بالفيديو – الفنانة باسمة / بولا الترك: من كفّ سيمون أسمر الى أحلى كفّ الهي.. 🛐

أنا الباسمة في المسيح، بنصح الفنانين بعيد الميلاد بقلُن توبوا إقترب ملكوت السمَوات استعدوا للمجيء التاني (( الدينونة )) المجيء الأول الرحوم خلص.. 🛐

أحلى نيشان ربحتو من 24 سنة، هوي لمّا صرت خادمة للرب يسوع 🛐
صارو يِطلَعو، وينزلو الاّ أنا.. في شخص قلي: رَح كسرّلك راسِك باسمة 😟
للأسف الفن فخ إبليسي 😟

---

https://youtu.be/LYrxaDmBilg

(1) س: شو هوي أوّل كف تفاجأتي فيه بالفن⁉ 😔

• أوّل كف من المرحوم سيمون اسمر.. (أكيد سامحتو عليها..) وكانت سهرة خاصة، وعَ أساس سهرة كتير مرتبّة وبتشبهني👂
• تفاجأت بالحضور، إنّو لاء بدُن ياني لساعات الفجر.. 😏
• السهرة الخاصة هوي إنّو تكون مع ناس ما بتَعرِفا… وعندا مقامات كتير كبيري، متل أمير أو شيخ، أو أميرة أو شيخة.. 😏
• أنا كنت الحفلات نقيها.. وكانو يقولولي ما عَم نشوفِك..❓ ايه أنا كنت إختار وين بدي كون.. لأنو كنت خاف إنّو إتفاجأ.. 🤔

(2) واقع الفن 💃🏾

• معليه رح قولا.. يا فرشِة.. يا ما بتوصالي.. 😔
• أنا طلعا أعطي شهادة حياة وإحكي مزبوط عن جو الفن.. أنا كنت شوفُن، وسافرت كل البلدان الأوروبية والعربية.. أنا منعتُن يزتّو مال عليِّ عَ المسرح.. 👏
• الله يرحمو ملحم بركات.. كان يقول: ما في فنان بيِعمِل هالمبالغ الطائلة من أوتار صوتو.. 💯
• أعظم موسيقار كان أفقر من كذا اسم إستعراض 🤐
• الفنانة إذا ما بِتساوِم عَ جسدا، ما بتوصَل.. وأنا صار معي كذا حادثة ميشان هيك طالعَة إحكي.. 🙏
• الفن صورتو مبهرة، تُبهر النظر ولكن جوفو جداً وسخ 😉

(3) فساد

• أعظم تاني عيلة بدبي، بيِجيني عقد عرس قيمتو 2 مليون $.. إنّو:
• بدّي أسلم
• بدّي إتزوجو
• إقعد بالقصر..
• يبيعدني عن ولادي..
• يِغري زوجي إنو يقبل يتزوجني.. وصير لعبتو بالقصر..
• وجبلو خليفتو.. 😔
  أكيد رفضت 👍
• نشكر الله زوجي دايماً معي لأنو كان يزعجُن.. 👉

(4) شراء الجنس 🤐

• تفاجأت سكرّوا البواب علينا، وكانت صدمة الي من بعد ما كنت ماشية صح.. 🙏
• حدا بسكّر عَ فنانة.. وعرفِت إنّو بدّو يصير في إختطاف.. وفي تحرش جنسي… 🤔 وصارت هالأفكار البشعة تِجِي.. ويللي أنا بخاف منها وأنا ما بدّي ياها.. ✋
  – صارو بالصف يِطلَعو، وينزلو.. الاّ أنا..
• في شخص كتير كبير بشركة إنتاج، قلي: رَح كسرّلك راسِك باسمة، ورح إخنقك بقطع المصاري.. 😟
• قلتلو: بفضّلأ إختنق من المصاري.. وما بدي صير ممسَحة بين إيديكُن.. 👏
  – مال الحرام بِروح هيك.. 😉

(5) الحوار مع الله 🙏

• خانقت ربي.. كنت قول: شو بدّك..⁉ ما عَم إضهر..🤔
• فنانة مرتبة.. ومحترمة ولادي وزوجي.. 👍
• كنت إبكي عَ حالي… ليه عَم يصير هيك..‼

(6) نقطة تحوّل 🎬
ندمت كون فنانة.. لأنّو كنت مفكرّة الفن متِل ما أنا بحب يكون الفن… ولكن أنا من منبر”نقطة تحوّل” الفن فخ إبليسي بامتياز.. 👹
أكيد إذا بدك تستخدمو للرب بصير في أمجاد..

