بالصوت باسيل لسامي كليب: ما تنسا اسرائيل.. وحزب الله لا يسمح لنفسو بهالشي، ما في لزوم للسؤال (Audio)

سامي كليب يضحك مؤكداً والسؤال هو: موقفك كرئيس التيار اقل من موقف الرئيس التاريخي للتيار العماد عون.. 
– كل حدا مع حدا عندو ضمانة التلت.. ومنتأمل من بري يكون “المايسترو”، والشكليات ما منوقف عندا
– بلتقي مع السيّد نصرالله كتير.. والمقاومة يجب ان تقاوم إسرائيل والتكفيري والفساد لبناء دولة

ملخص من حديث رئيس التيار الوطني الحر جبران باسيل لقناة الميادين: (2/2)

• الحكومة ستؤلف مش بالمهل الزمنية الطويلة اللي اعتادو عليا اللبنانيي آخر 10 سنين
• نحنا عم ننتقل من مرحلة لمرحلة بالبلد، قبول واقع سياسي جديد مش سهل على الجميع انو يهضمو، ويقبلو بفترة قصيرة، خاصة انو بعدنا بتموضعات بعض الناس مش قابلي تخرج منا لرحاب لبنان الأوسع، ميشان هيك قال الرئيس هيدي مش حكومة العهد الأولى
• مش سهل كتير توفِقْ بين عدة أطراف. الحكومة بلبنان فيها الحقايب، فيها الأوزان، وفيها التوزيع الطائفي والمذهبي، كلن بيدخلو بالحساب
• في ناس بتغّير رأيا، بتكون مبلغي موقف، بتلاقي موقف تاني
• ما سمعنا من رئيس الحكومة فيتو على حدا، او على صيغة، بالعكس عم يكون مرن وعم يتكيف.. الحقيقة عم تجي الأمور من خارج رئيس الحكومة ورئيس الجمهورية، بكون الواحد قطّع موضوع

عن موقف التيار من حصة المردة، وقانون الانتخابات الذي يُعمل لأجله، والضمانات داخل الحكومة، قال باسيل:

• كلا شكليات ما وقفنا عندا، شفتنا جادلنا او ردينا.. نحنا من الأول قلنا حكومة وحدة وطنية، يعني بيتمثلو فيا المردة
• الفرق كنا عم نقول الحقيبة يللي بدن ياها لا تتناسب مع حجما، لكن إذا أراد حدا يعطيهم حقيبة من عندن ما في مشكل، كتير فرحين، انو تم هيدا الشي
• نحنا بمسار تصحيحي متدرج، اول جزء منو، متل ما صار بانتخاب الرئيس، ستغلب بالحكومة، وبقانون الإنتخاب
• نحنا اللي رافضينو رفضاً قاطعاً هوي عدم وجود معايير واحدة، اعتراضنا الأساسي على المختلط لأنو ما عم يعتمد معيار واحد
• اليوم لو في معيار واحد على الأكثري أو على النسبي.. كنا منقول وقعنا تحت هالمعيار
• للنسبية في عدة صيغ، فينا نعتمدا بالكامل أو بدوائر مختلفة، من دايرة وحدي ل 13 دايرة…
• في شعور انو بتحلّ مشكلة بيرجع ينخلق مشكلي تاني، في واقع جديد، بطّل البحث بالبلد عن أمور ما عاد الها معنى، ما فيك تحسب حدا على حدا بالمعنى الداخلي
• في خيارات سياسية عاملتا الناس بالموضوع الأشمل الأكبر، انما بالداخل اللبناني ما بقا في اصطفافات تفوتك مين معو النص، ومين معو التلت
• كل حدا مع حدا عندو ضمانة التلت، وبالتالي لن نرى استهدافات ومحاصرات لأحد ضدّ أحد
• مع الرئيس بري مش خايفين بالتفاهم الإنتخابي، لأنو بهالموضوع عنا نظرة استراتيجية قريبي، وهون بدنا ياه مايسترو لعمل قانون انتخابي نأمّن توافق الأكبر بين اللبنانيي، ويكون عندو عدالة تمثيل ووحدة معايير

