أحبائي مع مريم نحنا منعيش بطمأنينة، وهالشي مش يعني الرب بيِلغي التضحية والمعاناة.. ما تخافوا، الصعوبة لا بدّ منها.. بس ممنوع الإنكسار.. ⚡

شاهد الفيديو بالضغط هنا

---

(1) ماريا بافلوفيتش قدمّت صلواتنا للعذراء في مديوغوريه أثناء الظهور

• الرائية ماريا إحدى الشهود في مديوغورية، كأنها ملاك خصصتها العذراء إنو تحمل لبنان بصلاتها.. 🙏
• سنة 2012، لمّا كان لبنان يتهدّد بخطر “الداعشية” إنّو تجتاحنا وتلغي إيماننا، بعتتها العذراء، وفعلاً إجت 4 أيام وتركتلنا رسالة من العدرا: أنا أمكُن، بحبكُن كتير، ما تخافوا 🛐

من يومها الشرق إحترق، وهالبلد الصغير ما كان ينكسر حتى يتم إجتياحو، وينلغى الإيمان فيه.. 🇱🇧✋

• بعد فترة بأزمة تانية، كمان إجت الشاهدة ماريا وزارتنا ليومين، وصلّت ونحلّت أزمة السياسة يللي عَم تعرقل مسيرتنا وعيشنا بكرامة.. 🙏🇱🇧 🙏

• واليوم صرلا فترة عَم تصوم وتقدّم تساعيات عَ نيّة لبنان، بعيد إنتقال العذراء(15 آب 2021)، بتطلب طلب خاص من العذراء، وبتقدّملها لبنان والمأساة اللي عَم يعيشو، وبتطلب منها تِقبلْ التضحيات والصلوات، والتساعيات يللي نعملِتْ عَ نيّة هالبلد.. 🇱🇧

• بتقبل العذراء وبتضحك وبتطلَع عَ السما 🌟 وبتقول الرائية ماريا بافلوفيتش: “العدرا قِبلِت.. 🛐 والعدرا ما بتِظهَر عواطف بالية.. ما بتَعطينا عواطف جياشّة.. العدرا لمّا بتِقصُد بتِعمِل.. لأنها أم الله، وحطّ الربّ فيها ملء السلطان حتى تِحمي ولادها 🙏

• أحبائي مع مريم نحنا منعيش بطمأنينة، وهالشي مش يعني الرب بيِلغي التضحية والمعاناة.. ما تخافوا، الصعوبة لا بدّ منها.. بس ممنوع الإنكسار.. ⚡

• العدرا مش خوفها عليكُن.. خوفها عَ يللي بعدُن فالتين خارج الطاعة لإرادة يسوع.. عَم تطلُب صلاتنا، وعَم تطلُب الإلتجاء الها، حتى تقدِر تحميهُن قدر الإمكان، وتِقدِر تليّن قلوبُن المتكبرة والمتجبرّة عَ نعمة يسوع، يللي ما عَم يفتحوا عَ نعمة الله.. 😔

• الله ليس إله مُقتحم.. الهنا اله لطيف.. يحترم الحرية اللي خلقنا فيها.. يقرعْ.. إذا فتحنالو يدخل قلوبنا.. وإذا ما فتحنالو، الله بعيش بحسرة لأنو بَيْ.. 🙏

• متل أي بَي بشري، ما بيتمنى لإبنو الغلط وعَم يحاول يردّو عن طريق الغلط، وكيف إذا الإبن عَم يختار الدمار ولكن الله ما بيِجبرنا.. اليوم الإبن مصرّ على الغلط.. 😔

• تلات أرباع البشرية اليوم، مصرّة على العداء لله، والعدرا مش عم تِقدِر تفهم .. شو هالتجبّر والكبرياء، يللي هالقد صار الإنسان قاسي.. ما عَم يرضى يرجَع للرب.. وشو حق الرَجعة❓

حق الرجعة قرار يقول الإنسان “يا رب بدّي توب – ساعدني” 🛐

شو ما كان ماضيك، وأد ما كانوا خطاياك.. وشو ما كان تاريخك وجروحاتك، عندا حل عند الرب. 👉 ما في خطية بتِعصي عند الرب الاّ خطيّة ضدّ الروح القس.. يللي هيّي رفض حقيقة الله.

