بالفيديو – الأب مروان خوري: ننتبه صرنا بالخواتيم، 39 سنة العدرا عَم تدعينا للتوبة بمديوغوريه، من بعدا رَح توقَف الشفاعة وُتتفَح العدالة ⚖

عدالة الله مُخيفة.. لأنّا حقّاويّة لا تنسى شي 😔🙏 ما بتمنّى لحدا يتواجه مع عدالة الله.. ⚖ يا رب عاملنا برحمتك لا بعدالتك

---

https://youtu.be/ELpPbeRNYj0

(1) نتائج البعد عن الله

• أغلاطنا تكفّ إيد الله، وساعة مِنشوف مجتمع رافض الله. مش الله بيِضربو، لأنّو الله محبة. الله ما بيستَعمِل العنف..🙏
• الله جلّ ما بيعمِل، بيِحترِم الحرية اللي رافضتو، وبيِنسحِب.. 😔
• وقف نعمتو بتَعطي سلطة للشرير يِفلُش أذاه، لأنو ما في ربّ يردّ.. 😟
• مار يعقوب برسالتو، قال: ما تقولو الرب جرّبكم، شهواتكم اللي إستسلمتو الها، وصلتكُن عَالنتيجة إنّو تصيرو مَغلوبين بالتجربة 👂
• الرب بدّو يساعدني دايماً.. وبدّو يرحمني.. لكن بس مَسمرو للرب عَ الصليب، كيف بدو يساعدني…⁉ ما أنا اللي بمَسمرو وأنا اللي بفكّلو هالمسامير 🙏

(2) ظهورات العدرا 💒

• العدرا اليوم حاملة النا ربيع جديد للعالم.. والرب تحرّك عن طريق العدرا.. عَم يِدعي العالم الى التوبة 🛐
• في ناس جاوبت من خلال ظهوراتا للعدرا.. ولكن أغلبية البشر ما بَدها الله… هيك بيَّن بمديوغوريه 😟 (وما الها علاقة بالذهاب لهونيك..)
• بتصوَّر انو 39 سنة العدرا عم تنادي برحمة الله، وبطيبة وباحترام كلّي لحريتنا، كي نعود الى الرب بالتوبة 🛐
• العدرا مش عم تكبّ كلمات.. صلّو وتوبوا.. 🙏 إذا منِقرا الرسائل مِنشوف العدرا عَم تربّي مجتمع لَ يللي بدّو يسمع.. 🤐 بتصوّر مع 39 سنة صرنا بالخواتيم 🙏
• ما عَم قول بكرا رح تتنفّذ أسرار مديوغوريه.. بس وصلنا على نهائياتها.. ومن بعدا رَح توقَف الشفاعة، ورح تنفَتَح العدالة ⚖
• نيّال اللي تاب.. نيّال اللي سمِع… نيّال اللي رِجِع لله.. والله يساعد اللي بِقي معنّد عَ شرّو.. 😟

(3) زكريا البار

• لما حكي يسوع عن زكريا اللي مات بين الهيكل والمذبح.. قلُن: انتو مفكرين لأنو خاطي مات.. 🤔 أقول لكم: إن لَم تتوبوا سيُصيبكم أعظم 👂

شو معنى هالكلام⁉

• التوبة بِتخلّي الرب يرجَع عن عدالتو.. وبخلّيه يتعامَل معنا بالرحمة.. 🙏

لكن
التصلّب بالخطأ والإصرار على الشر.. بتخلّي الرب يِسحَب رحمتو ويتصرّف معنا بالعدل ⚖

(4) عدالة الرب ⚖

• عدالة الله دايماً منقول عنّا عدالة مُخيفة.. لأنّو عدالة الله حقّاويّة.. لا تنسى شيء.. ولا تتبَرطَل.. ولا تَستهيب أحد 😔🙏🤔
• ما بتمنّى لإنسان يتواجه مع عدالة الله.. ⚖ نحنا شو منقول بعد الكلام الجوهري⁉

– يا رب عاملنا برحمتك لا بعدالتك عندما تأتي بالمجيء الثاني لا تعاملنا بحسب خطايانا وعيوبنا لكن بحسب رحمتك إرحما.. وبتصرخ الكنيسة: إرحمنا أيها الرب الضابط الكل إرحمنا 🛐

• لا خفيّ الاّ وسيُظهر، ولا مكتوم الاّ وسيُعلم، وسيُصاغ به على السطوح 🙏

(5) سياسات الدول 💰

• بالإعلام بتبيّن سياسات الدول إنّو عَم تدافع عن الديمقراطيات والحريات.. وإنّو تنصف المظلوم.. وإنو حقوق الإنسان بالبداية.. ولكن سياساتُن دمّارة 😈☠👿
• سياسات بتقتل ملايين من الشعوب.. شو بدّويعمل فِيُن ربنا.. ⁉ إذا ما بآمنو بالآخرة مش معناتا الآخرة بتِنلغى..👂 والله ما بيبخل.. ما بيشتغل نص الشغل.. بدّو يوصل لحل.. وساعتها يا بغيّر الشخص لأنّو عندو قابلية للتغيير…👏 أو بربيّه ⚖ وبحطلو حدّ.. لأنّو ما رَح يترك الإنسان مُهان هالأد ومُستباحة كرامتو.. 🙏