Agoraleaks Agoraleaks
بيخبرو عن فلاح بليلة هرب حصانو تجمعو كل الجيران و قالولو: هالشي مش منيح ابدا. قلن: عا نية الله
تاني يوم رجع الحصان و جايب معو 7 احصنة برية، تجمعو كل الجيران و قالولو: شو حظك حلو! قلن: الحمدلله
تاني نهار ابنو جرب يطلع عا حصان بري قام وقع و كسر اجرو. تجمعو الجيران و قالولو: حرام ابنك كسر اجرو هالشي مش منيح ابدا. قلن: عا نية الله
بعد كم يوم اجو الشرطة عم يفتشو عالشباب بالضيعة تا ياخدوهن عالتجنيد الاجباري بس ما اخدو ابن الفلاح لأنو اجرو مكسورة. تجمعو الجيران و قالولو: نيالو ابنك شو حظو حلو ما نقتو الشرطة. قلن: الحمدلله…
الزوادة
اول درس بتعلمنا ياه الزوادة انو ما بحياتنا نقول عن شغلة منيحة او مش منيحة، لأنو ما في شي بيصير بالصدفة خصوصاً مع الرب!
خلونا نسلمو كل شي بحياتنا و نضل نقول عا نية الله و نشكرو عا كل شي و نقول الحمدلله..
تاني درس منتعلمو انو ما نكون حشريين و نتدخل بأمور غيرنا متل هالجيران اللي شو ما صار عند هالفلاح بيركضو يعملو تقييم للوضع و يحكو بدل ما يعملو شي بيفيد و يساعدوه … الله معكن
