بالفيديو – بيار رفول لِ بوفاعور: مَطحنة كذب.. القتلة مخباية بالمختارة، ويحلم يكذّب التسجيلات، والكمين موجّه لقتل باسيل..

– خلاصة مخابرات الجيش والمعلومات وأمن الدولة والأمن العام ثابتة.. قوتنا قرارنا من راسنا وفي ناس قرارا مأجرّ..

***

مقتطف من حديث الوزير السابق بيار رفول، لقناة الـ”otv”، ضمن برنامج “حوار اليوم”، تعقيباً على المؤتمر الصحفي للحزب الإشتراكي حول كمين “قبرشمون”: (6 آب 2019)

(1) الكمين
– في ناس إختصاصيين بالكذب، ومطحنة كذب، تحرّك قبرشمون وراه الإشتراكيين، من جنبلاط ونازِل..
– كانو مفكرين جبران باسيل بجانب الوزير صالح الغريب.. وإنو صالح الغريب عَم يسوق، وباسيل حدو..
– اللي قاتلين بحادثة قبرشمون، موجودين بالمختارة مخبايين، وسلّموا يللي ما الُن دخل.. وكان في بغير مطرح ناس جاهزة حتى يقوصو كمان 😔

(2) جنبلاط والفتنة
– بدّي ذكّر الناس، لما جنبلاط كان بالتحالف الرباعي كنّا نحنا فيه.. بوقتا شو قال جنبلاط.. قال إذا بِخسَر “بدّي إعمِل حرب أهلية هلق”..😏
– إذا هالقد عاملين حالُن الإشتراكيي بريئين، ليه الخوف من تحويل قضية قبرشمون عَ المجلس العدلي.. 😉
– حزب الله ما بدو يتعاطى معو، بيعرف شو عامل، وعارف شو عامل قبل، وشو ممكن يعمل بعد 👌
– ما في يتخبّى بِقَول إنّو في حدا عَم يلغيه❓مين عَم يلغيه‼ شو نحنا مرتكزين عَ أوهام.. لو بدنا نِعمِل معو مشكل.. من زمان قال عَ الموارنة جنس عاطل، وما حدا ردّ.. صرنا نضحك 👈

س: أين سينتهي هذا التصعيد..❓
رفول: بينتهي بالقضاء، بالمجلس العدلي او القضاء العسكري..

* بكرا رح نحطلّو التسجيلات.. ويحلمو يكذبوهُن.. معقولي مخابرات الجيش، وفرع المعلومات، وأمن الدولة والأمن العام كلُن مغلطين..😏
* نحنا ولاد قانون، مش ولاد فبركات وناس إنتقاميين.. نحنا اللي بدنا نِخرُب البلد أو هنّي.. ❓
* راكض لوين عَ السفارات.. اللي متلو بيركض عَ السفارات.. ‼ هوي بيَعرِف ياخود قرار من لبنان،
يا بياخدا من السعودي،
يا من أميركا
يا من إسرائيل
يا من سورية..

سرّ قوتنا قرارنا من راسنا، وفي ناس قرارا مأجرّة..

https://youtu.be/8qmEABW9xKE

(حوار اليوم – otv؛ 6 آب 2019)