عن حسم الجيش السوري معركة حلب، يقول:

• ننظر للموضوع من خلفية واحدة، محاربة الإرهاب، واستقرار سورية لأنو هيي دولة جارة وعزيزة علينا، ولأنو هالشي بقدي لاستقرار بلبنان
• منريد كل الخير لسورية، وبس تستتب الأوضاع بسورية، بصير في خير للسوريين وللبنانيين
• قضية حلب وغيرا، ما لازم تُصوّر بما يعنينا نحنا كلبنانيين، انو انتصار لأحد على احد، كلام السيّد نصرالله جزء من مفهومنا لتحييد لبنان، بس حكي انو شو ما صار بسورية، ما عم ندخلو على لبنان
• بموضوع النازحين، نحنا مؤمنين انو بعلاقة مع الحكومة السورية بتساعد بمسألة حلّ النازحين، جزئياً
• كلشي بفيد منقوم فيه، وكلشي ما بفيد لا لبنان ولا سورية، ما قلو لزوم، نحنا بموضوع النازحين برأينا بفيد لبنان، والسوريين ما بقولو عليه لاق، لأنو برجع جزء من شعبن الى بلدن، في فريق من اللبنانيي ما بدو هالشي يتمّ، طيب إذا عملتو بغير رضى جزء من اللبنانيي، شو الاتفاق يللي بتقدر تعملو… ما فيك تعمل اتفاق
• في مناطق بسورية من أول الأزمة في سورية، مستقرّة، وبتقدر تستقبل نازحين سوريين، ليعودو بأمان وكرامة وتوفير ظروف.. ليه ما بصير شغل.. وفي مناطق واسعة، في مدن بحاجة لإعادة بناء أو لمناطق خالية يمكن البناء عليا سواء بشكل دائم أو مؤقت
• في بلد بلبنان عطا نموذج من الضيافة وتوفير حقوق الإنسان. مين عطا متلنا هالنموذج..
• لبنان عندو دور يقرّب بتفاهماتنا الداخلية، فينا نعكسا على التفاهمات الخارجية، ونقرب بين دول وأنظمة بالمنطقة
• ليش لبنان بدو يكون سبب للخلاف ما بكون هوي عامل جمع في المنطقة
• فكرة الناي بالنفس شي، انو انتا عَ طول ما عندك موقف. وفكرة ابعاد لبنان عن المشاكل، أو ابعاد المشاكل عن لبنان او تحييد لبنان عن الصراعات مختلفي

يسأله سامي كليب: ماذا يمثل الرئيس الأسد بالنسبة اليكم، وهل مع اعادة سورية الى الجامعة العربية؟

• هوي الرئيس السوري المعترف به والشرعي، الى حين اجراء انتخابات تانية. أصلا معترف به في الأمم المتحدة.
• انا مع تأمين الشروط اللازمة لعودتا.. هيدا كمانا ما في يتمّ الاّ بحدّ أدنى من التفاهم العربي
• بدك تشوف شو رأي السوريين بالموضوع، والاّ منكون عم نختلق امر مش مطروح. في حدا مش مع عودة سورية الى الجامعة. في حدا ضدّ انو دولة عربية تكون برا.. الكرسي الفارغة شو معناتا، مش يعني بحاجة لمين يجلس عليها

هل حزب الله في سورية حمى لبنان؟

•  في مكان ما منع الإرهاب التسلل الى لبنان. حمى لبنان. وفي مكان ما يمكن نظر لإلو انو أساء الى لبنان. ولكن في الحالتين، طلع السيد نصرالله، وقال أنا عملت هيداو الشي، وما استشرت حدا، واردفو، بأنو قال، هيدا الشي ما لازم يأثر على واقعنا اللبناني الداخلي، لما بصير يأثّر بصير ضررو سيء على لبنان
• في منطق بلبنان عم يعتبر عم يجي الإرهاب بسبب ذهاب حزب الله ع سورية، وفي منطق تاني بقول، لاق حزب الله ما راح ع سورية لو ما صار في إرهاب بسورية، ويللي هوي إجا نتيجة

