اﻟﺤﻜﻮﻣﺎت اﻟﺤﺮﻳﺮﻳﺔ وﻗﺼﺘﻬﺎ ﻣﻊ اﻟﻨﻔﺎق…

مارون الزغبي – بدايةً، لازم نعرف شو يعني الحريرية السياسية،

الحريرية السياسية هي سياسة اقطاعية اعتمدها الحريري الأب وسلمها للحريري الإبن في ما بعد، ومن أبرز إنجازاتها:

– تحويل إقتصاد لبنان من إقتصاد منتج معتمِد على الزراعة بالدرجة الأولى إلى إقتصاد ريعي يعتمد بالشكل الأساسي على قطاع التجارة والخدمات (مما أدّى إلى ما نحن عليه بشأن وجع المزارعين جراء عدم تسويق المزروعات)

– اعتماد سياسة اقتصادية تقضي بدعم المصارف وإعطائها الفرصة “لتدَين الدولة، ولازم نشير كمان إلى إنه أكثر من نصف ديون الدولة اللبنانية هي ديون داخلية، للمصارف اللبنانية…

وهلق خلينا نشوف الحكومات الحريرية، وكيف ساهمت هالحكومات بنهب لبنان.

سنة 1992 (سنة يلي كلّف فيها رفيق الحريري رئأسة الحكومة) كان الدين العام 4443 مليون دولار!

سنة 1998 (عند انتهاء أول ولاية للحريري الأب) تطور الدين العام من 4443 مليون ل 18197 مليون دولار!

ومن سنة 1998 لل 2000 استلم سليم الحص رئاسة الحكومة.

وخلال هالسنتين ارتفع الدين العام من 18197 مليون دولار ل 24151 مليون دولار يعني ما يقارب ال 6 مليار دولار!

سنة ال 2000 رجع الحريري الأب لرئاسة الحكومة، وبقي مترأسها من ال 2000 لل 2004
وما فينا ما نخبّر قديش كان الدين العام سنة ال 2000 وكيف تطور خلال 4 سنين ليصير 35302 مليون دولار يعني ارتفع ب 4 سنين حوالي 11 مليار دولار!

بعد انتهاء ولاية حكومة “الأب الحريري” استلم مقاليد السلطة التنفيذية على مدى 271 يوم كل من عمر كرامي ونجيب ميقاتي وخلال هالفترة تطور الدين العام من 35302 مليون ل 37726 مليون، يعني شي مليارين دولار!

وبعد انتخاب مجلس نيابي جديد عام 2005 (وانتهاء ولاية نجيب ميقاتي) وصل “اسطورة الدين العام” الرئيس فؤاد
السنيورة يلي شغل منصب رئاسة الحكومة على مدى 4 سنوات و 112 يوم (أي من ال 2005 لل 2009 ) وخلال هالفترة كان التطور الأبرز للدين العام، فكان عام 37726 2005 مليون دولار وصار عام 51408 2009 مليون دولار!

عند انتهاء ولاية حكومة “الأسطورة”، تسلم الرئيس الحريري “الابن” (سعد) رئاسة الحكومة على مدى حوالي سنة ونصف وبهل فترة، ارتفع الدين العام من 51408 لفوق ال 60000 مليون دولار! (مش بس 60000 لأنه في كتير ديون مش مسجلة، أبرزها، ديون تأخرت الحكومة عن دفعها وقيمتها ما بتقلّ عن ال 5 مليون دولار، متل المبالغ المستحقة للضمان الاجتماعي والمبالغ المستحقة للمدارس الخاصة المجانيّة وغيرها كتير…

رح أكتفي بهالقدر من الأرقام والتعقيدات، وبعرف انو كتير ناس ما بتهمها هالأمور!

ولكن قبل ما تنزل تسكر الطرقات وتعمل ثورة، لازم تعرف انو الدين العام كان سنة ال 1992 حوالي ال 115 مليار ليرة، مع انتهاء عام 2011 ، صار الدين العام فوق ال 100 ألف مليار ليرة…

هيدي باختصار شديد قصة لبنان مع الدين العام، أي بطريقة غير مباشرة قصة لبنان مع بيت الحريري أو الحريرية السياسية!