الأب فادي تابت: بعض البرامج اللي عم نشوفا ما بتشبهنا.. كل هدفن يقولو المرا بتخون زوجا، والرجال بخون مرتو (Audio)

وسائل الإعلام ما بقا عندا فكر ولا ابداع..

مقتطف من حديث الأب فادي تابت لقناة نورسات / تيلي لوميار بخصوص الإعلام:

• اليوم نحنا بوسائل الإعلام صرنا عم نستقرب
  ما بقا في عنا الفكر، ما بقا في عنا الإبداع
  صرنا عم نشوف شو بيعملو ببلاد برا، منجي ومنلبّس الناس تياب مش لالن
• ببعض البرامج يللي عم نشوفا، هودي برامج ما بيشبهونا
  ما بقبل اختي تكون هيك، ولا امي تكون هيك
  لا بالبرامج اللي عم تنعرض ولا بالمسلسلات اللي عم تنحطّ
• ما عم يضوي على النقطة الإيجابية الموجودي بالعيلة
  كل هدفن يهدمو العيلة، كل هدفن يضربو الكنيسي
  كل هدفن يقولو المرا بتخون زوجا، والرجال بخون مرتو
  مش كلن هيك
  امي وبيي عاشو 56 سنة مع بعضن، وياما في اشخاص عايشين مع بعضن بهالطريقة، ما منضوي علين

وقد علقّت إعلامية نورسات على ذلك بالقول:

• وقت منسمع اخبار، مننطر الخبر الحلو
• كلو قتل وانفجار.. الناس عم تنهدّ

يعقّب الأب تابت:

• المشاهد حقو يعرف، وهيدا الفرق حقو يعرف، وانو انا ما بدي اعطيه للمشاهد الا الخبر السيء
• نحنا خلقنا باذاعة صوت المحبة، خلقنا الخبر السارّ
  وما فيكي تتصوري نستصعب وجود خبر سار، قد ما في سوداوية وبشاعة موجودي بهالمجتمعات
• عم نحاول من خلال زوادة اليوم، ومن خلال كلمتين على الماشي

وعقبّت إعلامية “تيلي لوميار” على ذلك مستذكرةً كلام الراحل الشاعر الكبير سعيد عقل، وقوله لأحدى السيدات عن رفضه الكلام عن موضوع سلبي، أنّه على الصحفيّ التطلع نحو الخبر المفرح لنقله، وأضاف: بس نحكي عن الإيجابية، بتصير تكبر وتصغر الإشيا السلبية