Agoraleaks Agoraleaks
– أكبر خطيئة ان يقال العماد عون يقبل بالستين..
– وجورج ياسمين لماذا تراجع بري عن الجهاد الأكبر!
مقتطف من حديث الإعلامي والكاتب السياسي ادمون صعب لقناة الـ”OTV”:
رداً على سؤال تراجع بري عن الجهاد الأكبر وتلطيه وراء جنبلاط كما بقية الفرقاء السياسيين وارضائه حزبياً، قال:
- يأخذون موقف وليد جنبلاط حجّة ميشان إبقاء الستين هوي المرجّح
- برد الموضوع لفشل معالجة العودة الى الجبل
- في الجبل في خصوصية جبيلة، لبنانية درزية – مارونية
ولكن هل مشكلة جنبلاط مع المسيحيين، او الحلّ يكون باتفاق الدروز مع المسيحيين، كون الشيعة لا يبيع جنبلاط في الشوف ولا السنّي يبيعه في منطقة إقليم الخروب.. لماذا رمي المشاكل مع المسيحيين
- إذا بدنا نبلش بالخصوصيات ما فينا نعمل قانون انتخابي عادل
- الرئيس بري لعيب، وبيعرف انو كلامو هوي فيه للتهدئة، ذات اللعبة يللي صارت طرحو فرنجية
- ما غلطو اللي قالو ساحر وبطلع الحمامة من مطرح والأرنب من مطرح تاني
- العماد عون عم يفرجي يا جماعة هيدا عهد جديد، وقال أول مرة وتاني مرّة، انو عم طالب بإقرار بقانون عصري للإنتخابات يؤمن صحة التمثيل، ويحدّ من تأثير المال السياسي والعصبية السياسية
- العماد عون عم يحكي عن مشروع، والبقية عن مشاريع صغيري ومصالح وحصص
- لما كتبت مقال على الفايسبوك انو ما قدرت انشرو الورقية لإعتبارات مختلفة، قلت هيدا رئيس لا يبيع الكعك ولا يحب الجبنة
- اليوم الرئيس عون هوي الضامن الوحيد لكل الأمور
من يريد افتعال مشكلة مع العهد؟
- في رئيس اجا ع بعبدا، ليحكم، ما اجا رئيس بروتوكول، يستقبل ويودّع، بدكم تتعودو عليه
- عيرّوه بتلفزيون العربية انو بيو كان بياع حليب بحارة حريك، قلت انا كان بياع حليب بس ما كانو يعملو جبنة، لهالسبب ما عندو جبنة، ما بحب جبنة، ولا عندو كعك ليوزعا
- يللي ما بيعرف الجنرال عون ، بدّو يعرفو تدريجياً
- هيدا شخص ما بيتراجع، أكبر خطيئة انو نحكي عن موضوع انو الرئيس عون رح يرضخ للستين
- يمكن يقبل بصيغة مرحلية منأجل الإنتخابات تقنياً حتى ننجز قانون انتخاب
رصد: Agoraleaks.com
