بالصوت مقتطفات من “شريعة” جوزفين ديب… وفياض “حزب الله ما بيقتل أطفال وعائلة عقل هاشم ما تعرضلا وبالأخلاق ما حدا يزايد (Audio)

– جوزفين: في فرق بحلب بين يموت 100 طفل أوآلاااااف الأطفال!
– فياض: برمجة للعواطف أمر مزيّف، ما في علاقة بين الرز والمرحبا.. لو عارف بدك تفتحيي الموضوع، كنت..
– ديب: ما بحقلن للإعلاميات (ديما، وصحفيي الجزيرة) يوجعن قلبن عَ أطفال حلب!!

 

1

2

مقتطفات من حديث المحلل السياسي حبيب فياض لقناة الـ”OTV” ضمن برنامج “يوم جديد” مع الإعلامية جوزفين ديب:

تقول ديب: حصول بعض الأخطاء من بعض الإعلاميين والإعلاميات (ديما صادق، أو اعلاميي قناة الجزيرة والعربية) لا يعني انو ما في صور من حلب كانو حقيقيين، شو بدك بالخطأ الإعلامي..

يردّ فياض: بدّي ريحك بشغلة، أنا شخصياً، اذا بموت طفل هون أو هون،  والله العظيم انو احساسي بالحزن واحد

• بالإطار العام، خلينا نحكي الأمور ببساطة، انو أيها المعترضون على ما حصل في حلب، هل تريدون لحلب ان تبقى تحت وطأة الإرهابيين؟

تعترض ديب: بتعرف شو المشكلة.. خلينا اسأل، يا دكتور، صرنا إمّا عم تخيرني… يا بدي اقبل داعش، يا بدي اقبل بموت مئات الأطفال.!!!

يردّ فياض:

• سمعيلي شو بدي قلك، كلّ حرب بصير فيها انتهاكات أخلاقية، ما في حرب على وجه الكرة الأرضية، ما بصير فيها (خليني كمّل المقاربة) ولكن المعايير الأخلاقية، وقت بدها تشتغل بالحرب، ما بتشتغل ع أساس صورة بجيبا وبحطا وإبني عليا رؤية وموقف.
• المعايير الأخلاقية، أنا بسأل يللي عم يحارب هل هو طرف مجرم، او طرف عندو اهداف سياسية مشروعة
• لحتى قيّم يللي عم يصير بحلب، الحرب شو هيي، الحرب هيي مقاتلين. المقاتلين هني ناس، بدك تشوفي البيئة يللي بينتمو لإلها، شو هيي أخلاقن؟ كيف بفكرو، شو هيي عقائدن؟
• يعني ابن حزب الله ابن ناس، ابن حزب الله هوي انساني، هيدا ابن حزب الله جايي من بيت محترم، ورايح يحارب، ما رايح حتى يقتل أطفال! ولا حتى يعمل مجازر، ولا رايح يتشفّى من هؤلاء الإرهابيين

عيب تشبيه عناصر حزب الله التي دافعت عن لبنان ولا تزال بالدواعش!!

ديب: تسأل هل الجرائم هي نسبية؟ هل موت الأطفال هو نسبي؟ هلق إذا مات طفل وكان من قتله ابن عيلة، وعم يقتلو كرمال قضية

فياض يردّ:

• عنا بالحروب، في عنا شغلتين، عنا ناس مجرمين هدفن يقتلو مدنيين. هون هنّي المجرمين وهول لازم يتحاكمو
• وفي عنا ناس عم يخوضو حرب مشروعة وهني ناس نضاف وأخلاقيين، هني وعم يحاربو بهيدي الحرب المشروعة، عم يروح مدنيين، فرق كبير بين الحالتين

جوزفين: آلاف الأطفال!!

يسألها فياض: هل الجيش السوري الو مصلحة يقتل مدنيين؟ ليه بدو يقتل مدنيين؟

ترد: لاق ما الو مصلحة؟ بس في فرق هل ناخود بعين الإعتبار وجود المدنيين!! في فرق يموت 100 طفل أو آلاف الأطفال!

حبيب فياض:

• في فرق بين فوت بمعركة تاقتل مدنيين، وبين فوت بمعركة عندي أهداف سامية ونبيلة وفي ارض بدّي حررها، وبالعرَضْ عم ينقتل مدنيين
• قتل المدنيين هوي مأسوف عليه، ولا يمكن لأي حدا يقبل فيه
• بسأل سؤال مركزي قدام العالم والكاميرا، شو رأيكم نخلّي حلب مع الإرهابيين، والحديث مش موجّه لك انتي! (جوزفين لاق أنا أو غيري) لأنو نحنا وعم نحرر حلب ممكن يموت ضحايا مدنيين

تسأل جوزفين آلاف الأطفال..!! بقدر اعطيك خيار تالت

• فياض: سمعي مرّة حزب الله عقل هاشم الرجل التاني بجيش لحد، وقت تأكد حزب الله انو إذا بدو يغتالو في طفل معو بالسيارة، ما عمل عملية
• بالأخلاق ما حدا يزايد علينا، حتى بشار الأسد هو رجل لا يشبه نظامه، وضمن نظامه في ناس فاسدين، ولكن الأسد انسان مصلح 
• انتي برأيك هناك استخفاف بالمدنيين على صعيد الخطط اللي نعملت لتحرير حلب… (جوزفين ديب: ايه)
• أعوذ بالله، كل حدا من جماعة النصرة أو “الزنكي” او جماعة احرار الشام، حاطط حدو مجموعة من الناس حتى ما يتقوص عليه، ولولا العقدة المدنية، حلب من زمان كانت سقطت
• بدل ما نلوم حزب الله والجيش السوري من الصحفيين يللي عم يغبّ ع قلبن..

