بالفيديو – الأب غسان رعيدي للمسيحيين: رجاءً ممنوع قطع الطرقات والتخريب.. هيدي مش عاداتنا هيدا نَفَس إبليسي، وما حدا يزعَل مني لا قريب ولا بعيد ✋😈👉

الكورونا جرثومة خبيثة موجودة ولكنها تُستخدم لإخضاع المؤمنين والبشر للأنبياء الكذبة 😞

يللي بدّو يتخلّى عن الصليب والوطن والكنيسة وعم يهاجر ما بدّو يحمل صليبو.. وهيدا جبان 🤐

https://www.facebook.com/agoraleaks/posts/1416667331857151

---

(1) مخاض وليس نهاية العالم

• يللي بقول إنّو البشرية اليوم متجهة لنهاية العالم، هودي فعلاً أنبياء كذبة 📣😈
• نهاية العالم ما حدا بيعرِفها الاّ الله وحدو 🛐
• نحنا بزمن المخاض وعلاماتو موجودة، وشايفين كيف الأرض مزعزعة، ومبَلبلة وكلها فوضى، إن كان قبل كورونا، أو مع هالجرثومة الخبيثة.. وأكيد هيّي موجودة ولكن عَم تُستَعمَل للضغط عَ البشرية، وعلى الإنسان والمؤمنين حتى بالنهاية يخضعوا للأنبياء الكذبة والمسحاء الدجالين ويخسروا المسيح الحقيقي يسوع المسيح 👂😞

(2) شو لازِم يِنعَمَل❓

• لازم ننتبه عَ كلام يسوع الواضح والتحذيري.. لكثرة الإثم (الخطيئة) تفتُر محبة الكثيرين.. 😞
• لذلك مطلوب منا اليوم بشكل أساسي الإبتعاد عن الخطيئة، وإذا بضعفنا البشري رجعنا الى الخطيئة نتذكّر إنو في سرّ الإعتراف.. نجدّد معموديتنا ونِرجَع لحالة النعمة، حتى نكفّي المشوار بمشروع المحبة. 🛐

(3) الخوف 😫

• ضروري نَعرِف إنّو أبناء المحبة ما بخافو من شي.. ✋
• اللي بخاف هنّي يللي بعد ما عرفو الإيمان، واللي تركو الإيمان ومِشيو بطريق الظلمة والشر ☝️

ليه بخافوا..❓
لأنو شرورُن إن كانت كتيري أو قليلة، إذا فاتو بالنور بدها تبيّن..؟؟ والمحبة وحدا بتوصلنا لعدم الخوف.. وهيدا الشي للي بقولو مار يوحنا (الخوف بيِِجي من قلة المحبة). ومار بولس بقول: المحبة تبني ما بتهدّم وما بتخرّب..✋

(4) شو المطلوب 🤔❓

• أنا خايف عَ المسيحيين من إنّو يخسرو مسيحيتهم، بسبب كل ما يُعاكس المحبة.. 💯
• رجاءً كمسيحيين ارجعوا لمشروع المحبة.. ممنوع قطع الطرقات والتخريب.. هيدي مش عادات المسيحي.. ولا مرّة المسيحي بيشتم وبيِلعَن وبيتمنى الشرّ للآخرين.. هالشي منّو نَفَس مسيحي، هيدا نَفَس إبليسي، وما حدا يزعَل مني لا من قريب ولا من بعيد.. 📣
• إذا بتريدو عَ وسائل التواصل، من بعد هَالقداس بتبلشو تحولو الفايسبوك والـ”WhatsApp” الخ.. من مصدر شرير وأذيّة وفتنة وعدائية الى مصدر خير ومحبة وسلام وتعاون، ونشر بشرى الإنجيل.. هيدا دورنا.. 🙏 وكل شخص بيِعمِل عكس هيك بكون فعلاً هوي نبي كذاب، وبكون بالإسم مسيحي، وعَم يِمِلعكس اللي بدّو ياه المسيح ونقطة عَ السطر..✋

(5) لبنان 🇱🇧

• بدل ما نكون عَم نضحّي بذاتنا في سبيل الكنيسة والوطن، نحنا اليوم عَم نِخرب الكنيسة والوطن 👉
• حبّو هالوطن وهالأرض وحبّوا هالكنيسة.. ويللي بدّو يتخلّى عن الصليب والوطن والكنيسة اليوم، عم يهاجر ويفلّ لأنّو ما بدّو يحمل صليبو.. وما بدّو يحمل صليب لبنان وما بدو يشارك بحمل صليب الكنيسة، وهيدا جبان 🤐

(6) دعوة 📣

• نحنا مدعوين حتى نخلّص كنيستنا يللي رح تنتصر فينا وبلانا.. ومدعوين نساعد وطننا، من خلال المشاركة بدرب الصليب وبحمل الصليب وبالموت عَ الصليب حتى نشوف فجر القيامة، وفجر إنتصار الكنيسة، وفجر انتصار لبنان/ الوطن لمجد الثالوث الأقدس الى الأبد.. ♰

♰ آمين ♰

(مقتطف من عظة الأحد 27 أيلول 2020)