Agoraleaks Agoraleaks
(الرسالة) إذا مفكّر جنبلاط بيقدِر يسكّر الطريق عَ أهل المقاومة مغلّط… 😉
(السؤال) هل تقبل الدولة الخليجية اللي سفرّت ناس لدق الطناجر ضدّ عون نعاملها بالمثل..⁉
(فكرة للنقاش) إذا بضلّ قائد الجيش تفكيرو رئاسة الجمهورية لنقل هذا الموقع الى طائفة مسيحية أخرى..👍
*
(1) جنبلاط
- من طرف مطار بيروت الى منطقة الرميلة المسؤول عنا الحزب التقدمي، بيمسك التلفون وبقول: ما بدي شوف ولا واحد عَ الطريق تُفتَح..
- وكمعلومة في المئات من التابعين لسرايا المقاومة، ما نزلو.. ما يفتكرو إنّو منسكّر الطريق عَ المقاومة.. إنّو إذا تدخلت إسرائيل منضغط عَ أهلُن.. ما حدا نزِل حتى اليوم ونهانت الناس عَ الطرقات.. بس لأيمتى..⁉
- إذا ضل تسكير الشوارع والجيش ما بدو يتدخل الناس رَح تنزل تفتح الطريق..
(2) دق طناجر بالمطار
- هل يحق لِ 40-50 شخص بعتِتُن إحدى الدول الخليجية بالطيارات على حسابا.. وبصيرو يدقو الطناجر ويسبو رئيس الجمهورية على المطار.. ويصيرو يقولو “يللا فل” 🤐
- ما حدا جاب سيرتها بالإعلام.. طيّب هل تقبل دولة خليجية يوقف ناس على مطار دولتهم ويشتم رئيس بلدُن.. 😉
(3) قائد الجيش
- كل العالم بتحبّ العماد جوزيف عون.. ولكن مسألة إنّو أنّا ما بدّي أتورّط بالشارع، لأنو:
- برا يمكن يحاكموني
- أو إنّو بلعبا بالداخل وسطية.. وبصير الجيش بلا معنويات..
بعد فترة هالشي ما بيزبط.. بس يكون في زعرنات إضرب من حديد الفريقان وطَحبشهُن.. والعالم معك.. 👍 - إذا ما صارهيك رَح نتدحرج الى الفوضى وما بصير يِقدِر يلقط الوضع حتى الجيش..
س: برأيك ليه القوى الأمنية عَم تتفرّج..⁉
- القوى الأمنية تابعة سعد الحريري
- الجيش بقلّك في حدا بدّو يورطني وما بدي.. بس صرلنا 41 يوم.. 💯
من بين الإصلاحات المفترضة الاّ يكون منصب قائد الجيش ماروني.. ياخدو غير موقع… حتى ما تضلّ بحقل تفكير بالعموم أي قائد الجيش منصب رئاسة الجمهورية..👏
(تشرين الثاني 2019)
