بالفيديو هام – الأخ عمانوئيل والحل الجذري للبنان.. يللي صار بحريصا يعطي الحق للبطريرك..

تقهقر لبنان الكبير بدأ مع المناولة باليد.. والمسيحيي إذا ما رجعّوا “المسيح” أولوية بحياتُن رح ياكلو كفّ أكبر.. 😐 حتى يوعو.. 🧐

شاهد الفيديو بالضغط هنا

(1- شو صار بحريصا) ❓

• حابِب إقرأ شغلة بتدّل إنّو غبطة البطريرك معو حق..
• يللي صار بحريصا، أحد الأشخاص كان بسيدة لبنان كان في شَب بدّو يكب القربانة بالزبالة (يعني بدو يكبّ جسد المسيح بالزبالة) الله ستَر.. إنو في سِت إنبهتلو وقالتلو، “يا تناول القربانة، يا رَجِّعها للأبونا”.. 😔
• أنا إذا حطيّت حالي مَطرح غبطة البطريرك، وعَم يوصلّي متل هالشي عدة أمور.. لازم وقّف المناولة باليد.. ورَجعّها مناولة بالفم 😐

(2- لبنان بالمناولة باليد تراجع) 🙄

• حكينا كتير أمور قانونية وكنسية وتاريخية.. اليوم بدّي إسمح لنفسي إحكي شي إيماني وشخصي.. 🙏
• الكتاب المقدس بعهديه كشف إلنا، إنّو بس الشعب يبتعد عن الله، منوصَل لشي مش لخيرنا.. وأكتر الأوقات هَالتأديب الإلهي منوصلّو بسبب خطايانا (هالتأديب) هوّي اللي بردّنا.. 🙏
• أنا كلّي إيمان بالنؤمن (الآب هوي ضابط الكلّ) وما فيشي بصير الّا بسماح منّو، مش بارادتو.. إرادتو هيّي الخير بس وما بدّو أي شرّ وأي خطيّة.. بس بسماح منّو بتصير بسبب الحرية المُعطاة للإنسان 🙏
• يللي عَم يصير ونِمرُق فيه، هوّي عقاب كبير لأنو بعدنا عن الله.. وما في حل جذري الاّ بعودتنا الى الله، وتُسمّى بالكلام الإنجيلي يللّي نطَق فيه بفمه القدوس “توبة” 🙏
• اليوم صار في كسر رسمي لوصايا الله بالبلدان يللي كانت مسيحية، نشكر الله عنّا بلبنان مش موجودة، ولكن؛

في إهانات مباشرة تُحزّن الله كتير، وهيي عَم تمسّ بِ الله الموجود زمنيًا وماديًا وإيمانيًا بالقربان الأقدس.. الله موجود روحيًا وموجود بكلمتو وبوصاياه، إذا منتبعهُن ونُقاد بالروح القدس تخلص نفوسنا، ولكن، الله موجود معنا بشخصو وبكامل ألوهيتو وإنسانيتو بالقربان الأقدس.. 🔥

لمّا نحنا بدنا بشكل مباشر أو غير مباشر، نبلش نهينو، بدها المصايب تكتَر.. وما رح تروح الاّ ما نصلّح الاّ هالنقطة بالذات..

بالنسبة الي، مجرّد طلِع الخبر إنو البطريك بدّو يردّ المناولة بالفم.. طلِعت حكومة.. 🙏

لمّا نرجّع الإعتبار لَ الله ونوقّف التدنيسات، لبنان ينفرج.. لأنّو لبنان بلش تدهورو القوي تقريبًا بالتزامن مع المناولة باليد.. 👇 وهالشي لا يليق بالله وعلى الدوام كانت الكنيسة لا تريدها 💒 والتي تسبّب تدنيسات بكثير من الأمكنة.. 😔

أوّل ما طلِع قرار بالمناولة باليد، صار:
* عاصفة هوائية بليلة إجبار إنّو الكلّ بالإيد، (لأنو بِقي كذا يوم من القرار حتى إنعَرَف إنّو إجباري الكل بالإيد..) طلعِت عاصفة هوائية وعدة تماثيل مقدسّة تكسرّت.. واحدة منُّن قدام مطرانيتنا بصور “سيدة البحار” وقعت وإنقطعت راسها.. 😔

• أرزة كبيري من أكبر أرزات الموجودة بساحة سيدة لبنان (وهي رمز للعذراء – يا أرزة لبنان) وقعت على الأرض.. 😔
• مطرانية صربا (أقرب لسيدة لبنان) تحت إجرين سيدة لبنان، وقعت شجرة ضخمة كبيري، كسرّت المدخل وسكرّت المدخل بآذار 2020..

