بالفيديو – الاب مروان خوري يُحيي الثوار: الآن صُوِّبت الأمور فأنا مستعد للنزول

* سمعنا إعلاميّي إعتبرو الثورة صارت لأنو ألغيت حفلة ليلى.. فشر الشذوذ منو حرية 🙏
* كيف هِديت العدرا مرتدي النوادي الليلية بمديوغورية.. وشو عِملو الرؤاة؟؟
* ديون لبنان 100 مليار منا صدفة👍 شتم الناس غايتو زيح فلان لإجي محلّو 😔
* أعلنها: لن تحصل حرب بلنان.. العدرا ستحميه 🙏

* ♰ *

*(1) الثورة*
– كيف منِقدر نِبعُد لغة الحرب وعَم يعيش هالطفل بلا-عدالة، عَم يِطلَع ناقم، ونهار اللي بصير في مجال رح يِعمل الثورة ورح يدمِّر كلشي عَ راس الكبير 🤔
– اليوم الدول العظمى عندا خطط جهنمية، وإنّو لا تحصل الشعوب على حقوقا 😉
– اليوم خطّة ديون لبنان يوصَل لِ 100 مليار $ ما صارت بالصدفة، هيدي خطة مُبرمجة ونفذّها لبنانيين.. واليوم صار في رقبتِك حِمل كبير، حتى يقَطعو خططهم 😉

*(2) التوبة*
– لمّا الإنسان بيِفضا من الله.. ساعِتها رح تِجي الشهوات تملك.. من طمع المال والثروات 👍
– تحية لكل الثائرين.. هلق الثورة راحِت الى مكانها الصحيح.. لأنو عَم نروح عَ الأماكن المنهوب فيها حقوقنا.. ✔
– هلق صِرت بِنزل عَالأرض، لأنو بطلّت القصة شعارات.. 🙏
– ما في بَرطَلِة فوق.. يمكن هون المسؤول بيِقدِر يمون عَ القضاء وشاري كَم قاضي، بس فوق رَح يتعرّى أمام الله.. والحكم فوق نار جهنم.. يروح يِعمِل توبة ويوقّف سرقة.. 🛐
– الله حتى ينبّهنا لا تعبدوا ربّين.. وضعو بمستوى الله، (حاشى أن يكون) ولكن بصير بحياتي بمستوى اله.. الإهتمام بالمال يولّد الحروب..☠

*(3) الأساس هو الله*
– إذا ما صلّحنا الداخل وبِقي الشر متملّك على قلوبنا.. مين ما وِصِل على السلطة رَح يِعمِل أبشع 🤐
– مسؤولية الكنيسة إنّو تربّي شعب صالح من داخلو..🙏
– المبادئ المقدسّة اللي كلنا بَدنا ياها، فاتِت فيها الأجندة السياسية، وحوّروها.. عَم ننادي ونسبّ بأشخاص، مش الغاية نوصَل لإصلاح بالمجتمع، الغاية زيح فلان حتى إركب محلّو..😔

*(4) مديوغوريه*
– العدرا نهار اللي ظهرت بمديوغوريه، كان بلد في حرب وإرهاب.. بتقلُن للرؤاة: قبل ما توقفو الحرب بالخارج وقفوها بداخلكم.. 🙏 وقفو الكراهية والحقد.. ساعِتها بتوقف لوحدا الحرب.. وطلبت الصلاة 🛐
– مع الصلوات وِقفِت الحرب.. ولكن بمطرَح شافو في مطاعم ونوادي ليلية بصير فيها (الشِرب والعربدة والتحشيش) والملاهي هيّي بخط نهر بضيعة تحت مديوغوريه.. وكان هالسهر ما بليق بكرامة الإنسان ☠
– سأل الرؤاة العدرا: كيف فينا نِهديهم..‼ طلبت منُن العدرا صلاة مسبحة الوردية عَ فترة، للتمكّن من نعمة الله.. وطلبت من بعدا يحطّو أياديهم ببعض (شبك الأيادي) ويروحو عَ الشارع (وهم كانو 6) 3 بيِطّلعو عَ اليمين، و3 عَ الشمال.. وبقولو للقاعدين بالنوادي اللي عايشين اللذة المسمومة: “بركة امنا مريم تحلّ بقلبكم” 🙏
وهيك صار لمّا لفّو الشارع وراجعين.. بلاقو المطاعم كلها فِضِت، والناس سرّبت عَ بيوتا.. وبِلَيلِتها كتبت الجرايد ما بيَعرفو شو صار بالمطاعم بوقتا ما صار في سهر للصبح 🛐
– لما نغيّر داخلنا، ساعتها هالنعمة بتِطلَع منّا وبتضرب الآخر.. لأنّو مش الكلمة يللي بِتغيّر.. النِعمِة يللي بتغيِّر.. مش المحاضرات اللي بتغيّر العالم..✔