• البشر اليوم ما بدُن الله بملء وعيُن.. بتِحكي مع الشخص الكافر، أو الملحد.. بيعتدّ بنفسو إنو هوي منّو مؤمن.. لحدّ هون وصلنا بوقاحتنا.. العدرا طالبي “نقدملها الإماتات، والآلام يللي عم نقطع فيها، وخاصة نحنا اللبنانيي، رح يلاقو مطرح بقلب الله، والعدرا رح تحولّهُن الى مجد.. ما تخافوا.. بلدنا ما بينكسر.. 🇱🇧 ومش لأنو نحنا قوايا أو عنا سلاح أو دول حاميتنا.. لاق.. لأنو شعبنا بحبّ هالإم (العذراء) وما بيتركها.. وبيَعرِف يصرخلها وقت الصعوبة.. وهيي أمينة على الوعد 🙏

• العدرا مش خايفة عليكُن، حياتكم ضمانة بين إيدَيها.. وسمعت صراخنا وصلواتنا وتساعياتنا..
  العدرا خيفانة عَ يللي بعدًن خارج الحظيرة..

(2- رسالة 25 آذار 1990)

– أولادي الأحبة، أنا معكم، حتى لو تعوا ذلك. أريد أن أحميكُن من كل يُقدمّه لكم إبليس، وبه يبغي القضاء عليكم⚡

هيدي الحيّة الملعونة، عم تبث سمنا فينا.. كل يوم الشيطان بيزرع أفكارو، ورغباتو بقلبنا، حتى يقنعنا.. العدرا صاليتلو، ميشان هيك ما تبعدوا عنّا.. ما توقفو تصلوّا المسبحة.. ما توقفو تلتجئو الها.. 🙏

• كل شخص ببيتكم، بمحيطكم، بتحسوّا بخطر.. كرّسوه للعدرا.. هيّي بتهتمّ وما تخافوا.. إنتوا صلّوا..

الرسالة: كما حملت يسوع في أحشائي، كذلك أريد حملكم

هالبطن يللي أولد المخلص، على الصليب جعل المسيح أموتها عامة، بطلّت بتخصّ يسوع.. هالحشا صار يخصّ كل شخص بحبّ يسوع.. وصار مستعدّ هالحشا يولدو إبن للسما 🌟

وهيك متل ما ربّت يسوع، العدراء بتربيّنا لأنها أم.. وعندا السلطة، ولكن صلاتنا بتساعِدها..

ليه الصلاة تساعد❓

• يللي بكون عايِش بعتمة الخطيّة الشيطان بيِبقا عاميه.. لمّأ بتصلّي ربنا باخود صلاتك وببثّ نور بقلبو.. بخليّه يشوف الوساخة تبع الخطيّة، وبخليّه يندم ويحسّ بحب الله الو.. ويِرجَع بتوبة.. 🛐

• ميشان هيك، كل ما تصلّي بتكون عَم تضوّي نور بقلب الخاطي.. وعَم تكسر سلطة للشرير على هالنفس، وعَم تحرّر القيد يللي ربطو فيه إبليس وأعماه.. 🙏

🔎 الرسالة: أولادي الأحبة، الله يريد أن ينجيكُم، وهو يبعث لكم رسائل بواسطة البشر، وبواسطة الطبيعة، وبوسائل أخرى عديدة لا بدّ أن تُساعدكم جميعها على إدراك ضرورة تغيير إتجاه حياتكم 🙄

• شايفين كل هالأحداث يللي عَم نعيشها ، هيدي كلها رسائل والرب قادر يوقفها.. إنتبهو مش هوي عاملها.. الله ما بيِعمِل شي سلبي.. الله ما بيِبعُت أوبئة، وأمراض.. الله حب.. كل هالشي نتاج البشر.. وإرادتنا أوجدتهم.. 😔 لأنو الرب عطانا ندير الأرض، فدِرناها بشكل سيء.. 🤔 لأنو همنا شهواتنا نغذيها، وأنانيتنا وسلطتنا.. وآخر همي كرامة الإنسان.. ميشان هيك صارت الأرض عَم تنتُج أمراض وأوبئة.. 👿

• الرب تركها حتى يبعُت رسالة من خلالها، ضرورة التوبة والعودة الو.. قادِر الرب بكلمة يوقّف كل ريح وعاصفة عَم تضرب حياتنا.. ولما كانوا مع الرسل معو بالسفينة، ترك الريح تهدد السفية بالغرق، ولكن لمّا طلبوه تدخّل وهدّى العاصفة بكلمة، وقلن للرسل ما بالكم خائفين. لا إيمان لكم 🛐