هل هي صدفة❓
بِ 4 آب طلِع إنفجار المرفأ.. و4 آب هوي شفيع الكهنة (الخوري آرس)، يللي هنّي بقدسو القربانة، وبصلاتُن بتصير البرشانة جسد الرب.. 😐
وطلِع الإنفجار الساعة وشوي بالمسا.. يعني بوقت يللي ببلّش 90% من القداديس بلبنان..
وطلِع الإنفجار بإهراءات القمح، المادة يللي بتِنعَمَل منها البرشانة، وبتصير جسد الرب.. والإنفجار صار بشكل قرص ابيض بيشبه برشانة.. والإنفجار كلو إجا على المنطقة المسيحية..

هودي كلُن صدفة ❓🤔

(3- المخطط الماسوني) 👽

• نحنا منَعرِف إنّو المخطط الماسوني المؤلف من 33 نقطة ووضعناه بكُتيّب، والهدف الواضح تدمير الإيمان والتقوى المسيحي، وفيها نقاط تطال القربان الأقدس.. 👉
• بالكنايس تحت مفهوم تجديد ليتورجي، يسوع بطّل بنص الكنيسة.. يسوع صار عَ اليمين، أو عَ الشمال.. أوقات بأوضة ثانية… بدّ: تفتشي وينو بس تفوتي.. ما بقي بعرشو متل ما كان من 2000 سنة.. والكنيسة كلها معمولة الو.. والاّ ما منروح عَ الكنيسة.. *طيّب” لما منشيلو من النص لربنا…❓
• ما الكنيسة صارت نوعًأ ما مسرح.. حكي وعرض أزياء، وضحك.. ومين ما كان بيِطلَع عَ المذبح.. يسوع محطوط أوقات ورا كراسي يللي عم يخدمو.. ما بقا يسوع ممجّد ببيت القربان بالكنيسة.. إضافة الى موضوع قلّة الحشمة.. وبتأملاتي الشخصية بربطو بحرب لبنان.. ورغم قرارات البطاركة لم تعالج من الكهنة.. 😔

(4- الشكل والمضمون) 😐

• بخصوص إنتقادنا إنو جهوزية المتناول هيّي الأهم.. ليه في حدنا يُنبّه هيدا الموضوع.. نحنا بمزار سيدة “فيرونيكا جولياني” ما في قداس منبلشو الّا ويسبقه مسبحة ومنضوّي ومنَعطي تأملات روحية بخصوص إنّو قدسّنا يعني نتناول.. *أكيد لازم نِجي نقدّس وقمّة القداس المناولة.. ولكن بين الإثنين في فحص ضمير.. أنا بحالة الخطيئة المميتة من آخر إعتراف لليوم بدّي توب عن (إجهاض – حقد – الطهارة.. الخ) هودي كلُن لازم شيلُن قبلما قرّب عَ جسد الرب.. 🙏
• نحنا منضوي عليُن لدرجة أشخاص كتير إجو شكروني بآخر القداس.. نحنا بغير محلات ما حدا بقلنا.. نحنا كنا نتناول.. نحنا اليوم اعترفنا قبل ما نتناول..
• توعية ضمائر الناس أمر ضروري.. ومن بعد التوجيه بتصير عَ ضمير كل إنسان.. ولكن التوعية بَدها تصير بقوة، لازم وضّحلو وضويّلو مش زتّ كلمة مستحي فيها.. ✋

❌ (الخلاصة) ❌

• الوضوح والمحبة بالتوجيه أمر ضروري ولمّا تتراجع هيدي الأمور داخل كنيسة لبنان، (المناولة بالإيد – قلّة الحشمة – إعادة إعتبار يسوع كعرش وملك) ستخفّ كتير الإهانات.. وحينها سيعمّ في لبنان الخير 🔥
• إجمالاً بكل الأمراض البشرية، العلاج مؤلم نوعًا ما ولكن أقلّ ألم بكتير من المرض.. 👍 وإذا كمّل المرض الظرف أصعب.. ✋ ولكن إذا مكملين هيك واصلين بلبنان وخصاة المسيحيي الى كفّ كتير كبير 👉 حتى نوعااا