اضواء على اسباب الوضع الاقتصادي الحالي في لبنان

الله كبير.. وجماعة الميليشيليات اللي شلحو البدلة ولبسو كرافات ونَهبونا، مش رح يضل ولا واحد منن (روبير الهاشم)

بلشت القصة لما حجزو رئيس حكومة لبنان بالسعودية ب ٤ تشرين التاني ٢٠١٧

المعروف انو كانت الحكومة بدا تمضي مع “توتال”، و”إني” و”نوفاتك” ب ٨ تشرين التاني يعني بعد اربع ايام
واللي ييذكر جان عزيز ، مستشار رئيس الجمهورية شو حكي ع تلفزيون الجديد انو قرار ضرب لبنان اتاخد بيعرف عن شو عم احكي..

بلشت لعبة تفقير لبنان لتركيعو وكرمال يستسلم للمطلوب منو

1. ترسيم الحدود البحري مع إسرائيل متل ما بدا اسرائيل يعني التنازل عن ٨٥٠ كلم من بلوك رقم 9

2. توطين الفلسطينيين بلبنان صفقة القرن

3. دمج النازحين السوريين بالمجتمع اللبناني بما يترتب عليه من إرهاق للإقتصاد اللبناني ، وكلف لهلق ٤٠ مليار دولار ، يعني نص الدين العام ما عدا الخطر الأمني..

هوي لبنان مش موافئ علين
يعني اخدو قرار ، إسرائيل واميركا وحلفاؤن بالخارج وعملاؤن بالداخل ، بضرب لبنان من خلال تجويعو ، ففوضى أمنية ، فضربة إسرائيلية على أما انو يرجع يقبل بالشروط اللي ذكرتا..

ورجعو رفعو الفوايد بالبنوك وجمدو مصاري العالم ، وهيدي بتأثر بشكل سلبي عالحركة الاقتصادية وعالاستثمارات ورجعو هربو الدولارات للخارج..

ورجعو بلشو بحملات التيئيس الإعلامية المبرمجة والموجهة ورجعو حرقو الاحراش وقطعو البنزين والدوا والخبز… وبلشو بالمظاهرات بِ ١٧ تشرين ٢٠١٩

وهون سكّرت البنوك وحجزو مصريات العالم..

واضحة ؟

طبعا المظاهرات بلشت بتشرين الاول لأنو الحفر ببلوك رقم ٤ كان بدو يبلش بين تشرين التاني وكانو الاول، وبيرجعو الميليشيليات بيخبرو جماعتن انو في تنين مسؤولين عن الوضع الاقتصادي ، الرئيس عون والوزير جبران باسيل 😉 يعني شي ما بيتصدق ، بس جماعتن هيك صارو يفكرو..

هلأ المهم انو هودي الميليشيليات (فرع الثوار) ما بتشوفن بيتظاهرو إلا ضدّ الصح 🙄

وبالنسبة إلن ، سبب كورونا بالعالم هوي جبران باسيل بالتعاون مع الرئيس عون، بس بدي خبركن خبريي ، خرء الحصار الاقتصادي بلش ، قريبا منلمس نتايجو، وإذا بدن يمنعو بالسلاح رح ينفجر الوضع ومنرجع منوصل لحل
ما حدا يتشاءم ، مَرَ على لبنان اصعب من هيك وما ركعن شعبو ورجعنا بنينا اللي تهدم ، وواضح انو الطائف ما رح يضل متل ما بتعرفو ، صلاحيات مهمة لرئيس الجمهورية رح ترجع مع استراتيجية دفاعية نهائية..

وهودي جماعة الميليشيليات اللي شلحو البدلة ولبسو كرافات ونَهبونا ، مش رح يضل ولا واحد منن‫.

الله كبير ما تخافو ، الله معنا وعنا رئيس جبل ومدعوم من جبل، والسلام.