بالفيديو – شباب “Youth Of Mary” من مديوغورية: تشابه بين الشعبين..🇱🇧 🙏🇱🇧 🙏🇱🇧(Video)

📌 صلاة مسبحة على نية لبنان..

📌

https://fb.watch/8SDxOCV-vi/

واليكم أبرز ما قاله “المُرشد” في جماعة “Youth Of Mary” للمؤمنين اللبنانيين في رحلة الحاج الى مديوغورية: (24 ت1؛ 2021)

• هيدا المكان يللي كنا نجتمع عندو كلبنانيين لتلاوة مسبحة “النور” عَ نية لبنان.. وخاصة بس يكون في مشاكل بالبلد.. تقريبًا الـ2000 اللبناني يللي كانو يجو مع جماعة “شبيبة مريم” سنويًا.. واليوم كمان رح نصلّي المسبحة عَ نية لبنان 🇱🇧 🙏🇱🇧 🙏🇱🇧

*(أوجه الشبه بين مديوغورية ولبنان) 🛐 🙏

• كان عندُن العثمانيين وعاشوا الإضطهاد، ونحنا كان عنا العثمانيين وعشنا الإضطهاد ♰

• كان عندُن إحتلالات، ونحنا كمان.. هنّي صار عندُن حرب أهلية على أساس طائفي، ونحنا كمان… 😔

• شعبُن مرّ بفترات جوع.. كانو يعيشوا من زراعة الدخان وما كانو يَعطوهُن حقُن وكان في فقر وهجرة.. ونحنا ذات الشي وصار في مجاعة بالحرب العالمية الأولى..

• هالتشابه بالتاريخ بين لبنان ومديوغورية مش بس بالألم ♰.. كلنا منعرِف إنّو صليب “كريزيفاك” (Krizevac) نوَجَد من ورا المجاعات والإضطهادات، فطلعو عمرّوا الصليب كدليل على اتكال على الله..

• كمان في تشابه بالإيمان، تنيناتنا منحبّ العدرا كتير.. ونحنا حتى اليوم عَ خطى جدودنا منحبّ العدرا.. اللبنانيين بحبوا العدرا قبل مديوغورية، البطريرك حويك، لمّا رسم خريطة لبنان 🇱🇧 وتأسس لبنان، كتب صلا دِغري، بقول فيها “يا مريم ما تخلّي لبنان يخسر قوتو يللي هيّي حبّو الك”

• حبّ شعبنا لمريم قديم.. كل البلدان والشعوب كان عندُن علم.. المسيحيين بلبنان كان علمُن صورة العدرا.. وبس كانو ينتقلو من مطرح لمطرح صورة العدرا ترافقهُن.. وبالعلم اللبناني اليوم العدرا موجودة، لأنو الأرزة بترمز للعدرا، والرهبنة المريمية حاطينا بشعارُن.. الأرزة ترمز لمريم 🌲

• الشاهدة ماريا لمّا إجت عَ لبنان، العدرا قالتلا جملة صغيرة عن لبنان ونحنا بحاجة الها اليوم.. ما تخافوا أنا أمكم.. بدنا نضل نتكّل على العدرا ونصليلا ونطلب شفاعتها.. ومتل ما قال مار شربل لأحد اللي شفيو.. وبضل يرددها الأب لويس مطر (القيّم على دير مار مارون – عنايا) إذا بتضلو تصلوا ما بصير في عندكم حرب، وإذا ما بتصلو بصير في حرب..

• لبنان عندو مصايب وجودية.. واليوم بس بطّل يكون في بنزين وكهربا.. خلوّنا نتذكّر إنّو نحنا اللبنانيين اللي جينا على مديوغورية أشبه بعسكر تدرّب على سلاح المسبحة وأكيد بسلاح صلاة المسبحة رح ننتصر.. والدليل على هالشي، البرتغال لما صلّى وكرّس بلدو لقلب مريم الطاهر ما شملتو الحرب العالمية الثانية، والنمسا لمّا قرّر يصلي نص مليون شخص مسبحة الوردية كل يوم لتحرير بلدُن من الشيوعية انسحب السوفيات من دون نقطة دم.. والشاهدة ماريا قالت بسيسيليا (إيطاليا) للمؤمنين مش رح تندمو لا إنتو ولا ولادكُن ولا ولاد ولادكُن على تكريس حالكُن لمريم.. وأكيد جماعات الصلاة المكرسة لقلب مريم مش رح تندَم على صلاتها وحبها لمريم..

جماعة “Youth Of Mary”

تعمل جماعة شبيبة مريم على مساعدة الشبيبة للتكرّس لقلب مريم الطاهر من خلال عدّة نشاطات روحية وصلوات مختلفة مثل صلاة المسبحة الوردية، والتعبّد للمسيح في القربان المقدّس، وإستمطار مواهب روح القدس، بالإضافة إلى نشاطاتٍ روحيّة أخرى. وتعنى الجماعة أيضاً، بنشاطاتٍ إجتماعيّة مختلفة، التي من خلالها نختبر ونشهد لمحبّة اللّه غير المتناهية في حياتنا. إن جميع النشاطات التي تنظمها شبيبة مريم هي لتقوية حب الشبيبة لمريم لكي يصبحوا رسلاً لها في حياتهم اليومية، رسلاً يساعدونها في تحقيق إنتصار قلبها الطاهر في العالم. بالإضافة إلى ان شبيبة مريم تلعب دور المنسّق المركزي لخمس جماعات أخرى هي: أولاد مريم، عمل مريم، يوحنا المعمدان، سالفاري، والتجمع المسيحي من أجل العدالة.

كما تسعى شبيبة مريم للإتّحاد بقلب مريم، من اجل نيل حمايتها من شر هذا العصر وآلامه، ولمساعدة الشباب الضالة للعودة إلى الإيمان والحياة الصالحة، وبالتالي إن شبيبة مريم هم جنود أوفياء يقاتلون إلى جانب قائدتهم مريم من أجل تحقيق إنتصار قلبها في العالم والشبيبة.