Agoraleaks Agoraleaks
بخبرو عن غابة فيها أسد مفترس، كان كل يوم يتصيّد طريدة لحتى ياكلا، وصار في عداوة بينو وبين كل الحيوانات، لَ بيوم من الإيام قرّر يعمل معن معاهدة سلام، وطلب منون اجتماع وقلن ،عندي طرح ، كل يوم بتقدمولي حدا مريض أنا باكلو
وهيك أنا ما بكون عم باكول الشباب والأصحاء انما المرضى…
بس بيوم من الإيام كان في حيوانات تنين، حاملين حيوان مريض تَ يقدموه للأسد ت ياكلو..
الأسد بياكول الحيوانات التلاتي..
بيجتمعو الحيوانات وبقولولو للأسد، انتا خالفت العهد، واكلت تلاتي منّا… في تنين منون مش مرضا..
جاوب الأسد: بنظركم انتو منن مرضا، بس بالنسبة لالي انتو كلكم مرضى
زوادة اليوم
بحياتك ما تعلن معاهدة مع مُجرّب، لأنو كذاب وأبو الكذب، ما بتعرف أيّة ساعة بينقلب عليك…
خلّي عهدك مع الرب لأنو أمين، وعهدو ثابت للأبد…
والله معكم
