بالفيديو – شربل خليل عن إجتماع في واشنطن سنة 2017 (تلفزة + إعلاميين + مصرفي + سفير) لضرب عهد الرئيس عون

التفاصيل

https://youtu.be/1mqpmLUMtFg

ولذلك
نعمَل خلية إعلامية بشكل هرمي، ومدروس ومتشعّب بشكل إنو الأمر بيصدر من برّا (الهدف) في ناس ينسقوا وجماعات الثورة والـ”NGO” والأحزاب اللي ركبو الثورة هدفن شنّ الحرب الإعلامية القذرة على:

• بآخر 2017 (ت2) حصل إجتماع إعلامي في واشنطن ضم:
• صناع الإعلام في لبنان على مستويات (أصحاب تلفزيونان (2) + مدير صحيفة تابعة لِ 14 آذار
• صاحب مصرف كبير بلبنان، وله نشاطات إعلامية
• 2 من أصحاب المواقع الإلكترونية الإخبارية
• 3 أشخاص من وجوه الحراك الموجودين حالياً (وبيطلعو كتير على التلفزيون) وإعلاميان ذكران، وإعلامية أنثى
• سفير دولة عربية

الهدف..؟؟
لما صار في قناعة عند الإدارة الأميركية إنو:

• الرئيس ميشال عون مكمّل بحلفو مع المقاومة،
• مكمّل بسياستو النفطية وما رح يغيّر..
  وبرأيهم
• ممنوع لبنان يصير دولة نفطية وفي قوة كبيرة إقليمية لديه متل حزب الله.
• ممنوع يجي رئيس مسيحي قوي يأمّن الغطاء والدعم الشرعي والمسيحي للمقاومة يللي هوي ميشال عون أو حدا يكملّو نهجو..

لهيدا السبب إجت هيدي الخطة لضرب كل هالمشروع، وتفجّر بثورة 17 ت..

• الرئيس ميشال عون
• عهدو
• التيار الوطني الحر والوزير جبران باسيل كونه إستمرارية ميشال عون ومكمل خطو

التسوية
كانت لتمرير الوقت.. حتى ما يبقا البلد بالفراغ.. نعملِت التسوية ومشي الحال.. ولكن مع إصرار الرئيس عون على مواقفه… وُضعت هذه الخطة من بعد مرور سنة على وصوله الى بعبدا…

الأخطبوط الإعلامي اشتغل..
وصرنا كل يوم أو أسبوع نسمَع خبرية أو شائعة.. وأي إنجاز يعملو التيار دغري يُضرب بالإعلام… ونفس المكنات اللي اشتغلت بِ 14 آذار 2005، وبنفس الأسلوب ونفس شركات الإعلانات والمخرجين اشتغلو بذات الخطة، ولكن التركيز كان كبير على وسائل التواصل.. ووسائل التواصل بتضيّع “الشنكاش”.

الإقتصاد
بالتوازي مع الخطة الإعلامية، كانو ماشيين معا مافيا المصارف لضرب الإقتصاد.. إنو إعلام بس وتحريض على عهد الرئيس عون ما بيِعمِل ثورة..؟؟

الناس لازم تجوع.. ولازم يصير في بطالة.. ولازم يوقَف شغلها.. لذلك جاءت خطة رفع الفوائد لَ 18%.. ووراءها خطة ضرب الإسكان..
ومن الإسكان ضُربت الكثير من القطاعات..

المؤامرة كانو فيها: الإعلام + المصارف + الجهات السياسية اللي فايتة بالتسوية وبالحكومة، وكانو الكل عَم يشتغلو بخبث كبير لضرب العهد وكل مشاريعو.. وعم تتعرقل، وكانو يستغلو عرقلتها لضرب العهد.. (( ليكو ما جاب الكهربا.. الخ))

قليلي توزّع خبر إنو الرئيس عون طلّع مرسوم بالقصر الجمهوري طلب من 70 بلدية يعملو تماثيل الو.. هودي الأخبار تركيب هيدي الخلية اللي حكيت عنا.. وهيدا مثل صغير عن الشائعات اللي تطال التيار الوطني الحر..

وهيدي الخلية بعدا مكملّة.. وهودي الإعلاميين يللي كانو بإجتماع واشنطن هني وراء تكبير حجم شخصيات بالحراك.. فكان يُسلط الضوء عليهم حتى يصيرو وجوه معروفة.. لصناعة المؤثرين بالمجتمع.. إذاً ما نراه هو لعبة كتير خبيثة..

س: ولكن الحراك ليس موجه فقط ضدّ العهد وعون وباسيل حصراً..؟؟
شربل خليل: إيه بكسّر عون وبكسّر باسيل.. وهدّمت كلشي عملو التيار وكل جمعتان تلاتي بينزلو بيِعملو “Dance” قدام بيت وليد جنبلاط.. وقدام بري ما عادو تحركو.. وحزب الله من تاني يوم ما جابو سيرتو.. وسليمان فرنجية مش موجود بلبنان.. والحريري جماعتو هيي بتِنزَل بتسب غيرو..

وين الثورة؟؟

مبارح نزل التيار الوطني الحر حتى يِعمِل مظاهرة على مصرف لبنان والمصارف يللي فقرّت الشعب اللبناني..
الثورة شو عِملِت؟؟
عِملِت حملة ضدّ التيار.. معقول هالوقاحة تبعُن.. إنو نحنا مع عزرايل ضدكن..

النائب سليم عون حكاها من يومين.. التيار الوطني الحر ما كان بدو يجدّد لحاكم مصرف لبنان رياض سلامة، ولكن إجت رسالة من أميركا إنو رياض سلامة خط أحمر..
شو بيِمنَع لو أصرّ التيار الوطني الحرّ يشيل رياض سلامة، وقامو الأمركان قطعو الدولار نهائياً..