تدافع ديب عن اصدقائها، “الا يحق لهم انو يوجعن قلبن على الأطفال!”

فياض: مبلا، بس ليه ما وجعن قلبن على قتل المجزرة يللي صارت بالعراق.. 2000 شاب قوصوهم وزتوهم بالنهر!

• هيدي البرمجة للعواطف هوي امر مزيّف، ويتظاهر انو هوي انساني

2 (تابع حوار شريعة جوزفين ديب لحبيب فياض)

• بالمعركة في حلب، إذا حصل انتهاكات اخلاقية، هي غير متعمدة على مستوى الخطط التي أدت الى تحرير حلب
• بمعنى آخر، داعش والنصرة وقت يللي بفوتو ع تدمر، ضمن الخطة الراسمينا على الخريطة، بس نلقط المدنيين فسم منحرقو بالنار، قسم منغرقو بالماي، قسم من قصلن راسن.. القتل جزء من المخطط
• بحالة تحرير حلب، بتجي التوصيات قدر الإمكان تجنبو المدنيين ، عدم قتل المدنيين، استهداف العسكريين فقط، بس طبعاً بعامل الإحتمالات في احتمال بالعملية التحريرية سوف تؤدي الى مقتل مدنيين
• بميزان المفاسد بين انو تبقا حلب بين وطأة الإرهابيين المحتلة، وبين انو حررها، واذا حررتا بدو ينقتل مدنيين.. ضمن عدد معين بحررها

ديب تطلب عدم المزايدات، وتعطي مقارنة بين، صورة أطفال حلب المرميين على الطريق

فياض

• ما بوثق بالإعلام، يمكن يكونو الصور من انفجار الكرادة بالعراق..
• شو بدي يعرفني جوزفين.. نحنا بمعركة 50% من المعركة عم تندار بالإعلام
• لو عارف بدك تفتحيلي الموضوع، كنت جبتلك قناة عربية، ولد عَ أساس مقتول من الجيش السوري، بعد فترة طلع ولد واقف وعم يضحك
• يا اختي في مطبخ إعلامي.. في أبرياء قتلو، بس الصورة مضخمة جداً

تقول الإعلامية ديب، أنا جوزفين ديب، ما بكيت.. عم اسألك..

• بس شوف المؤشرات من بكي وغيرا وصور مفبركة عشو بدي استند
• بس اعلاميين بيعتبرو احتلال تدمر بطولة وقتل المدنيين بطولة، وعم تبكي على أطفال حلب كيف بدي أوثق فيكي

ديب: انا شفت صورلمشاهد أطفال جثث بحلب، وشفت جثث أطفال سقطوا بقانا من العدو الإسرائيلي، وبوقتا هوي قال انو مجزرة قانا، انو ما كنا عارفين في أطفال!!!!

• بستغرب بالمقارنة… ابداً مش موضوعية، وما في علاقة بين الرز والمرحبا
• دخول الجيش الإسرائيلي بعناقيد الغضب او بحرب تموز، متل محاولة الجيش السوري لتحرير حلب!!!
• فرق كبير بين انو حدا يتعمّد قتل المدنيين، وبين حدا عندو معركة، هوي عم يخوض المعركة عم ينقتل مدنيين
• جماعة الزنكي بحلب جابو طفل فلسطيني على الهوا وقطعولو راسو.. عطيني صورة وحدي للجيش السوري أو حدا من حزب الله جاب طفل بحلب وقتلو؟؟

ديب صامتة

• عم تحكيني عن الإسرائيلي، والله العظيم يا جوزفين، عم قلك شو صار.. عم احكي عن اخلاقيات الحرب. وعم جاوبك، كانو عم يشربو هني وياهن شاي، اتفقو انو القافلة تضهر. هيي وضاهرة قبل ما توصل على حاصبيا الطيران الإسرائيلي ضربا.. صح أو غلط
• قتل المدنيين جزء من الأجندة الإسرائيلية، وقتلوهم بموقع للطوارئ بقانا، وبحلب عندي إرهابيين والنصرة وجماعة الزنكي واحرار الشام و1000 فصيل.. بدي حرر الحلب.. والاّ بتبقا 1000 سنة تحت رحمتن
• ايه بس يصير قتل المدنيين كبير ما بحرر حلب..

ديب تستشهد بتقارير الأمم المتحدة، هيك بتقول، فياض يجيبها:

• في شاعر بقول عن الأمم المتحدة، انو وظيفتا بالحياة استبدال الأوطان بمخيمات
• ما تنخدعي يا جوزفين ديب
• تحريرحلب مقدمة نحو إعادة بسط الدولة السورية للسيطرة على كامل أراضيها
• تحرير حلب محطة استراتيجية على طريق انتصار هيدا المحور بالمنطقة، وانا إذا كنت بين خيارين بكاء بعض الإعلاميات وبين تحرير حلب.. بروح حررّ حلب
• واقع المدنيين وظروفن يللي عم ينقتلو ومعيشتن في ظل الإرهابيين بحلب، أسوأ ب 100 مرة من عملية تحرير حتى لو أدى سقوط مدنيين
• جوزفين جماعة داعش والنصرة هول مش بشر، هول وحوش بشرية

هل يغيب عن بال الإعلاميين والإعلاميات أن قتل الأطفال يمكن ان تفعله داعش وجماعة “الزنكي”، كما استخدمت مواد سامة لقتل الأطفال ونسبها للجيش السوري، والتي اقرتها مسؤولة الأمم المتحدة بعد انتهاء الهمروجة!!

رصد Agoraleaks.com