Agoraleaks Agoraleaks
– مواطن يكشف لرياض سلامة سرقة بنك لشقق الناس.. وين السياسيين⁉
***
نماذج من إحتجاجات المواطني – من النبطية ومار مخايل: (18 ت1- 2019)
*(1) دوار كفرمان – النبطية*
– مواطن: أنا أستاذ من اللي مُستعان للتعليم بالمدرسة الرسمية (من المتعاقدين) منقبض كل 7 أشهر، وهلق مصرياتنا يللي قبل الضهر مع تبع الضهر نسَرَقو 🤐 (هيدا وضع خاص)
– بالوضع العام لبنان عَم يِنسَرَق من سنة 1990، وكلشي في نقابات مسيسّة، أنا عَم إضحك عَ تلاميذي َعَم قلُن تعلمّوا، حتى بآخر النهار يمسحو جوخ، حتى يلاقو وظيفة 🤐
*بدي قول للسيّد (نصرالله).. أنتا عَ راسي. ونحنا مِنحبّك. بس كلمتك إنك بدك تحارب الفساد، كانت أكبر من حجمنا.. ما كان لازم تِحكيا من الأساس، أو منِحكيا ونكون أدها.. إذا ميشان حلفائنا ما نِحكيها من الأساس، أو نِحكي وننفّّذ.. عَم تِخسر الشرفا وعَم تكسب الزعران*
*(2) مار مخايل*
– ما شفنا ولا زعيم من الطايفة الشيعية الكريمة نزل، وحكي.. السيّد وعَد ونحنا معك.. الوعد الصادق هون، شو هيّي المقاومة ⁉ المقاومة ضد إسرائيل وضدّ يللي عَم يقتلك.. و11 مليار $ السنيورة ⁉
*(3) شكوى مواطن من بنك*
– أنا زلمي آخد شقة عَ الإسكان، وقت إنفجار بئر العبد، صار عليّي أزمة مالية صغيري، انكسرت عَ رقم معيّن كتير صغير 😔
– بتفاجأ (أنا) كان قسطي مليون و300 ألف ليرة، صار مليون ل. شالو عني الدعم.. صار يزعَبني البنك، ويقلي “بدي آخدلك شقتك عَ المزاد” 😟 ليه ‼
– إجا محامي (إبن حلال) وقّف معي، وعَم يحاول بإيديه وإجريه حتى يخلصني من مشكلتي، وعندي 4 ولاد 😉
– ترجيّت كل السياسيين بدون إستثناء (ولا واحد خَدَمني) بيتي رح ينسرَق مني، وقِسطي من 1.300 صار 3 مليون ليرة. ورياض سلامة شخصياً بعتلّو كتاب.. بنك مصر لبنان عَم يسرقني، وعَم يسرق كل العالم.. عم يضحكو عَ الشعب، ويصبو من الشعب، والمسؤولين عنا ما عَم يحمونا ✔
https://youtu.be/y3ei758Ho30