يسأل كليب: غريب انو موقفك كرئيس للتيار اقل من سقف من موقف من الرئيس التاريخي للتيار العماد ميشال عون، الذي كان يقول، حزب الله وجودو حمى، يردّ باسيل:

تعريف القناة لباسيل

انا اليوم وزير خارجية لبنان… يضحك كليب للإشارة أنّ كلامه صحيح

عن موقع السعودية

• أول زيارة للرئيس عون ستكون للمملكة العربية السعودية، والسبب يوجد علاقات تاريخية وطبيعية لم تعد طبيعية مع السعودية، ويجب اعادتها الى طبيعتها
• بالزيارات ما في توازنات، في مكان ما، في مشكلة خاصة انو الأشقاء السعوديين اجو وبادرو، وهنّو باشارة لافتة، ودعيو وعبّرو عن هيدا الشي.

يعقّب كليب، أيا لبناني بيتمنى علاقات مع كلّ الدول، يضيف باسيل مصححاً له:

ما عدا إسرائيل.. في قابلية للنسيان عند البعض، تما ننسى انو إسرائيل طالما تغتصب الحقوق العربية وتعتدي على لبنان يومياً، كل شهر عنّا تقرير بيتخطو الإعتداءات والخروقات ال 100 شهرياً

نحن مع سلاح المقاومة.. هيدا سلاح لحماية لبنان وقوتو..

كليب: كل حواسي متأهبة، وكل حواسك متأهبة.. هل يستطيع الرئيس عون الذهاب الى السعودية بعدم ضوء أخضر من حزب الله؟

باسيل:

• نعم.. لأنو رئيس جمهورية لبنان. وتيقوم بعمل ما بدو ضو اخضر من أي طرف داخلي.
• الطرف الداخلي يللي عن تسميه لا يسمح لنفسو، وهوي عبّر انو ثقتو كبيري بالعماد عون، بيقدر يعمل البدو ياه، بيعرف انو الجوهر لا يُمس به، هيدا موضوع مافي لزوم نسأل عنو
• كلنا السوريين واللبنانيين والرئيس الأسد والرئيس عون بيعرفو ما يجب ان نقوم به لمصلحة لبنان وسورية وللجمع بين الدولتين
• تفاهمنا مع المستقبل يغني التيار ولبنان، لأنو متفقين على الشراكة الحقيقية والميثاقية..
• بتتخيل يللي صار بحلب، ومنسوب التوتر السياسي هوي بهيدا الحدّ المتدني والمنخفض، لأنو ارادتنا بالتفاهم اللبناني أقوى
• بدك تقلي ما في لبنان مبسوط باللي حاصل بحلب، ولبناني زعلان، وكل واحد بمنحى طائفي وبحدّة معينة

عن لقاءاته بالسيد نصرالله، يقول:

• بلتقى كتير مع السيّد حسن، وما نعرف بالإعلام. يمكن لقاء واحد بركي كون مضيّع بين قبل الإنتخاب وبعدط

يعلّق كليب: انتا ما بتضيّع.. بتضيع بلد

عن الإصلاح

• المطالبين فيه بجهد أكبر، هوي موضوع بناء الدولة، والاّ منكون اخفقنا بحق حزبينا (حزب الله والتيار الوطني الحر) وبحق البلد
• موضوع بناء الدولة يللي هوي البند الرابع بالتفاهم بين التيار الوطني الحرّ وحزب الله.. الدولة منّا قايمي على كتف واحد وعلى فريق واحد، ولا على رئيس واحد.. ونحنا علينا المسؤولية نعطي النموذج بانو عنجد ما اخترقنا الفساد، ولا تطبعنا على العيش معو ولمن سنبقى ثائرين عليه
• المقاومة تقتضي، متل ما بتقاوم الإرهاب واسرائيل، لأنو بياكلك من جوا 

رصد Agoraleaks.com