلئ من فيض نعمتو.

❌مفينا نكون أغنيا ومستغنايين!❌
✝️وهيك هالموت هوّي الخطوة الأولى لإنسان بيعرف يغوص بقلب الحياة محل مفي موت، ورح يكون دايمًا حي متل إلهو الحي. أمين.🙏