بالفيديو – الأخ نعمة الله: حاجي ميّت وفواتيرك عَم تزيد.. خيي ليه ماشي متل الأكترية..‼

– أوّل طَعمِة للسيكارة بِتكون مرّة.. بس يصير “النيكوتين” بدمك، بصير تعشقها.. وهيك مع ربنا..
– إذا إنت أكلت ورجعت جِعت.. بتبطّل تاكول، رجاع إعترف وإنطلق.. 👈

 * ✝ *

تأملات للأخ نعمة الله من إخوة الصليب: آب 2019

(1) الصدق 👌
♰ لو أد ما شِفِت حالك ضعيف، وعَم يصدر منك نواقص.. عَم تعصّب 😔 عَم تضايَق 😔 خليّك مكبّش.. قاوِم، حارِب، هيدا الجهاد اللي إنت تبذلو.. وهيدا الصدق اللي عندك ياه، وهيدي النيّة اللي عندك ياها بغضّ النظر.. أكيد الله بياخدها بعين الإعتبار.. 👌
♰ هودي الـ5 أرغفة والسَمكتين اللي عَم تقدمُن للرب، هودي الرب بدو يِضربُن بمليون.. 💯
♰ آناتُك، جهدك، نيتك المستقيمة، عدم رضاك عن ضعفك.. توبتك.. رَجعتك.. إعتذارك.. إعترافك.. كلُن الله بينظر الُن.. بس ما تستسلم.. ✔ وما تقول مش طالِع من أمري شي.. وبلاها.. إعترفنا ورجعنا وقعنا… 🤔

(2) سؤال ⁉
♰ يعني إذا إنت أكلت ورجعت جِعت.. بتبطّل تاكول 👈
♰ إذا كنسّت بيتك ورجِع نْجَوا.. بتبطّل تكنسو 😉
♰ إذا غسلّت سيارتك ونجَوِتْ ما بتِرجَع تغسلها 😏
♰ هيك كمان بالحياة الروحية.. بدك تضل كامل بالصبر حتى القبر للنهاية.. الجهد مع الرب هيدي لازم تكون نية مُسبقة.. ولازم تقول للشيطان: ليك بدي ضلّ جاهد حتى الموت..”.

(3) الصوم
♰ ما تتركو الصوم والصلاة للنهاية وشوفو كيف بتغلبو الشيطان 👈
♰ ما يكون عندك روح إحباط… من وقت ما خلقت كم مرة اكلت خبز.. زهئت شي مرة من الخبز…‼

(4) خطوة
♰ إنت بلش خطوة.. خطوة.. قول أنا بدّي :
* “قدّس يوم الأحد”.. لو بدي حس إنّو جسدي كلّو برّا، وأفكاري برّا.. بدي اتواجد أنا جوّا.. 😉
* بدّي صلّي المسبحة، لو كانت كل صلاتي تشتّت.. بدّي رددها كلام شفهي، لو كان قلبي بعيد.. بدّي رددها 👍 أنا عندي فلس الأرملة، بدي قدمو لربنا، وهيي ترداد المسبحة لو بفكر مشتّت.. 👏
* أنا بدي إفحص ضميري غصبن عن الطبيعة، وبدي إربط حالي بجنزيرن ربع ساعة حتى إفحص ضميري.. 😉وبعدان بدّي أيدهُن عَ ورقة، وبدي روح إعترف.. 👌 لأنو الملكوت يُغصب والغاصبون يختطفونه 💯 يعني إنت غَصبن عن طبيعتك بدك تفرض حالك عَ المسيح 👈
♰ بهيدي اللجاجة، متل لَجاجة الكنعانية، والمرأة المنزوفة هيك بدّك تبلّش مع ربنا 🎬 لو حسيت عَم يعطوك القربانة كأنا ملعة “يود” خدا.. وإعترف غَصبن عنك.. وصلّي غَصبن عنك.. وروح عَ القداس غَصبِن عنك.. متل اللي ببلش بالتدخين بدخّن غَصبِن عنّو.. مين بلش بالتدخين ولِقي طعمتا طيبة، ما حدا.. 😉
– أوّل طَعمِة للسيكارة بِتكون مرّة.. بس يصير “النيكوتين” بدمك، بصير تعشقها.. وهيك مع ربنا.. أوّل خطوة معو بتكون مِرَّة، بس يصير نيكوتين الرب بدمك بتصير تعشقو.. وبِتصير مُدمِن عليه.. 👌 وبتصير ما الك حياة من دونو 👏

