بالفيديو – عباد زوين: الكذب نوعان.. خبرية كاذبة أو إخفاء الحقيقة 👍

– الحمار بدقّ بالحيط مرّة.. و100 حريري لا تُعادل جبران باسيل👂 👍
– أوّل واحد حارب جبران باسيل بس لاء.. وعظيم لبنان عندو شعب عظيم، إذا ِحكي بتهذيبن وما منجرّح، وما مِنسبّ العالم، مش معناتا ما عنّا إيد بتَعرِف تهزّ👂

***

مقتطف من حديث أمين عام حركة التنظيم عباد زوين، لقناة الـ”otv”؛ (تشرين الثاني 2019)

*(1) الوقت*
– كلام الليل يمحوه النهار ما منِقبَل فيه.. اللي بدّو يتحمّل مسؤولية بدّو يكون عندو رجولة كافية إذا التزم بكفّي بالتزامو 😉
– مش إنّو ليه هيداك بيِشتغل أكتر منّي ما بدّي ياه 😉 معناتا إنتا ما بدّك تشتغل 🤔
– الناجح ما منِشحَطو… شو مأخذو عَ جبران باسيل.. أوّل واحد حارب جبران باسيل، ووقفت ضدّو.. وقامو عليّ.. شوي صِرت شوف، شغل.. شغل.. لاء أنا غلطت بهالموقف.. وما إجاني شي منّو ونشكر الله، تلفوني مقطوع ما ركّبلي.. 👂
– مسؤوليتنا الضميرية والتاريخية ما بتِسمَحلنا نضيّع الزمن عَ لبنان.. لبنان بحكم رفيق الحريري ضيّع لبنان 15 سنة، وضيّع مصرياتو، وصار في ديون 100 مليار $ 🤐
– صارت وزيرة بدها الـ11 مليار $ تغطيهُن بورقة 😔

*(2) لبنان مش للبيع*
– أنا واحد من الناس قدّمو آلاف الشهدا… لبنان مش مستعدين نبيعو.. 🇱🇧
– الحمار بدقّ بِحمولتو بالحيط مرّة… تاني مرّة ما بِدِقّ.. نحنا مش رَح ندقّ بالحيط مرّة تانية 👍
– حريري أو غير حريري إذا ما إتفق خطياً على كل الأمر.. أنا ضدّ تسمية مين مكان.. ما في آلهة على الأرض 👂 ويِجينا شخص بدّو سنتين حتى يألّف حكومة 🤔 وبقلّك: خود كلام شرف.. طلِع الكلام الشرف كلام طرَف.. عيب 😉
– بحبّك يا إسواري أد زِندي لاء.. 😉 هلق في مصيرنا عَ كبير.. في:
* حدودنا البحرية
* في البترول
* في الدين العام
إذا ما في حكومة متِل العالم يفهمو كل العالم.. عظيم لبنان في عندو شعب عظيم، وإذا الناس إنغشّو إذا منلبس كرافات، ومنِحكي بتهذيبن وما منجرّح، ولا مِنسبّ العالم، مش معناتا ما منَعرِف تاريخ الأشخاص، ولا معناتا ما عنّا إيد بتَعرِف تهزّ كلشي 👂

*(3) الأبلسة*
– في محاولة أبلسة شخص إسمو جبران باسيل، والقواص هوّي عَ الرئيس.. 👍
– شو حكي باسيل بعاليه..⁉ ترجمو متِل بدُّن.. الكذابين ولاد الكذب 🤐
– خلصنا بقا، وإذا جبران باسيل حكي كلمة غلط، نحنا اللي مِندَفعو ثمنها.. بس مش مِنلبسّو كلمة 😉
– جبران باسيل إكتشف البترول.. أو جبران باسيل تجرأ يكشف البترول 😉

س: فريق الحريري يقول: جبران باسيل مقابل سعد الحريري مقايضة لا نقبل بها ولا تجوز 👉
عباد زوين: أنا بالمقابل برفض 100 حريري يعادل جبران باسيل 👂 شو انتجت الحريرية السياسية، ويقولولي كم ساعة إشتغل بوزارتو.. شخص ما بنام، في وزارة استلمها الاّ الموظفين بالوزارة بصيرو يحَلشو بشعرُن، بقولو ما بخلّينا ننام.. بيِشتغل ليل نهار 👍
– ليه متضايقين من جبران باسيل.. لأنو عَم يستنهض لبنان ويردّلو دورو..

*(4) الإعلام والتضليل*
– إيام الحرب التقيت بشخص بباريس وحكينا بموضوع.. بقلّي طلّت راهبة وحِكيِت كلام عاطل.. عطاني إسما.. رجعت عَ لبنان.. طرحنا الصوت عَ كل الرهبنات 😔 ما في ولا راهبة بهالإسم، ولا الها صورة.. هيدا الإعلام الغربي يللي موجّه.. ومين بيِمسكو.. بس قول إسرائيل بكون غلطان شي؟؟
– أحدهم من رفاقنا يللي ناضل معنا هون، وضحّى عدة مرات، وتعرّض للموت عدة مرات.. عايش بالخارج.. عَم يِحكيني سألتو: من وين جايِب هالأخبار.. ‼ سألتو عدة أسئلة.. ومن بينها قلتلو بتَعرِف الدين العام كيف ركِب بلبنان.. ‼
قلتلّو، بتَعرِف إنو الدين العام جاء من ديون قيمة الفوائد 42% من البنوكي.. قلّي معقول.. ‼
قلتلو: عَ مهلك.. الكذب في طريقتين… *الكذب هوّي:*
*نخبّر خبرية كذب وفي
*إخفاء الحقيقية..

https://youtu.be/apPIzAvmbDQ

(أمين عام حركة التنظيم – تشرين الثاني 2019)