كتير بَعَّدْنا للأسف…

الخطيئة بَهدلِة مش تطور.. وهي أصل الفساد (القديس باييسيوس)

• من لمّا الكاكاو صار Hot chocolat
  و البليلة صارت Beans
  و البوشار Popcorn

• من لمّا القَهاوي صارت pubs
  و القهوة صارت turkish و American و Irish
  و حتى الحليب صار Milk العم سام …

• من لما العُري صار Fashion
  و العُهر صار Open minded
  و المخدّرات صارت Escape
  و الطلاق صار Freedom …

خلقت عنا Single Mom
و Single Dad ….
فاتت فينا المساواة بالعرض …
أيّ عرض …
ما الـ lesbian صار عرض
و ال Gay عروضات…
و Slave عم يكزدر برقبتو جنزير…

• من لمّا الوطنية صارت تطبيل لسارق القلوب
  و الأنفاس و الإفلاس …

• من لما التَدَيُّن صار تخلّف
  و الYoga راحة …
  صار الإنسان محور الكون
  و هو بيجذب Positive Vibes صوبو…

• من لمّا صارت العادات الشرقيةSauvage
  و الدبكة تعربش عالحيطان
  و الطرب جنون و نط…

• من لمّا المرحبا صارت Heyyyy
  والرجال صار Guy …

• من لمّا الخلافات صارت Online
  و الزّعل صار Block
  و الضحك صار Emoticon
  و الرضى صار Like ….

• من لمّا العربي صار عيب
  و الإنجليزي صار رُقيّ
  و French صار ذوات …

• من لمّا السيّارة صارت تقطف Babe
  والـ Iphone X صار Gift…

• من لمّا صار القدّاس بزهّق
  و صرنا نحسّ بالوحدة حتى وسط أهالينا و أحبابنا …

حلْيِت بقلبي قعدة البيدر
وزتّ الحجار عالجوزة
و شرب الماي من العين …

راق وجع راسي
و عيوني لما راح 4G
و تأملت بالتلال والجبال والسهول الملوّنة…
جدودنا عاشوا هون بقلب الصخر لبقينا نحنا….
بس نحنا كتير بَعَّدنا…

للأسف….

الخطيئة أصبحت موضة العصر:

اليوم أصبحت الخطيئة موضة، إن عاين الناس شخصاً لا يسير في تيّار العصر ولا يقترف خطيئة ويتّصف بالتقوى فإنهم ينعتونه بالمتخلِّف أو الرجعيّ.

ذلك أن البشر يعتبرون الخطيئة تطوراً وعدم الوقوع فيها إهانة. وهنا تكمن المصيبة، إذ لو إعترف الناس بخطاياهم لنالوا رحمة الله.

لكنهم يبررون تصرفاتهم ويؤكدون على الخطيئة. وهذا هو التجديف الأعظم على الروح القدس، أن يعتبر الناس الخطيئة تطوراً والأخلاق مجموعة قوانين جامدة.

لذلك فإن الذين يعيشون حياة نقيّة في هذا العالم الفاسد لهم أجر كبير وقيمة عظيمة.

(القديس باييسيوس الآثوسي)