♰ هيدي هيي القيامة من الأموات.. حاجي نايِم وميّت وسنين عَم تمضا.. وفواتيرك عَم تزيد.. والموت عَم يقرّب.. ولا تعلم متى تأتي الساعة 😉

(5) إجتهد ✝
♰ نقص واحد بدمرك.. وإنت تاركو.. بدمرك.. وبتقول:
* شو بأثّر * شو فيها * اليوم نحنا بعصر التكنولوجيا * وبلا تعقيد * ميشان شو * ولَو ما كل الناس هيك.. ⁉ إجتهدوا أن تدخلوا من الباب الضيق.. (لوقا 13: 24) وما أرحب الباب واوسع السالكين فيه.. يعني الأكترية عايشين غلط…😔 👍

(6) القطيع الصغير 🎬
♰ لا تخف أيها القطيع الصغير.. يعني القطيع الأكبر هو من الهالكين 😉 مش لأنو الله ظالم.. بس لأنو الإنسان بدّو يِلحَق:
* المجتمع * العادات * الأكترية.. ولَو بيضحكو علّيي.. ما تطلع شوف عَ التلفزيون، شو هودي كلُن معقدين.. انت وحدك بتفهم يعني 😏.. يللا حط مُخك بين الروس ونادي يا قطاع الروس.. 😔

♰ يعني إنت إذا جايي عَ الأوتوستراد، ومليان عَجقة.. ولقيت إنو في الطريق الجانبية حدّ الأوتوستراد فاضية.. ما بتِمشي فيها وبتقول: متلي متلُن”.. 😎 أو بِتسَلحِب وبتاخود الطريق الفاضية.. ليه عَم تِمشي متل الأكترية خيّي…!!!‼ ليه ما بتضل تمشي متلُن.. 😉⁉ شو معقّد مبيّن ماشي وَحدك عَ الطريق..😉
شو رح تقول: أنا مَبهول ما الطريق فاضية.. بدي أوصل عَ شغلي بسرعة.. ليه بدي إمشي مِتلُن..‼ قديشك شاطر فيما يتعلّق بالأرضيات‼ أما في يتعلّق السَماويات 😏 طريق القداسة فاضية.. ☹

(7) التوازن
♰ بدك توازن بحياتك.. يعني بدو يكون في وقت مخصّص للصلاة، تِقعُد.. وتاخود وقتك بالصلا.. وبفحص الضمير.. وبقراءة الإنجيل.. 👈
ܼ♰ إذا بدك إحكي ضميري… عَ القليلي بالنهار ساعتين صلا.. وإنت مش فايِت بهيدا الجو ما تِقبل يكون في أقل من ساعة بنهارك.. 👍 صلي المَسبحَة.. وإقرا بالإنجيل.. وتفحّص ضميرك.. 😉
♰ بدك التوازن بحياتك… هيدا يللي بيِعمل التوازن.. والاّ ما تفكّر ليه أنا ما فيي اتحمّل حدا.. 😏 وليه انا باخود قرارات غلط…  😏 وليه أنا سريع الوقوع بالخطية…😏 وليه أنا المسبّة عَ راس لساني.. 😉 لأنو ما عندك وقفِة مع المسيح وما عَم تشرّج من الله 😉

♰ أوعا تفكّر بأبانا والسلام إذا صليتا.. وتصلّب إيدك عَ وجّك حدّ الكنيسة، أو الإنجيل يللي تسمعو نهار الأحد كافيين.. 😘 بدّو يكون في وقفة مع الله، بتفوت تعبان بتطلع مرتاح.. بضويلك الله عَ حقايق ما كانت تخطر ببالك… وبتعيش بسلام ما إختبرتو قبل.. بس بدك تَعطي وقت لَ الله.. 👏
♰ لو حسيت انك حايِص، وبدك الصرفة تخلص المسبحة أو تطلع من الكنيسة.. خلّيك مكبّش حتى تخلصها.. هيدا هوي الدوا.. ✔

(الخلاصة)
♰ إنت لما بتبلش تكون رجل صلاة، رح تصير رجل إماتة.. ورح تصير تعرف كيف تتصرف… ورح تشوف كيف نفوس الله بحطها بطريقك وعليك تساعدو لربنا حتى يخلّصها… وكيف بِتكون ملح لغيرك 🎬
♰ ما فيك تكتمل… وتَعطي معنى لحياتك، إذا ما كان الله بحياتك.. انت بحاجة بالقَليلي بالشهر عَ نهارين رياضة روحية.. 🎯

https://youtu.be/BIXO_Tnkdgg

(رهبنة أخوة الصليب؛ آب 2019)