بالصوت الأب مروان خوري عن الغطاس: حتى ما تصير مسيحي بالإسم (Audio)

– شئت أم أبيت الأرض تحت سيطرة ابليس.. وبمعمودية الماء والنار تجدّد رباطك بأبيك السماوي..

عظة الأب مروان خوري بمناسبة عيد الدنح / الغطاس في كنيسة الصعود في الضبية:

• هيدي الليلة كلنا منآمن، إنّو الرب يسوع بيقطع وبباركنا، بجدّد وعدو وعهدو معنا
• لكن الله مش بس بهالليلة بيقطع، كل يوم الربّ بيقطع صوبي.
• كل يوم ، بطريقة وطريقة بحاول انو يدقّ على باب حياتنا، لنفتحلو ونبني شراكة نحنا وايّاه
• كل يوم الرب بخاطبنا، بوسائل شتى ، بأحداث ممكن تكون مرّة ومحزنة، وموجعة، ويمكن تكون مفرحة وحلوة

• لكن القلب بدو يبقا على إستعداد ويقظ. يعرف يقرا العلامات اليومية اللي بخاطبنا فيها الربّ
• ليلة الغطاس منتذكّر انو نحنا بيربطنا بالله شراكة، وهالشراكة ممنوع إنها تنقطع من بعد العماد، لأن ربنا بالمعمودية بني عهد بيني وبينو، بين نفسي وبينو، وسماني أنا عروستو، وسمّى حالو العريس، هالقد بحبني.. وهالقد بينتظر منّي اني كون بتواصل معو
• انتو بتعرفو المتجوزين بيناتنا، كل يوم بيحكو مع بعضن. كل يوم بيلتقو بعضن. يوم اللي بطوّل اللقاء ما بعود يتمّ، الحب بصير بخطر
• ميشان هيك الربّ كل يوم عم يجرّب يخاطبنا بوسائل شتى، لكن الخطر اللي صار، أو الخطر اللي صرنا موجودين فيه، الرب بالمعمودية زرع روحو فينا، هالروح طفيناه بمطرح واجت أرواح أخرى حلّت محلو
• ميشان هيك ما عدنا نعرف من خلال الأحداث اللي منقطع فيها نقرا تجليات وعلامات الله بحياتنا
• بدّي ارجع ذكركم شو اللي عملو الربّ معنا ليلة عيد الغطاس.. الرب من خلال علاقتنا معو، أراد ان تكون على رمز الماي والنار

• يوحنا عمدكّم بالماء، أمّا أنا فسأعمدكم بالنار.. في معموديتين بدنا نعملن بحياتنا
• اول معمودية الماي. نحنا كلنا منآمن لما منخلق نحنا تحت سيطرة ابليس. شئنا أم أبينا. بفصل الرؤيا فصل 12، عن الحرب اللي صارت بين لوسيفير وميخائيل بالسما.. رماه ميخائيل بقول النص على الأرض، وقال: الويل لكم يا سكان الأرض، ها إنّ إبليس له وقت أن يبقى على الأرض
• ميشان هيك نحنا منخلق، ومنخلق بمعركة معو.. منخلق تحت سيطرتو

• هالمعمودية بيجي الربّ بيكسر سلطانو عنّا.. بيكسر السلطان يللي حاطط ايدو على مقدراتنا.
• اذا بتفوتو على ذاتكم، وبتقرو وبتشوفو انو ابليس عكم مطرح مسيطر… مسيطرلي على حبي نازعو. مسيطرلي على لساني نازعو بالحكي بالمسبّات واللعنات بالنميمة. مسيطرلي على قلبي مقسيه مدخّل عليه الكبريا والبغض والحقد. مسيطرلي على ذهني حاطط فيهم أفكار جهنمية. مسيطرلي على جسدي صار يستعمل العنف والخبيط والقتل. مسيطر على ارادتي شاللها، ما عادت تقدر تقاوم الغلط، ما عادت تقدر توقف قدام التجربة، دايماً مننكسر

• الربّ بالمعمودية جايي يكسر سلطانو. متل شخص كان بعيد بغربة وقرّر يرجع على بيت بيّو. هيدي المعمودية. وبالرجعة أول شغلي كيف بيستقبلو البيْ (راجع من بلاد بعيدي – من غربة وشقا وعذاب وعبودية)
  أوّل شغلي بيلقطو بحممو.. هيدي معمودية الماي.. ميشان هيك منغطّس الولد، لأنو الماي بمفهوما الأرضي بتغسلنا جسدنا، ولكن لما بيضرب الكاهن بصليبو بالعماد بتصير تغسّل روحك ونفسك. هيدي الماي المباركة
• ومن بعد ما يغسلك بالماي، ويقطعك بهالجرن. بيطلب بسرّ التثبيت ان يُرسل الربّ روحو القدوس ويسكن بداخلك. هيدا الروح يللي بربيّك وبخلّي أخلاقك تصيرأخلاق انجيلية
• هيدا الروح يللي بخليك تصير تشبه بيّك بالسما.
• هيدا الروح يللي بخليك تعيش الفضيلة بالإنجيل.. بلا الروح القدس ما بتقدر تكون مسيحي
• هيدا الروح إذا انطفى بداخلنا بيرجع ابليس يزرع ارواحو فينا.. ومنرجع من جديد أبناء هالأرض ومنبطّل أبناء السما

• ميشان هيك تنحافظ على الروح القدس، متل اللي بيزرع بذرة، او اللي بقمولو شتلة، بدّو يحافظ عليا، بدو يضلّ يسقيها ويغذيها ويعرضا للشمس
• هيدا الروح  إذا ما غذيتو بالقربانة، ونقيتو وفلحت القلب بالإعتراف. وسقيتو بالصلا. هيدا الروح بينطفي، وبتبطّل مسيحي. بتصير مسيحي بالإسم بس
• ليلة الغطاس منقدّس ومنجدّد ذواتنا ليسوع. وقت اللي تعمدنا كنّا أطفال، كان في عراب وعرابة، وقالو عنّا ليسوع نحنا قلك. اليوم بوعينا نحنا كبار، منقلو ليسوع من قلبنا نحنا الك. وانت بينا، وما بدنا غيرك اله وملك على حياتنا
• هيدا العماد . متل المتزوجين عَ طول بجددو عهد زواجن تيبقى الحبّ مكفّى. هالشي مفروض نعملو مع ربنا، ع طول نجدّد العهد والحب يللي بيربطنا فيه
• بتعرف شو معنى معمّد. يعني صرت وقف ل الله.. صرت بتخصو. ممنوع متل اللي بيتجوز صار يخصّ عيلتو، ممنوع يحبّ حدا غيرا. هيدا المسيحي، بالعماد صرت تخصّ الرب. ممنوع يكون عندك غيرو اله. ممنوع قلبك ينقسم. كل قلبك الو
• كنا أطفال ما صرلنا كتير نفهما. مخنا ما كان بيستوعبا، لكن اليوم منقدرنجدّد تعلقنا بالرب يسوع لنكرسها لإلو ولنرفض سلطة ابليس علينا..