• لنتكّل على الله وكل شيء تحت السيطرة.. ما نخاف.. وخلينا نقرا بهالرسائل يللي عَم نعيشها، بالآلام والصلبان يللي عَم تعترض حياتنا.. ما فيشي جديد بالكنيسة.. 12 رسول ما بِقي مين يخبّر منًن، وكانواأحباء يسوع، وربيو معو.. وحدو يوحنا مات موتِة طبيعية.. وما تبقى ماتو مشقفين.. هالشي مش معناتا الله تركُن أو الله ما بحبُّن.. الصليب ♰ هوي من ضمن مشوارنا ليسوع.. وبدنا نعرف بالصليب نقرا رسالة الرب وحكمتو.. 🙏

🔎 الرسالة: هكذا صغاري، افهموا عظمة الهبة التي يُقدّمها الله على يدي، لأتمكن من حمايتكم تحت جناح معطفين ومن حملكم صوب فرح الحياة 🌟

*- العدرا طالبة منّا نتكرّس لقلبها 💖 الأزمنة صعبة، ويللي عَم نعيشو بلبنان لا شيء مقابيل يللي بدّو يعيشو العالم.. ومش عَم إتنبأ حتى خبّركُن إشيا بشعة، لكن الشر يللي عَم يعملو العالم، إذا ما تاب، بدّو يدفَع ثمنو.. وآلام كنيسة لبنان وشعب لبنان رح تكون فدى لكنيسة العالم.. 💒 لأنو شعب ضعيف ومغلوب على أمرو ومتمسّك بكلمة الله 🇱🇧 💒 * ما تخافوا هالآلام رح تتحوّل لنصر ومجد. الرب ما بينكسر، والكلمة الأخيرة الو.. وإذا سمح لولادو يتألمو لكن ما بيسمح إنو يهلكو.. ✝

🔎 رسالة العذراء سنة 1990: *بتقول: عَم تحضّر العالم لربيع جديد، مش لكارثة.. يملك فيها إبنها بواسطة أشخاص يحبوه، ومؤمنين وتابعين الو.. ورح يدير العالم بأشخاص مؤمنين، وليس بأشخاص أشرار صانعي حرب.

• عالمنا اليوم يتحكّم فيه الماسونية والصهيونية، والماسونية هيّي المسيح الدجال، يللي بتخترع الحروب، وتظلم العالم، وتعتدي على كرامتهم. الرب بدّو يكسر هيدي السلطة الشريرة، وسيُعيد السلطان الى المؤمن..

تقول العذراء: جسر العبور للربيع الجديد إنتو، ونحنا الكهنة وهيدا العبور بدّو يصير من خلال توبتنا وصلواتنا وقداسنا وإعترافنا ومسبحتنا.. وبتطلُب منّا بهالزمن يللي بدّو يصير في *مخاض” نتكرّس لقلبها.. رح نكون بحماية مطلقة من عندا.. 🙏 من هيك كلشي بخصكُن، ممتلكاتكن، وولادكن، وشغلكن، وصحتكم، ومستقبل ولادكن، كلشي بخصكُ، كرسوه لقلب مريم، ورح تشوفو هالأمان من هالإم لأنو الرب عطاها السلطان.. 🙏

---

(عظة الراهب المريمي الأب مروان خوري “التكريس لقلب مريم” قداس السلام، عيد إنتقال العذراء مريم في دير القديسة تريزيا الطفل يسوع – سهيلة يوم إنتقال السيدة العذراء مريم ١٦-٨-٢٠٢١)

شاهد الفيديو بالشغط هنا

الرائية ماريا الشاهدة في مديوغورية، اثناء ظهور العذراء لها (السبت 14 آب 2021)، قدّمت للأم البتول بمناسبة عيد انتقالها للسماء بالنفس والجسد مأساة لبنان وكل التضحيات والتساعيات التي قدمت فابتسمت العذراء وقبلت الصلاة وصعدت الى السماء بصليب من نور..

 ^{بالفيديو – صلاة الأب مروان خوري للبنان: يا ملكة السلام نوكل إليكِ شعبنا الضعيف.. وليملك علينا الله..} 

عظة الأب مروان خوري “التكريس لقلب مريم” قداس السلام، عيد إنتقال العذراء مريم في دير القديسة تريزيا الطفل يسوع – سهيلة ١٦-٨-٢٠٢١

🇱🇧 ..بالفيديو – صلاة الأب مروان خوري للبنان: يا ملكة السلام نوكل إليكِ شعبنا الضعيف.. وليملك علينا الله.. 🇱🇧