بالفيديو – الأب كميل مبارك: ببتهذيب وقح كل الطوائف عايشة الفدرالية باستثناء المجتمع المسيحي ومركبينا أمنياً وجغرافيا.. 😘

– رمي إحصاءات “الدولية للمعلومات” لتبرير المثالثة اليوم وبكرا المرابعة و.. لاء حبيبي في تدابير أخرى 😘

***

مقتطف من حديث الأب كميل مبارك لقناة الـ”otv”، ضمن برنامج “حوار اليوم”: (1 آب 2019)

(1) الطائف
– الطائف عندو حل لإشكالية المناصفة والشراكة وهوي اللا مركزية الإدارية الموسعّة، والإستقلالية المالية والإدارية للمناطق.. وساعتها الغي الطائفية السياسية 😉
– البعض بقول الطائف ما حِكي بالمناصفة الاّ بالفئة الأولى.. هذه المناصفة إذا إنكسرت بالفئة التانية والتالتة.. بعد سنتين الفئة التانية بدها تصير بالفئة الأولى.. (( وبقولو ما بقا في مسيحيين وما منِقبل نجيب من خارج الملاك.. بطلّعو فرمان بهالخصوص))

– يا عزيزي بدك تحتاط لبكرا..

(2) الميثاق 😉
– كل ما يناقض العيش المشترك مش مقبول وهيدا بالدستور 😎
– إذا الأمر الوظائفي يُناقض العيش المشترك معناتا بدك تحلها بطريقة لا يناقض العيش المشترك والميثاق 😘

(3) الإحصاءات 📊
– هيدي الإحصاءات معمولي من سنتان وتلاتي.. ليه وضعوها اليوم ‼
– بدُن يقولولك.. اقنع بوضعك انت وين صرت 😉
– لاء يا حبيبي 😘
– في تنغيم على المثالثة وبكرا على المرابعة، وبعد بكرا انتو هنود حمر بالبلد، المطلوب منكم تعملو شي غير تعيشو إذا بدكم تعيشو.. 😉😔😘

لاء
إذا هيك التفكير.. في تدابير أخرى.. ومن ضمن الطائف.. ساعتها نوقّف كلشي، ونبحث باللا-مركزية الإدارية الموسعّة… 👍 وساعتها كل منطقة بتدير شؤونا 😉

(4) صراحة
– بدي قولا بكل تهذيب وقح.. المجتمع اللبناني بمعظم تكوينو عايش الفدرالية، وما في حدا يكذبني.. كل الطوائف عايشينا باستثناء المجتمع المسيحي.. جرّب يعيشا بمرحلة من مراحل التاريخ الحديث.. وكل الباقيين عايشينا.. ومركبينا:
* أمنياً
* جغرافيا..

(5) جورج ياسمين
– عبر التاريخ المسيحي عايش مع الكل، من نهر الكبير الشمالي الى الناقورة ومع كل الطوائف.. (المسيحي/الدرزي و المسيحي/ السني و المسيحي/ الشيعي) والمفارقة إتهموا بالإنعزالية والتقوقع.. رغم إنو عايشين عَ مساحة الوطن مع الجميع..

الأب كميل مبارك: يللي بيِتهم دايماً بكون عَم يطلّع بالمراية.. 😎

– خصوصية الجبل.. وخصوصية الضاحية.. وخصوصية صيدا وطرابلس.. هيدا الإنعزال.. الخصوصية اللبنانية هي إنّو نعيش سوا.. 🇱🇧

https://youtu.be/UtXg1jLxoKY