Agoraleaks Agoraleaks
فرصة أخيرة قبل الإنهيار وما بقا في وقت..!!
ماذا جاء في كلام مدير عام وزارة المالية بعد إستقالته..؟؟
📌 وعُوا نحنا صرنا بمرحلة جداً متأزمة وخطيرة من حياة الوطن، وما بقا ممكن نأجّل الخسائر ولا الحلول ولا نعتبر إنّو غيرنا رح يحمل الخسارة.. 😞
📌 انا مارست صلاحياتي.. وصار من واجبي قول وصلنا عَ حيط مسدود ✋ والكلفة هون مش إنو يبقا الشخص بوظيفتو أو لاق.. الهدف إنو الدولة بكل أجهزتها توعا عَ يللي عَم يصير وتقتنص الفرصة قبل فوات الأوان 👉
📌 اليوم في خيارين بالبلد:
- خيار1: نحسم القرار بالمشاركة كبيرة لكل مين مفترض يشارك من زمان بتعويض الخسارة، لإعادة العجلة الإقتصادية
- خيار2: أو إنو نضلّ نتفرّج حتى يصير التصحيح عَ 5 ملايين لبناني بأموالُن ومدخراتُّن وبحياتن ومستقبلن ☝️
📌 الوقت داهم.
- كنا نقول سابقاً إذا ما زبطت اليوم بكرا بتزبط.. اليوم ما بقا معنا وقت.. ✋
- الإستياء هوي من بطء الإصلاح وتعثرها بشكل كامل ☝️
- الواقع هوي إنّو كان في محاولة إصلاحية جدية، وكان في إندفاعة وراها.. ومع الأسف التركيبة السياسية المالية نجحت إنو تضرب فرام كتير قوي 😞
📌 مش لازم نوصَل لمرحلة نتمنّى، إنّو كل واحد منيح بالإدارة يفلّ.. بالعكس لازم الواحد لازم يقدّر شو هيّي الظروف الي جعلت شخص يناضل لسنوات ضمن شي بيشبه الغابة 👿
📌 تكتّل المصالح موجود وين مكان: بكل ما يتعلّق:
- بالسلطة
- المال
- مؤسسات الدولة وبالعام والخاص وموجود بين
- الناس
والكل ملاحظ كيف تكتّل المصالح قادِر يتحرك بأكثر من مكان ومطرح ويشوّه أمور..
📌 اليوم نحنا بوضع إمّا ننطلق من جديد إمّا أمام إنهيار.. 👂 وكل صاحب مصلحة بسرعة إنّو التمسّك الأعمى بإنو ما ندخل بعملية جذرية إصلاحية رح ترتدّ عليه 👂
📌 اليوم في فرصة لوجود أزمة.. وهالفرصة هيي للتغيير الحقيقي.. إذا بدنا نفوّت الفرصة علينا.. أنا مني حابِب كون ضمن هالفريق.. ☝️
السؤال❓
- هل النظام حابب يقوم بخطوة التغيير.. يللي عم شوفو بهاللحظة هيدي الجواب هوي لاق.. 😞
📌 أمر مزعج إنّو لما الشخص يقوم بوظيفتو وواجباتو (والغريب اللي صار مع هالمجتمع المريض) إنو إذا شخص ما مارس واجباتو ما حدا بيسألو.. أمّا إذا مارس مسؤولياتو بصير بدّو يعمل حاكم مصرف لبنان أو وزير.. ✋ يا جماعة عَم إعمِل واجباتي ومسؤولياتي… 📣
📌 الإستقالة..
الواحد بياخود قرار لأنو قرار.. أنا مني هون لبيع مواقف ومني عَم آخود موقف جزئي ☝️
29 حزيران 2020
