الفرزلي ومثال عن فساد واضح.. غطاها رجال دين ودنيا (التفاصيل – Audio)

نائب ماروني بطرابلس “نبالة بالنفاق” .. ورقة كلها طلبات مخالفة القانون..!!

مقتطفات من حديث نائب رئيس مجلس النواب السابق ايلي الفرزلي ضمن برنامج “بلا حصانة” على قناة الـ”OTV”:

• الفساد ليس شخص ماثل قدامك بتقتلو وبينتهي الفساد
• الفساد عملية قائمة في كل دول العالم  ومنذ كانت البشرية حتى يومنا، المهم حماية المؤسسات في تفاعلها بمحاسبة الفساد، بانزال العقوبات بالفاسدين
• الفساد أقوى من أي شخص. اميركا ما بتقدر توقف الفساد، إيطاليا والمانيا، ولكن في قوانين وفي مؤسسات بتحاسب
• المحاسبة تبدأ بالمجلس النيابي، المؤسسات الرقابية بدول أوروبا (التفتيش المركزي – مجلس الخدمة المدنية – ديوان المحاسبة) تابعين لمجلس النواب
• مجلس النواب اذا ما حاسب الطبقة السياسية بين بعضن بعض ، عبر وجود معارضة وموالاة، ما بتقدر توقف الفساد
• الفساد اليوم مرتبط بالطائفة
• صارت قصة معي سنة 1991.. بيجيني وفد من شخصين بيتشكو على متعهد، عم يعمل طريق وعم يحطّ أقلّ من المواصفات المطلوبة زفت، متل ما هيي ماشية
  ببساطة لقطات التلفون، وحكيت وزير الأشغال،
  قلك ايلي الفرزلي عم يحكي.. بعت التفتيش..
  تاني نهار بتلفنو بدو يجي وفد من المنطقة باسم الطائفة تبع المنطقة، نبسطت انا قلت جايين يشكروني، فاتو قعدو رجال دين ودنيا بهالدار، وبلش الحديث وأنا ناطر التكريم (معن التنين يللي كانو عندي قبل نهار) وانا ظنيّت جايين يتشكرو…
  بلشو الحديث، عم تحارب فلان لأنو ينتمي الى الطائفة الفلانية
  طلعّت بالتنين حطو راسن بالأرض.. فهمت القصة
  لقطت التلفون.. وتلفنا، وقلنا غلطنا يا أستاذ شوقي (القاضي)..
  ما قدرت ما امشي أو غض النظر، والاّ بعتبر خائن الطائفة الأول
• إذا ما في موالاة ومعارضة بمجلس النواب بتقدر ساعتا مراقبة رئيس الجمهورية عبر الأجهزة تاخود مجراها (لأنه الوحيد الذي اقسم يمين الدستور تطبيق القوانين) وحقو يتدخل جذرياً بأي موضوع، ويدين ويبعت الرسائل لمجلس النواب، يقلن في تزوير أو فساد…
• إذا ما في موالاة ومعارضة، مين بدو يطرح الثقة بمين
• ب 24 ساعة هيدي الورقة فيها كلها طلبات تحريض لمخالفة القانون، ولكن
• ليه ما حدا براجع بامتحانات مجلس خدمة المدنية، لأنو امتحانات صادقة وإذا حدا طلب مراجعة، بصدقك انو ما في تدخل.. ليه ما بصدّق بغير محلّ؟
• إذا خلقت ثقة بيمشي الحال..

عن عودة عدد النواب الى 108 نائباً.. يردّ الفرزلي:

• الكمية التي زُرعت لمعظم نواب المسيحيين في المناطق ليتمّ فيها انتاج حوالي 10 – 12 نائب من كنف المكونات الأخرى..
• فلسفة ان يكون ماروني في طرابلس (عددياً ما بيطلعلن).. بذريعة هيدي لتعميم العيش المشترك! شو هالنبالة بالنفاق؟؟؟ وكذلك الدرزي ببيروت… وغيرا من المناطق
• انا علناً مع اقتراح الوزير بالسيل تخفيض عدد النواب كما نصّ عليه اتفاق الطائف