Agoraleaks Agoraleaks
– عن فتوى إجازة قتل النسوة تبعن واطفالن.. والإعلام التافه التضليلي المسموم.
– تلاعب بالمصطلحات بين نازح ولاجئ وهجرة غير شرعية للسوريين.
– التضليل منو شطارة لو في ورا غرفة عمليات.. وورا وسائل الإعلام إعلانات وبنوكي بتحدد السياسيات.
– استراتيجياً (مش يعني بكرا) تركيا تخرج من حلف الأطلسي وتدخل بالفلك الروسي…
– الأمركاني بيعرف انو الروسي محدلة يا بتزيحي من طريقو يا بيمرق عليكي. الأمركاني بكذب وبفاوض متل الأفلام الأميركية، باطار سينمائي
– يللي ما رح يموت من المسلحين بحلب، بموت بادلب، وإذا ما مات بادلب ترامب بيقتلو بالرق
1
2
مقتطفات من حديث مدير الإستشارية للدراسات الدكتور عماد رزق، لإذاعة صوت “فان” مع الإعلامية هلا حداد:
- حسم حلب سيكون نهائي، من شباط الماضي لليوم كل المحاولات الروسية والمبادرات الروسية للتخفيف من إراقة الدماء، والهف الوصول لتسوية بأقل أضرار
- لهذا السبب كنا عن نشوف تأخر بالحسم العسكري، وكنا نشوف الحكومة السورية عم تتكبّد خسائر على المستو العسكري والشعبي
- الجانب الأميركي ابدى انزعاجو من التوافق التركي الروسي، وكلنا عم نلاحظ، ومن عدة أيام سقطت طائرة تركية لم يتم الإعلان بشكل موسع عن الموضوع، سقطت طيارة f16 أميركية، والربان تبعا اتراك.. تم اعلان الجانب السوري انه اسقطها.. لافتعال اشتباك سوري التركي، ولكن الجانب الروسي اصدر قرار او بيان ليؤكد ان بحسب الرادارات وأجهزة الرصد أن اسقاطها تمّ من خلال صاروخ من جماعة “داعش”، وبالتالي لا علاقة للجانب السوري بها
- انطلاقاً مما سبق، حتى على المستوى التحريض الإعلامي والتحركات الشعبية اللي صارت بأكثر من عاصمة بالعالم ضد السفارات الروسية والقنصليات، كان الهدف منا التحريض على الروسي، انو هوي شريك بالجريمة
- المشكلة بالـ”يُقال” والتوثيق. اذا منحكي ببعض التفاصيل، مساحة جغرافية نصها مدمّر، يتحدثون عن مئات آلاف من المدنيين، كيف بدن يتجاودو؟ في تهويل وفي تضخيم للأرقام، ما عم نقول ما في مدنيين، تقدير الأممي بقول في 70 الف مواطن. التقدير الميداني بقول في 30 الف من بينهم 4000 مسلح. وكل الأرقام بتبقا تقديرية.
- بالأسبوعين الماضيين تأكدنا انو الأرقام كلها تهويلية وغير حقيقية
- من عدة أيام عم يطالبو بخروج بعض الخبراء الغربيين، تحديداً الأميركيين والفرنسيين، ويللي هني كانو مسؤولين عن كل هيدي المعارك، هيدا الاتفاق الجانب الروسي رفض يفوت فيه.
- روسيا على مستوى الكرملن والخارجية والدفاع، الحسم سيتمّ بحلب
- الاتفاق التركي – الروسي هوي اكتر من اتفاق، ورح نشوفو بالمرحلة القادمة رح يغيّر شكل العلاقة بالمنطقة كلها، وتدريجياً تركيا تنسحب من الحلف الأطلسي، عم احكي استراتيجيا، مش بكرا.. أي خلال السنوات القادمة، هيدي هيي المؤشرات
- التفجير إسطنبول والتداعيات كلّو بيمشي ضمن السياق ذاتو
- تركيا تخرج من العباية الأميركية وتقترب من العباية الروسية، ما قلنا توافقو. قلنا تقترب، وهيدا المؤشر جيّد على مستوى المنطقة الرافضة الهيمنة الأميركية
- الدول بتشتغل لعشرات السنوات، ما بتطلع بالشخص، نعم الرئيس بوتين قال طعننا بالضهر. ولكن وضع شروط معينة، تمّ تطبيقا من اردوغان.. هيدا لا يعني ان الأخير ينفّذ اجندة روسية ولكنه تكتيكياً خرج من الأميركي التجأ الى الروسي
- عندما نرى الأميركي قديه بحرّض.. عم يستخدم التجييش الإعلامي ضد روسيا، المجازر التي تُرتكب، سؤال الأميركي ما عم يرتكب، قصف الحلفا صرلو كذا سنة بيقصفو عن بو جنب، ما عم نعرف شو عم يعملو… صدقيني ما حدا بيعرف
- إعلام كاذب بس يستخدمو صور من باكستان مش فضيحة، هيدا منو شطارة، التضليل منو شطارة لو في ورا غرفة عمليات
- الوكالات الغربية تحت السيطرة من رويترز الى الـ AFP التي توزع الصور هناكوتهيمن على الوسائل الإعلام
- كل وسائل الإعلام مع احترامنا لالها بتعيش على الإعلانات، والإعلانات ممسوكة من البنوكي، والمؤسسات هيدي عندا سياساتا ومصالحا2
2
- الإعلام موجّه وخبيث وبضرّ، ولا يترك للإنسان انو يحلل او يطلع بنتيجة
- هيدا ما يُسمى إرهاب ومجازر ببعض الأماكن، هوي قبل ما تحصل مجزرة، في تحضير نفسي لإلها، وفي الإستعداد لتنفيذ الجريمة، واليوم صارت سهلة، حتى عند كل الأطراف
- الإجرام والإجرام المتبادل ما بقا يخدم حدا، وهيدا مسؤول عنو اعلام غربي موبوء، الإعلام يعني ننقل صورة مش نحرفا
وتكشف الإعلامية كلودا عقل، أنه طلب من اعلاميين ببعض وسائل الإعلام، كي يكونوا فاعلين أكثر على وسائل التواصل الاجتماعي بآرائكم..
