“الطريق” كتاب جديد عن مديوغوريه 📕 “خرق العَتمة مش صعب”.. ورغم الضيقات الله لا يعيقه حيطان ولا بواب مغلقة (Video)

🌷♰🌷
⛪ ابي زيد عن مديوغوريه: أن أسعى..🤵 أن أسمع..👂 أن أفهم..🤔 أن أعمل.. ☝️ ⛪

https://youtu.be/9XDcVV4Xjtg

(1) الإلتزام.. 🙏

• يسوع قلنا أنا الطريق وأنا الحق وأنا الحياة، والحق يحرركم.. وحتى نتحرّر يعني بدنا ننقل كلشي منملكو لغيرنا..
• حتى يتمّ هالشي بدها إيمان لأنو فاقد الشيء لا يعطيه.. بدّو الإنسان يكون معبّى سلام حتى يِقدِر يعطي سلام، 🤝 وبدّو يكون معبّى حب حتى يِقدِر يعطي حب 💕
• العدرا هيّي بتعبينا من يسوع ونحنا بدورنا ننقل يسوع للآخرين..

(2) جمعية مريم ملكة السلام 🕯️

• التزمت بجمعية مريم ملكة السلام منذ أكثر 20 عاماً.. وبعتبر اليوم كل يللي قبل راح.. طبعاً مش ندمان على شي.. لأنو بقول متل مار بولس “أنسى ما ورائي وأتوجّه نحو الهدف..🎯

(3) العَدوى 🛐

• يسوع قلنا أيّ فضلٍ لكم إن أحببتم الذين يحبونكم.. متل اليوم بتِجي المواقف اللي لازم ناخدها..
• يسوع قلنا أنا نور العالم..🔥 ولكن بمطرح تاني قلنا “أنتم ملح الأرض/ أنتم نور العالم”
• صارت مهتكم من بعد ما تاخدو من هالشمس يللي هيي يسوع / النور، إنّو نحنا ننقلها للآخرين..
• ضروري ننقل فرح المسيح لأنّو مقتنعين، ولأنو الناس بحاجة.. وخرق العتمة مش صعب.. نور صغير بيِخرقها.. وما في نور غير يسوع قادِر يخرٌق هالعتمة اللي عايشينا.. واليوم أنا مؤمن إنّو رغم الرجاء مش ظاهر، سيُفتح باب الرجاء بحيط ما.. لأنّو الله لا تعيقه لا حيطان ولا ابواب مقلفة 📣

(4) كتاب مديوغوريه 📕

• أنا بصدد إصدار كتاب عن مديوغوريه إسمو “الطريق”.. ويسوع هوي الطريق والحق والحياة..
• صحيح أنا مهندس ومني لا كاتب ولا شاعر، ولكن بإحدى المرات أعجبت ببيت شعر “إجرح القلب واسقي شعرك منه” 🙏 وبالتالي مش ضروري تكون كاتب حتى تكتب.. بدّك تحب.. ومن بعدا تكتب من قلبك من بعد تسلم كلماتك للروح القدس.. وهوي اللي بيِعمِل العجايب.. 👉
• غلاف الكتاب صورة لصليب كريزيفاك (جبل الصليب في مديغوريه) و‎الناس متجهة صوبو عَ الطريق..
• فكرة الكتاب إجِت لما كنت بمديوغوريه.. وهونيك وضعت تصميم الكتاب الرئيسي.. وبصراحة لمّا بِرجَع إقرأ الكتاب حتى صلّح كم شغلة.. بكتشف إنّو مش أنا اللي كاتبو.. 🔥

لمين موجّه الكتاب❓

📌 للناس اللي مفَكرين حالُن منُن على الطريق 👂 مفكرين إنّو الطريق مسكّر، وللناس اللي معتبرة حالها منسيّة.. تماماً كبولس وبطرس.. “أنسى ما ورائي، وأتمدّد الى الأمام، وأسعى نحو الهدف..” لهالفئة من الناس موجّه الكتاب، لأنّو كتار مفكرين إنّو خطاياهم أو تعبُن أو يأس حياتُن أقفلت الطريق، هالكتاب المؤلف من 500 صفحة لتفتح طريق ما.. 🙏

📌 النوع التاني هوّي للناس يللي عَ الطريق 🤔 وهودي نوعان:

• الكتاب رح يكون سند الُن، ورفيق الُن.. ورح يتذكرو خبار وإختبارات مديوغوريه، وبيتضمّن لاهوت ضمنو.. 🙏
• الفئة التانية من الناس يللي ماشية عَ الطريق.. وأنا واحد مُنن.. وهالشي كتير خطر.. لأنّو مفكرين حالُن مقربين عَ الطريق، وما بقا بدُن شي.. ✋ إنّو خلص وصلنا.. إنو نحنا منصلّي 100 مسبحة.. ومنحضَر 100 قداس.. الخ.. وهيدا أخطر نوع عَ الطريق، لأنو في كبرياء 👂 وهيدا الشي اللي صار معي بمديوغوريه 🤔