*(5) إنتقاد*
– سمعنا أصوات (أشخاص إعلاميين) إنّو هيدي الثورة صارت لأنّو ما خلّو حفلة ليلى تصير بجبيل..‼
– يعني اليوم إذا منعت الشذوذ الجنسي يصير مشرّع بلبنان بكون عم إكبت الحرية.. أو هوّي عَم يجِبلي قانون معوّج.. فشر عَ رقبتو هيدي مش حرية 👍
– ما فينا ندّعي الغلط إنّو حرية.. متِل واحد عَم يقلي أنا حرّ وبدّي إقتل.. لاء تُساءل وبدك تتحاسَب 💯

*(6) الشيطان*
– بدنا نصلّي لأنّو إبليس عَم يِغلي هلق.. لأنو نكهة لبنان هي بطوائف ملاقية قانون تِقدِر تِحكُم بلد.. وبذات الوقت عنّا الدين مقدّس.. والقانون يحمي كلّ الطوائف والشعائر الدينية 🙏
– الشيطان هيدي مش طايِقها.. وبدّو يضربها بقوانين مبنية على الإلحاد كالغرب.. وتحت ستار الحرية.. متل بأميركا يللي بيِعمِل سحر وبحضرو شياطين، عندُن حقوق وفي حوالي 9 مليين شخص يعلنوا العبادة لكنائس شيطانية.. ☠
– اليوم في خطة إبليسية لضرب لبنان، يبطّل فيه القيمة لله القدوس ✝ ومن هيك مِنحطّ مار مخايل بمواجهتو لهالملعون ليحمي ما هو مقدّس في مجتمعنا اللي رِبي على الإيمان.. 🛐
– جبالنا وتلالنا مِليانة مزارات ومقامات للعدرا.. هيدا تايخنا، والعدرا هيّي رَح تحمي البلد، وميشان هيك بِعلن من هالشاشة، إنّو ما رَح يصير في حرب.. 🙏
– للأسف في خونة بالبلد، عَم يتآمروا على شعبُن مع الخارج.. ولكن شعبنا شعب يُصلّي، والعدرا أم صالحة، هيدا البلد يخصّها، وبطركنا بطرك مريمي، بس يدقّ الكوز بالجرّة يلتجئ لمريم.. واليوم دِعي شعب لبنان يصلّي كل ليلة مسبحة الوردية.. 🛐
– بكرا منشوف شو رَح تِعمُل المسبحة.. العدرا أم الله، وبتِقِدر ترّد الشيطان عَ قلب جهنم.. وتحرّر أرضنا منّو لننعم بالسلام 🙏

*(7) الصلاة 🛐*
– يا يسوع نبارك لك شبابنا وعيالنا ومرضانا والمتألمين والمقهوين والثوّار.. ونطلب منك يا رب تُنصف لبنان 🇱🇧
– ايها القديس ميخائيل، رئيس الملائكة أمير الجنود السماوية المجيد، دافع عنا في صراعنا ضدّ رؤساء وقوات هذا العالم المظلم. ضدّ الأرواح الشريرة التي تحت السماء، تعال الى مساعدة الناس الذين خلقهم الله على صورة ذاته خالدين، واشتراهم بثمن عظيم من ظلم الشيطان. إنّ الكنيسة المقدسّة تكرّمك بصفتك حارسها ومحاميها، ولقد أوكل اليك الرب قيادة النفوس المُشتراة الى مكان السعادة العظمى. فاسأل إله السلام أن يسحق الشيطان تحت أقدامنا فلا يعود يقوى على إرتهان الناس أسرى، ولا على الضرر بالكنيسة. قدِّم صلاتنا في حضرة الإله العليّ لكي تأتينا سريعاً مراحم الربن ولكي تقبض على التنين الحيّة القديمة

https://youtu.be/Ow6d1-geVRM

(ما أطيب الربّ – نورسات؛ 7 تشرين الثاني 2019)