يعقّب رزق: صار قيمة الخبر بعدد الـ”لايكات” (Likes) شو هوي يللي بيعني إذا أنا بستحق أو لاق؟
- بخصوص المفاوضات أنا خبير فيه، ودارسو وبعرف كيف بتنشغل، المسار العسكري والدبلوماسي بيمشو مع بعض، لذلك يمكن يكون التصعيد الميداني جزء من تحصيل على مستوى المفاوضات ليقتنع انو يللي بحلب يتوجهون الى المقابر
- الجانب الروسي قبل السوري حلب لن تكون منطقة إرهاب انتهى.. كيف البقية عند الروسي تفاصيل.
- الأمركاني بيعرف كيف الروسي بفكّر. الروسي محدلة يا بتزيحي من طريقو يا بيمرق عليكي. هيدا تاريخ روسيا، الأمركاني نفسو طويل بضل يفاوض متل الأفلام الأميركية، ولكن هيدا نفس كاذب، لأنو بيستخدموها باطار سينمائي
- المنطقة المتبقية ما بيحرز. هودي المسلحين ذات عائلاتهم.. لكن هودولي بشر، وهني ما قالولن بدنا نقتلكم، قالولن في عندكم خيار الخروج من حلب الى ادلب (قندهار) لا يعني الى النعيم أو الجنة، بل الى المحرقة.. بعدان للدول كل يللي عم نجمعهم إرهابيين.. عندكم خيارين، يا منبعتن لعندكم، وبالتحليل يللي مش رح يموت بشرق حلب، تأكدي رح يموت بادلب، واذا ما مات بادلب وراح على الرقة، إدارة ترامب الجديدي رح بقتلو
- بعض الإعلام الغربي والعربي المرتبط، يقول ميليشيات شيعية تشنّ حرب ابادة، وطلبو فتاوى قتل اطفالن ونسوانن بحجة انو بدن يغتصبوهم.. هيدي تفاهم وبعض الإعلام اللبناني عم يشارك بهيدي التفاهة، وهيدي عملية تحريض
- كلنا عشنا حروب وقصف بلبنان.. اليوم الإعلام عم يقول انو الحرب شيعية – سنية.. وهيدي مش الحقيقة
عن سقوط تدمر… يُسأل رزق، اليست سورية تحت مجهر روسيا؟
يقول:
- تحت مجهر، اليوم في معركة بحلب وبمنطقة متوترة، يتوجه اليها الأنظار، ويتمّ المراقبة بها..
- ما حدا في يعمل مسج جغرافي 100%.. والغربية عم يعطو مساعدة، واختارو توقيت مزبوط
عن هجرة السوريين الى لبنان
- لا يجب تسميتهم بنازحين لأنو النزوح يكون ضمن الدولة الواحدة (هل لبنان وسورية دولة واحدة)، ثم فيما بعد اطلق عليهم كلمة لاجئين (للإستفادة المالية دوليا) وهم بالفعل هجرة غير شرعية
- عنا دراسات بالموضوع موجهة للحكومات لا نكشفها للإعلام كونها مدفوعة
- هناك تلاعب بالمصطلحات، السوري في لبنان لا نازح ولا لاجئ..
- الإتحاد الأروبي قد ما هوي خايف خصّص 63 مليار $ لل 10 سنين القادمة، بيدفع للبنان او لتركيا أو للدول المضيفة. خلّو الناس عندكم، نحنا مندفع أجارهم..
- صح عم ناخود اجارن، تنطعميهم ونسكنهم.. بس يكون في 90 الف ولادة بالسنة لاجئين سوريين. ب 10 سنوات مع مفعول إضافي.. عم نحكي اكتر من مليون شخص إضافي وعم نحكي سوري، ما عم نحكي لا فلسطيني ولا عراقي ولا سوداني ولا مصري… يعني عدد لبنان بصير 10 ملايين
رصد Agoraleaks.com
للإستماع الى الحديث كاملاً (إضغط هنا)
