بالفيدو قصة تهديد الأب علاوي من قبل سويدان والأطفال الـ6 القاصرات (Video+Audio)

لازم يتعالج، بكرا بيقتل الشخص وبقولو عندو انفصام بالشخصية. والسلاح لازم ناخدو منو (ريما حمدان)

هي ليست المرة الأولى الذي يتعرض فيها الأب مجدي علاوي للتهديد من قبل “موسى سويدان”، حيث حوّل القضاء أولاده القاصرين الى دار “سعادة السما” للرعاية.

سويدان ومنذ أشهر كان قد وقّع على تعهّد خطّي بعدم التعرض للأب علاوي، ليعود ويهددّه بأبشع العبارات، والتفاصيل مع الأب مجدي علاوي، الذي يقول:

• تحول لعنّا من قبل القضاء 6 بنات قاصرات، وصبي. وهني اخوة من ذات العيلة.
• كانو محجبات بس اجو لعنا. عاشو بالدير عنّا. وبعد فترة صغيري، البنات القاصرات هنّي قامو الحجاب. مش أنا. وانا توسلّت لالن، وترجيتن، إذا بتحبوني عنجدّ بتتركو الحجاب. لأنو انا بحبكم متل ما انتو. وانا جبتلن كتاب القرآن الكريم وجبتلن سجادة تَ يصلو

• كنا بعشاء قروي بمنطقة “عشقوت” بسيدة النجاة، وبقلب العشا كنت عم احكي عن المحبة. بفوت شخص ما بعرفو، وعندو لحية طويلة. وفات دغري مطرح ما قاعدين الولاد، وعم ياخود ولد. والولاد عم يصرخو ينهارو. والأم غابت عن الوعي.. وعم يصوّر بكل برودة.
• ركضنا عليه. طلع بيو للولاد.
• نشكر الله، طلبنا القوى الأمنية. وتحركّت، ومن بعدا صار يبعت تهديدات على الفايسبوك، وعلى اليوتيوب. ويقول عنّي أنا كافر. ومش منيح. وهدّد بسفك دماء

• القوى الأمنية وضعت مشكورة حراسة 24 / 24 على الدير تبعنا
• القضاء طلب منّا نخبّي الولاد بمنطقة تانية. وانا وعيلتي نقعد بمكان آمن.
• كان عم يراقب وين كون. وين بجي. وبيعرف انو في عنا مطعم بمطعم عين الرمانة.
• بدقولي البنات. كان دوري اجي. بقولولي أوعا تجي. في شخص عم يهددك وعم يصوّر.

• دقيت للقوى الأمنية ووقفو. ومضي على تعهّد أنو ما بقرّب صوبي. وما بقرّب صوب ولادي. ولا على جمعياتي..
• مبارح بعت تهديد لإلي، وكان قبل يبعت التهديد لعيلتي.. وبحط صور بشعة وبيحكي كلمات مش منيحة عني وعن القضاء
• ما بدنا يصير متل ما بصير هلق، بيقتلو الشخص، ويقولو بعدان هيدا عندو انفصام بالشخصية. قبل ما يصير هالشي، لازم ينلقط الشخص، ومش مطرحو الحبس. لازم نطلعو على مركز علاج لمعالجتو، ولازم نروح ع بيتو إذا عندو سلاح ناخدو منو، لأنو الصورة اللي باعتلي ياها فيها سلاح
• انا مسامحو، وما عندي شي ضدّو. بطلب انو يتعالج الزلمي

الأب علاوي شكر القوى الأمنية والجهات المختصة التي تحركت لتوقيف سويدان، ويؤكد الأب علاوي أنّ التهديدات ومهما كان نوعها ومصدرها لم ولن تقف امام عمله الإنساني والإجتماعي عائقاً.

المصدر: OTV

https://www.youtube.com/watch?v=XUm7e724Dc8