Agoraleaks Agoraleaks
لمّا شخص بدّو يحرق شقفة أرض، بولّع وبفل.. بس لمّا بتولع بعندقت وبالقبيات على مسافة أكتر من 10 كلم بين المواقع وبنفس الوقت وبنفس الدقيقة، وبتهبّ النار بِ 15 موقع، معناتا هالشي مخطط.. وبدّك تشوف شو أهدافو 🎭
ليه دراسة الأرض وتقارير الجمعيات الموثقة لوين رايحة..؟؟ للسفارات..!! (Agoraleaks)
- ليه بدّن يحرقو عندقتن والقبيات.. شو الهدف.. يهجرونا من هون مثلاً.. يعني يللي ما عملو بالحرب بالسبعينات بدّن يعملو اليوم.. ✋ شو المطلوب❓
- اليوم الخسائر بعندقت أكتر من مليونان متر مربّع بس لهلق.. ويللي صار مش أمر تخريبي فردي.. مش شخص إنو حب يحرق.. في مخطط كتير كبير.. في حدا وراه إمّا شي سياسي أو جهة أمنية.. ✋
- يمكن في خطة للمستقبل.. سبق شفنا حريق بالشوف من سنتين.. كانت خطة.. يبدو في خطة عَم تِنعَمَل ما بعرِف شو هيي.. ❓
- حقي إتساءل، وأنا كشخص بقول: في خطة مدروسة وعارفين وين مولعين.. ونحنا كنا آخدين إجراءات ضمن إمكانياتنا.. وبالحريق إذا بتِقدِر توصَل بأول ربع ساعة، بتطفيه.. لكن بس بدها تحترق بِ 20 – 30 مطرح.. بطلنا عارفين شو بدنا نِعمِل..؟؟
- إنو حدا يِجي يستقصِدنا بِ 15 موقع.. وفي مسافات هائلة.. ومن ورا خبرتنا كرئيس بلدية 12 سنة، الحريق منو فردي ولا ناجم عن خطأ.. كيف بنفس الدقيقة كلّو طلع، وفي مسافات 5 كلم خط نار.. إمّا مركبين معدات بالأرض ومعيرينها بوقت واحد تشتعل، أو في اشخاص مدربين..😔 لازم يصير تحقيق جدّي ومخابرات الجيش وفرع المعلومات بربع ساعة قادرين يعرفو مين ورا العمل التخريبي، ويجيبو أرقام التلفونات يللي تحركت.. ✋
- ملايين الشجر راحت.. البلدية قديه قادرة تأمّن، اليوم إذا جبنا 100 شخص بدنا نأمنلُن أكل 3 وجبات مش قادرين.. ليه عنا مازوت وبنزين حتى نِطلع بالآليات.. مبارح الشباب يللي طفو الحريقة ما كان في كهربا بالضيعة حتى يتحممو.. (ما بعرف بغير منطقة إذا عايشين أفضل منا، بس نحنا هيك عايشين)..❗😔❗
- مش وقت إفتح نقاش حتى إحكي عن المصاري اللي إجت من السفارات والإتحاد الأوروبي على الجمعيات كيف إنصرفت..❗ محاضرات وأكل وسهرت وندوات، ولا شيء بالغابة، كحماية للغابات ما إستفدنا شي..❓ وين خطة الطوارئ بمحافظة عكار يللي انصرف عليها ملايين الدولارات، وين؟؟ الـ”NGO” والجمعيات.. ❓❓ ضيافات وأكل وTRAINING.. شو بدي خبرك..❓❓
