Agoraleaks Agoraleaks
انا نهى عبدالله مطران تم تشخيصي بسرطان القولون بشهر كانون التاني ٢٠١٩ من بعد سنة و عدة عمليات صار يكزدر بكذا محل بجسمي … اهمن الروايا..
طيب … انا عملت عملية كبيرة بشهر 12/2019 و كان لازم بعدا بشهر ارجع و كمل كيمو … بس انا من تيسنتي (عنادي) لهلق ما عملتو للكيمو ع اساس شو انو عايشين يومان حلوين بلا ارف الادوية..
شنصت معي بالوقت لي اجلت في الكيمو طلعلنا الكورونا لو انا ما اجلت الكيمو هيك محن كانت هلق مناعتي صفر من ورا الكيمو طيب ماشي لهون انا قاعدة بالبيت و مني مسترجاية اطلع منو و عندي بنتي طفلة عمرا سنتان و نص و اهلو لجوزي اعمارن فوق ستين ….. جوزي عم يروح و يجي ع شغل و عمي كمان و مش حيالا محل الشغل ببور بيروت اكتر محل في عالم … اذا جوزي استوعب كيف يداري حالو … عمي هيدا الزلمي الكبير اديه معقول ينتبه ع حالو و يستوعب خطورة الفيروس ؟؟؟؟ حدا يجاوبني و هو هيدا الختيار لي ما ببيصدق يوصل على البيت لياخد حفيدتو بالاحضان و يغنجا و يبوسا مع العلم كمان انو انا كل يوم بوقفلن عالباب و بطلسن سبيرتو من فوق لتحت …..
بعد كل هيدا و بعد ما نطهر كل شي عم نجيبو و كل شوي منرش مسكات البواب و الاسطح السوليد و نعقم كل كيس بيفوت عالبيت و نوقف ع كل شباك و طاقة و نرشرش اودجافيل و الخ ….بعد كل هيدا شو بينفعني اذا عمي هالختيار الطيب قرطا بوسة لبنتي او عطس عطسة بلا ما حدا ينتبه و هو يكون محتك بحدا حامل البلوط لاسمو كورونا ؟؟؟؟؟ ساعتا بينفعني شي اسمو وقاية؟ توصيات؟؟؟ واسطات ؟؟؟؟ ما انا كنت عايشة اعلى درجات الوقاية و مسكرا كل البواب قام فات الفيروس من الشباك ……
برسم الحكومة اللبنانية …. حياتنا و حياة ولادنا مش لعبة استفيدو من النحس لي ضربنا لصالحكن و بينوا ولو لمرة وحدة ،وحدة بس انو مصلحة اللبناني بتفوق اي اعتبار اقتصادي و سياسي و سياحي و استراتيجي و كل مصالح اهل المصالح و خدوا القرار بالحجر المنزلي و حظر التجوال تحت طاءلة المسؤولية و خلعوا ظبط كل واحد بيقلكن لاء و شكرا
