بالفيديو – جون مفرج: يللي شافِط بهالبلد 4-5 مليار $ يردّ مليارين والبقية بصيرو حلال، ولبنان بيزبط 👆 (Video)

– أدعو فعاليات الكورة ونوابا (ما ينامو بقا) يصرخو بدنا شي بهالكورة، مَيتة الكورة✔
– المخابرات دايرة السياسيين، وما حدا بيعرِف مين مع مين أو مين ضدّ مين⁉

***

مقتطف من حديث رئيس الحركة الإجتماعية اللبنانية المهندس جون مفرج لقناة الـ”otv”، ضمن برنامج حوار اليوم: (أيلول 2019)

*(1) حراميّة البلد*
– المخابرات الدولية نَزلِت لايحة عن الحراميي بالبلد.. والبعض عامِل حالو فقير معتّر.. 🤭
– اليوم بدّو يطلع قانون إستعادة الأموال المنهوبة.. يللي شافِط 4-5 مليار $ يردّ مليارين (2) والبقية بصيرو حلال (بشكل حضاري) 😉
– بهالطريقة رح يدخل الدولة اللبنانية مبالغ طائلة، لأنو لبنان مش مكسور منهوب، ويوقَف النهب بيِرجع أفضل مما كان.. 👆

*(2) الكورة* 🌱
– منشكر فخامة الرئيس كتير عَ نيل لبنان أكاديمية الحوار، ولكن عنا مطالب.. لأنو نحنا من 11 سنة عملت مؤتمر بجامعة اللويزة (لبنان مركز الحوار الحضارات) فمن الكورة إنطلقة أوّل فكرة لمؤتمر حوار الحضارات.. بوقتا نواب لكورة (فريد حبيب – نقولا غصن – فريد مكاري) صارو يتمسَخرو عليّي.. وصار يقولو إنو عندي أرض بدّي بيعا.. للأسف السخافة بالتفكير أوقات بتنزع الإنسان 😔
– نطالب أن يكون المقرّ بالكورة.. ومن أجل ذلك أدعو فعاليات الكورة ونوابها (ما ينامو بقا) يقومو يصرخو بدنا شي بهالكورة، مَيتة الكورة.. ✔
– ليه بدنا بالكورة نضل مغلوب على أمرنا بكلشي، وخصوصي لأنو الكورة أرثوذكسية ما حدا سئلان عنا.. 😓
– بجريدة آفاق الجديدة، كُتب: نواب الكورة لائحة شرف على لائحة الفاسدين.. وقت الحكي بهيدي الصراحة، معناتا لو ما معي حق، كانو حطوني بالحبس.. ✋

*(3) المخابرات* 🤐
– ما في سياسة بالعالم، في إستخبارات بِتمشّي السياسيين متل ما بَدها 😳
– ما منقدِر نَعرِف شو بدها.. إيام بتِحزِر، وايام بكون عندك شوية معلومات.. بالنتيجة مش معروف مين مع مين..!! ومين ضدّ مين..⁉
– ما حدا عارِف شي، غير الروؤس الكبيرة تبع المخابرات، وبلَعبوك عَ صبيعُن والناس بتِمشي..🤔

*(4) ترامب*
– عن قول الرئيس الأميركي لملك البحرين: معكم 700-800 مليار $ كتار بالنسبة لدولة متلكم.. لازم تدفعو منها..؟؟
جون مفرج: ترامب يستخدم التهديد والوعيد.. وما تتصوّر الاّ شخص يمارس المصارعة 💪

*(5) الفساد* ⚖
– مش مضطرّ تقنّع الناس بشي.. كلّو عارف إنو في بلبنان نهب.. ولولا السرقة نحنا عايزين نشحد من حدا 💯
– وقت عِملو بباريس مؤتمر “سيدر” كل وفود الرؤسا والدول رايحين بالطيارات درجة سياحية.. الاّ اللبنانيين كلّو رايح معو طيارتو الخاصة، وطيارة المرافقين تبعو.. (يحرق حريشُن) بدل ما يستحو يخبو هالطيارات..😉

*(6) لبنان نحو الأفضل* 🇱🇧
– فخامة الرئيس قال بدو يسلّم البلد أحسن مما استلمتو 👆
– شراء الأرض اليوم بأنحس أحوالها، بدو يِجي وقت تفزّ بسرعة.. وهيدا ربح مأمون.. بتقلّي بالبنك عَم ياخدو 12%، بتقلي أيّ مصلحة بدها تربحّك 12%.. صح!! بس مصرياتك بالبنك بضلّ فكرك مشغول.. بينما معك أرض بتنام ومرتاح.. 💯
– وحياتك نص الديون بدنا نستردُّن من اللي سارقين.. ولبنان إذا بدّو يكون محميّ، يعني كل الوسائل يللي بتِطلَع بخدمة لبنان بدنا نستعملها، ومش رح نِستحي فيها 👍

https://www.youtube.com/watch?v=FjWQwm8045w&feature=youtu.be

https://youtu.be/FjWQwm8045w

(رئيس الحركة الإجتماعية اللبنانية – حوار اليوم، otv؛ أيلول 2019)