Agoraleaks Agoraleaks
♰ هون ببشري ما في كورونا.. في سبع صلبان محاوطة بشري، وفي مار شربل ومار سمعان، ومار سابا، وأرز الرب، ووادي قنوبين والقديسين، ومار الياس، ومار شليطا، ومار سركيس وباخوس، ومار انطونيوس.. إذا بتخافو من “كورونا” لا تروحو عَ الكنيسة ولا تروحو لعند الله، الله ما بقا يتعرّلإ عليكم.
♰ الله قال من عندو: اللي عندو نتفة إيمان أد حبّة الخردل، إذا قال للجبل إنتقل فينتقل الجبل. في الله وفي يسوع، وفي العدرا، وفي القديس شربل، هوي هون بالجو عَ طول..
♰ حاج خايفين وفزعانين يا قليلي الإيمان، في الله. من قديم وجايي بشري ما بصرلا شي.. بشري مرقد السباع. مرقد الكرامة والشرف والأخلاق، ومن قديم وجايي المسابح بايديهم.. الموتى بالقبور عَم تصلّي كرامة بشري، وحاجي فزعانين.
♰ روحو لعند الله وعَ الكنيسة، فتحوا الكنيسة يا خوارنة. لأنو في الله لأنو الكورونا منا أقوى من الله. الله أقوى من الدنيي كلها سوا. واللي بيتكّل عَ الله الله ما بيتركو.
♰ رجعو ل الله يا قليلي الإيمان. صلبو إيدكم عَ وجكُن. وبس تروح عَ الكنيسة، تحط “إيشارب” المرا عَ مخها. اللي بيِلحق الله، الله ما بيِتركو. الله حاضر ناضر، وأيّا ساعة بتطلبوني تجدوني، وإذا كنتم تنين أنا الثالث بيناتكم.
♰ لحقوا الله ما بقا في غير الله، رجعو للإيام القديمة، كانت المسابح بالإيدين، رجعو لما كان الفلاح عَم يفلح المسبحة بيإدو، ويللي عَم يحصد المسبحة بايدو، ويللي عَم يسقي المسبحة بإيدو..