• وصلت لمرحلة كون ميتة.. نفسياً وجسدياً وروحياً.. 🚩 ويمكن الرب بيِنطَرنا نصير بأتون النار حتى يمدّ إيدو ويِنشلنا.. 🎯
  – بليلة مباركة جداً “عيد الغطاس” صليّت 🛐 من بعد 23 سنة بطريقة عَم شارعو.. وينك تاركني، وصليبي كتير كبير❓ أنا مني بِنتَك.. بشكّ إنّو انا بنتك.. إذا أنا بِنتَك فَرجيني 🙏
• بتفاجأ تاني يوم، بلاقي حالي بجماعة “العنصرة”.. بدخُل بصِغَر نفس وبِقعُد ورا.. ومن بعدا بتعرّف على الأخ طوني فرنجية.. وصار انهيار النهر من جُوّا.. وصرت قول: “ليه هني فرحانين وأنا لاء..⁉
• من هون بلش مشواري مع الرب.. وكان في رياضة روحية… (( وفكّرتا رياضة من باب الفكاهة )) 😘
• بوقتا ما حدا حكاني عن الفن… وأخيراً عم يشوفو بولا الترك مش باسمة.. إذا بصلاة الإمتلاء من الروح القدس تلقيّت أوّل كف.. وكان كفّ رائع إلهي.. وكانت اليقظةو الروحية.. ووعيت وإختبرت الأسلنة من النار.. وحسيّت فيشي طلِع مني وبَزَقتو.. ولقيت حالي ريشة🙏

(7) تدخل الله 🙏

• بشكر الرب إنّو ما وصلنا على الهاوية.. لما قربنا على الهاوية كانت إيد الرب عَم تستلقينا.. متل النسر يللي بيِفلت ولادو.. في كَم فرخ نسر بيِقدِر يطير لحالو.. بس في كم نسر بكونو ضعاف.. أنا كنِت هالنسر الضعيفة مش قادرة طير لحالي.. وإجا الرب حملني.. 🛐
• رِحت لحكما نفسيين.. كانو يضحكو عليّي.. وما قِدرو يعرفو شي.. وأخدت أدوية.. 🤔

(الخلاصة)
*يسوع كلّو ببلاش.. خلاصو ببلاش وفَرحو ببلاش، وسلامو ببلاش.. وحبو غير مشروط.. 🙏

• طالبت السماح من كل الناس اللي هنّي غلطو معي، مش أنا اللي غلطِت معُن.. وحبيتُن.. 👏
• فكري تغيّر صار يشبه المسيح.. وللأسف في ناس إتهموني إنو صرت مريضة نفسياً.. بقلُن “أنا مريضة بالرب.. مريضة أنا بحبو، إملأني من فيض نعمك.. 🛐 والآن أحسب كل شيء نفاية لكي أربح المسيح 👏🙏 والمسيرة مستمرّة بإذن الله 🙏

(نصيحة)

• نصيحتي للفنانين.. المجد اللي عايشينو باطل، وكذاب، ومنو حقيقي.. وبوقعكُن بفخ إبليس.. 👽 إبليس المال، وإبليس الجاه، وإبليس السلطة، وإبليس التفشيخ.. خداع وماكر وبيسرُق فرحكُن.. ومالكُن، وبيِحقرو 💀..
• أنا فنانة كنت.. واليوم صرت الباسمة في المسيح، وبنصحكُن تتقربو من الرب.. وبعيد الميلاد توبوا.. 👌
• توبوا لقد إقترب ملكوت السمَوات.. إسهروا وصلّو 🛐 قرّب المجيء الثاني، والمجيء التاني رحمتو عادلة ومستقيمة ولكن…
  للذين يؤمنون بالرب.. عجلو واستعدوا للمجيء التاني (( الدينونة )) المجيء الأول كان للخلاص.. شوفو كيف بدكم تزبطو وضعكم مع الرب متِل ما أنا زبطت وضعي.. نشكر الله على هيدي النعمة.. 🛐
• أحلى ترقية ونيشان ربحتا من 24 سنة لهلق، هيي لمّا صرت خادمة للرب يسوع 🛐

(نقطة تحوّل – OTV؛ 25 ك1؛ 2019)