Agoraleaks Agoraleaks
بعد ما ربيو وكبرو، تركو الولاد التلاتي بين، حتى ينطلقو بالحياة، وكل واحد يتمّم رسالتو يللي اندعى الها..
مرقت حوالي 10 سنين ورجعو الشباب يشقو على البَيْ.. قعدن الختيار حولو، وصار كل واحد يخبر ويحكي عن الخبرة اللي عاشا بالعالم،
أنا قال الأول، بنفحة كبريا، كتبت كتب عديدة وطبعت ملايين من النسخ،
جاوبو بيو: انت عبيت الدني ورق..
أنا قال التاني بعزّة نفس، عملت محاضرات بآلاف الأماكن،
جاوبو بيو: انت عبيت الدني حكي..
تقدّم التالت وقال: انا ما قدرت اعمل شي عظيم، لأنو بأول رحلتي التقيت بشخص مضيّع طريقو، وبقيت معو كل هالفترة لحدّ ما اهتدى
ابتسم البيْ وقال: انتا حقيقة عرفت تلتقي ب الله
الزوادة
اقرب طريق تنوصل ل الله هيي انو نعيش المحبة الليب بتقتضي انو نفتح عيون قلبنا عَ حاجات الآخرين.. وما منعرف يمكن ربنا حابب يلتقي فيك من خلال خيّك الإنسان،
مش حرام تضيّع هالفرصة…
والله معكم
