بالفيديو – رفول: طفح الكيل.. بكرا مع النداء اللبناني رح يشلَح كرامتو عَ كتافو ويِنزَل 👆 ما حدا مات من الجوع، بس ويلنا إذا خسرا حريتنا وكرامتنا 🤐👂 (Video)

– نحنا قوايا بس منا زعران.. 👏 ونحنا أمّ الصبي جايين نصلّح مش نخرب البلد 👏

***

مقتطف من حديث مستشار رئيس الجمهورية للشؤون السياسية بيار رفول لقناة الـ”otv”، ضمن برنامج “بالمباشر”: (13 ت1 – 2019)

*(1) سؤال⁉*
– إستشهد رفيق الحريري.. ليه ما نهزّ الدولار..‼
– صار حرب تموز.. ليه ما نهزّ الدولار..‼
– نكَمَش سعد الحريري بالسعودية.. ليه ما تحرّك الدولار..🤐
– في أكتر من 35 مليار $ بالبنك المركزي.. ما بيِنوضَع 100-150 مليون $ (1.5%) بالسوق من الكتلة النقدية 😉

*(2) الفساد*
– في سياسيين ما بدُن يسكرو منابع الهدر.. 😔
– سؤال لوزيرين.. ليه قطاع الهاتف الخلوي كان يدخّل للخزينة مليار $ (مثلاً) صار اليوم عَم يدخّل 400 مليون $.. حتى المساءلة والإستفسار رفضوها 🤔
– في أكتر من 29 مؤسسة ما عليها محاسبة ورقابة بدنا نوقفها.. (لأنو شو يعني مراقبة لاحقة)🤔

*(3) تحذير 👆*
– عَم ننبِّه، وعَم نِحكي.. وعَم نقترح.. وعَم نهدّي.. بس ما فينا نكفّي هيك.. 😉 طفح الكيل ✔
– رح نِنزَل عَ الشارع، ورح نقول للناس مصيركم بالدَق متل ما عملنا سنة 1988.. 👍

*(4) الحكومة*
– ما فينا نجيب الكل عالحكومة ويصيرو يعارضو من جوا.. بوافقو بمجلس النواب وبعارضو بالحكومة 😉
– الدكتور جعجع من كندا قال مرتين “لازم تِسقط الحكومة”.. ما يسحَب وزرائو 🤔
– فيك تقلي قصّرنا، كنّأ مفَكرين البعض غير هيك.. 😔 بس نحنا منّا فاسدين، ولا سرقنا ولا عرقلنا أي مشروع لمصلحة لبنان 🇱🇧

*(5) الحقيقة* 👂
– ما بدُن رئيس قوي لجمهورية لبنان.. وقوتو مش بعضلاتو، ولا هوي جايي ياخود صلاحيات غيرو..
– كلشي بتنزلو عالشارع لأهداف خاصة يسقط.. الأهداف الكبيري ما بتخسر.. بتنكسر بس بتكفّي متل 13 تشرين الأول 😉
– البعض عَم يحطلّك “فَركوشة” لأنو ما بدُن لبنان يكون عندو نفط – أكاديمية عالمية – أمن.. والبعض ما يِقدِر يصفّي حساباتو عَ ارضنا.. فيُن يحرتقو.. 😉

*(6) التيار*
– عَم نجرّب واللي فينا نِعملو عم نِعملو.. عمِلنا موازنة بالقوة، والموازنة تقشفية.. ومشيِت بس مش متل طموحاتنا 👏 لأنّو فينا نِعمِل فيها أكتر
– لما قال العماد عون “يا شعب لبنان العظيم”، كان متأكّد إنّو مش كلّو عظيم، بس أغلبيتو كان عظيم 👍 بكرا بس يصير النداء.. اللبناني رح يشلَح كرامتو عَ كتافو وبِشَنغِل حريتو وبيِنزِل عَ الطريق 👆
– ما حدا رح يموت من الجوع، بس إذا خسرت حريتك وكرامتك يا ويلك 🤐👂

*(7) الخلاصة*
– أكتر ما صار علينا بسنة 1990.. ⁉ ما رح يتكرّر بقا 👍 بوقتا كل العالم كانو ضدنا، وكل الداخل ضدّنا.. 👉 وما إنكسرنا ✔ ضلينا حاملين الشعلة 🕯 وقدرنا توصلنا لَ يللي بَدنا ياه.. 👏
– اليوم نحنا بالسلطة، نحنا قوايا بس منا زعران.. 👏 ونحنا أمّ الصبي جايين حتى نصلّح مش جايين ننتقم من حدا 👂 نحنا مش جايين ليخرب البلد 👏

(مستشار رئيس الجمهورية للشؤون السياسية – بالمباشر – otv؛ 13 ت1 – 2019)

https://youtu.be/iP75aseW6QI