(5) إختبار 👉

• رِحت عَ مديوغوريه بالشتي بشهر شباط، قعدت 7 أيام لحالي.. ومنَعرف إنو مديوغوريه بهالشهر ما فيها ولا إنسان.. وما في أي مطعم بيِفتح ولا محل…
• كنت مفكّر حالي رح آخود نيشان، وإنو العدرا رح تستقبلني من بعد 20 سنة خدمة.. ورايح مبسوط..

*لكن”

يسوع أخدني على معركتي تبعي.. تماماً متل ما عمِل يسوع مع بطرس.. من بعد نكرو، قلُن: لاقوني على الجليل.. للمكان الأوّل يللي إلتقى فيه 🛐 ومن هونيك رِجِع بلش من جديد.. 🎬

• هونيك كانت حرارتي 40، وكنت وحدي مع الشتي والتلج.. وأنا اللي كنت إحكي مئات من العالم، قلي يسوع بلش حكي حالك.. ☺️
• كنت إسمع دَعسات إجرّيي.. ومفكرّن دعسات إجرّيي طلعو إجرَين يسوع اللي حاملني..
• تعذبت كتير.. لأنو كانو 7 أيام صعبين.. بس رجّعني يسوع للصمت وللإيمان، وللتواضع أكتر.. وصرت ما عدّ سنين.. لأنّو كل يوم بدنا نبلش من جديد.. وهيدي الطريق.. يللي ربنا قلّلي كتبا، وإكتب عن الناس اللي مفكرين حالُن قرّبو عَ الطريق 👍
• كلنا قلوبنا بدها تغيير.. ومن هيك بمديوغورية طريق الصعود نحو الصليب كلها حجارة.. وكأنو تقلنا نزعو قلوبكم الحجرية حتى تصير قلوب حيّة.. 🛐✝️
• واليوم بزمن كورونا.. إذا سلكنا الطريق صح بتِقدِر تكون محطة إيمانية قوية النا..

مضمون كتاب مديوغوريه

• الكتاب مش بس عن مديوغوريه.. قصص مديوغوريه بتلوّن الكتاب.. ولكن الكتاب بجوهرو بردّ عَ سؤال “لوين أنا رايح”❓
• أنا متجّه صوب مين‼️ هل متجّه صوب يسوع والسلام… ❓ حتى أوصل عندي 4 مراحل:
• أن أسعى..🤵
• أن أسمع..👂
• أن أفهم..🤔
• أن أعمل.. ☝️
  وهالأربع خطوات بتخلينا نوصَل ليسوع.. ومن ضمنُن (الصمت/ الصلاة/ الإيمان/ الحب والخدمة)
• وبمديوغوريه تعلمّنا كيف سعينا.. كيف سمعنا.. كيف فهمنا.. وكيف عملنا.. والكتاب بيتضمّن خبرات كبيري حصلت مع الناس..
• كتاب مديوغوريه مجلّد عن ظهورات العدرا.. وعن الصليب الأزرق والصليب الأبيض.. والإجتماعات الليلية، والبكي والدموع والشكر والفرح والإبتهاج.. 🙏

🔥 تأمّل/ أنا هو لا تخافوا..🔥

نسير في الظلمات على متن سفينة تتقاذفها الأمواج والرياح، فيتأرجح إيماننا بين الشكوى والخوف..

ونخاف أن نضلّ الطريق من جديد فنصرخ “اين الله”❓

نسمعه في صمتنا، يهمس في ذاتنا، انا هو لا تحافوا..

لتكن يا رب كلتك مصباحاً ونوراً لطريقي، فالطريق مظلمة أحياناً، فكن أنت نوري 🕯️

الدرب وعرة، فكن أنت سندي..

نفسي قلقة، فكن أنت سلامي..

وحريتي مقيدّة، فكن أنت خلاصي..

لتكن كلمتك بوصلتي، فلا أضيع ولا أتشتّت في متاهات العالم

لا تدع هموم الحياة تتآكلني.. ولا الصراعات تخنقني.. ولا تدع الأهواء والمال يستعبدني.. بل لتكن كلمتك طعامي وراحتى ورغبتي وعبادتي..

لا تدعني أضيع فأضيعّك يا حبي، ويا حياتي ويا بوصلتي وطمأنينتي، لأني إذا ضعت الى أين أذهب وعندك الحياة الأبدية..

(ذكرى الـ39 سنة على ظهورات العذراء في مديوغوريه – نورسات؛ حزيران 2020)