جان بو جدعون يوجه نداء مؤثر جداً للرئيس عون.. عن الزعران

– منقعد بلا أكل.. بس منطلب من فخامتك تفضح المستور..

* ♰ *

الى فخامة رئيس البلاد العماد ميشال عون:

الأرزة عم تبكي فوق جبينك يا عالي الجبين… لبنان وشعبو يلّي رفع راسو فيك بأصعب المواقف ما رح يقبل إنّو أرزتو يلّي إنزرعت عالعلم بدماء الشهداء وبمجد الأبطال.. وبدموع الأمهات.. توقع شجرتو للوطن وما يتحاسب يلّي كان السبب ..

فخامة الرئيس .. منقعد بلا أكل.. وبلا شرب.. وبلا بيت.. بس ما فينا نقعد بلا وطن.. لبنان يا فخامة الرئيس يلّي صدّر الأبجدية واللون .. ما رح نقبل يصير لونو اسود..

من ورا سياسة الزعران والفاسدين.. وزعماء الأحزاب يلّي بتهمن مصالحهن.. ويلّي حابينك تفل من طريقن لأنّك عم بتعطّل عليهن أهدافن المجوية.. يلّي كلنا صرنا عارفينها من كبيرنا لصغيرنا..

شو بدي قول يا فخامة الرئيس انا وإياك للكبير سعيد عقل.. للعملاق وديع الصافي للأسطورة صباح.. للموسيقار ملحم بركات.. للكبير موريس عوّاد… شو بدنا نقول يا فخامة الرئيس يلّي كلنا بحماك..

لولادنا بالمدارس.. ولأجيالنا يلّي جايي.. منغيّر الأغاني وبيبطّل لبنان الأخضر.. منغيّر الكتب.. وتاريخنا.. كرمال كم ازعر .. انا وحضرتك يا فخامتنا بطل عنا دمع تنبكي.. بطل عنا صوت لنصرخ بوج الغاضبين..

بطل عنا حدا الأ صدرك للنغفى عليه.. بإسمي واسم كل لبناني بحب هالوطن منطلب من فخامتك تفضح المستور بحكمتك وتعلّق المشانق.. وتفرجيهن لمن بتزيح قلبك يلّي كلّك قلب.. شو بتعمل يا عماد لبنان… منحبك.