كيف رد الناشط طوني أوريان على المؤتمر الصحافي للنائب شامل روكز.. (Video)

• رسالة مؤثرة من الناشط العوني طوني اوريان وجهها الى النائب شامل روكز

https://youtu.be/IUGxiYsAzWI

طوني أوريان في رسالة مؤثرة للنائب العميد شامل روكز:

• مسا الخير حضرة العميد،
  فكرّت منيح قبل ما إحكيك، ولقيت من واجبي إبعتلك هالرسالة.
• قبل كلشي، حضرتك بتعرِف وبتشهد إنّو الشخص اللي عَم يحكيك ما عندو أي طموح حزبي، أو سياسي، أو أي خلفية شخصية، وبتعرِف منيح إنّو أي عمل بقرّر قوم فيه، أو أي رأي بَعطيه على الصعيد الوطني، بينبع من ضميري وواجبي تجاه ربي.
• اليوم حضرت المؤتمر الصحفي، وتوقعت تكون غضبان وثائر على المافيا يللي عم تتمرّد على العدالة، وتحمي اللصوص ببيوتا.
• بس للاسف بيطلَع المؤتمر تحريض للعالم والعسكر إنّو يتمرّد على الشرعية، ودعوة للإنقلاب.
• نعم شامل روكز رمز من رموز المؤسسات العسكرية، عَم يحرّض العسكر تتمرّد على الشرعية. شرعية الشعب اللي إنتخبك. والشعب اللي عَ مدى سنين يقاوم ويتظاهر ويثور..
• بوقتا كنت حضرتك بالخدمة لفترة 15 سنة من نضالنا، وكنت عَم تتلقى الأوامر، وكانو يحطوكُ، بوجنا لقمعنا.. ما كنّا نردّ غير بغنية “تسلم يا عسكر لبنان”.
• هيدا الشعب ذاتو يللي جان قهوجي أمر بسحقو، وهوي وعَم يتظاهر من كم سنة رفضاً لتمديدو.. وكان عَم يطالب هالشعب فيك قائد للجيش، كونك الأكثر كفاءة.

عميد

• عميد عن ايّ ثورة عم تحكي بالمؤتمر..
  عن ثورة الزعران.. والحرامية والشياطين..
• ثورة اللي سرقو وجع العالم وغضبا..

ثورة مين؟؟

• ثورة بري..!!
• ثورة جنبلاط..!!
• ثورة جعجع..!!
• ثورة الحريري..!!
• ثورة سامي إبن أمين الفاسد..
• ثورة فرنجية الصغير المخبّا “الحرامية” بالبيت..!!
• ثورة أيتام عبد الحليم خدام
• ثورة أهالي الموقوفين الإسلاميين، يللي قتلو الجيش، وعَم يتظاهرو قدام ميرنا الشالوحي..!!
• ثورة أشرف ريفي، يللي أمر بتوقيفنا وقت حرقنا علم داعش
• ثورة نبيل الحلبي العميل التركي، محامي داعش والنصرة، وأحد منسقي هيدي الثورة..!!

ثورة مين..؟؟

• ثورة تسكير الطرقات على الشعب، وعودة المعابر والحواجز الميلشيوية، والإعتداء على العالم. ثورة اللي سكرّو الطريق عليّ أنا وآخد مرتي حتى تولّد..!!
• ثورة اللي منعو تلاميذنا يوصلو عَ المدرسة..!!
• ثورة يللي حللّو دمنامن كم شهر،وحضرتك بتشهد إنّو يللي حللوا دمنا بمساجد طرابلس، وقت دافعت عن وطني ضدّ تركيا.. وحملو الأعلام التركية هنّي ذاتُن عَم يتلطوّا بالأعلام اللبنانية هلق..

اليوم بخطابك، ساويت الأزعر باللآدمي..

حكيت إنّو الثورة بالآخر بدها دم ..

دم مين..؟؟!!

بهيك حالة، أكيد ما رح يكون غير دم الأوادم..

بالآخر بسألك.. ثورة على مين..!!

ثورة على رئيسنا، يللي شربنا الوطنية والعنفوان..!! ويللي علمنا ثالوث التضحية والشرف والوفاء..!!

إيه والوفا حضرة العميد..!!