تعليق Pedro Darjani وكواليس حلقة “جعجع”: بهدلة وقلّة أخلاق من.. ملحم رياشي

– أخلاق مسيحية رفيعة لرياشي.. وشتم طيلة الحلقة من القواتيين..
– نرفض إهانة رئيس جمهوريتنا ورئيس حزبنا..
– دركي بيعبّر إنّو الرئيس عون مش رئيسه، منظر برجعك لسنة الـ٨٠!!!

***

علّق Pedro Darjani على صفحته الخاصة، على قلّة أخلاق رئيس حزب القوات اللبنانية سمير جعجع، بحق رئاسة الجمهورية، كاتباً أنّ خروجه من استيديو برنامج “صار الوقت” الذي يقدمّه “مرسال غانم” على قناة الـ”mtv”، جاءت بعد سلسلة تصرفات مهينة، فكتب: 

أنا بكل فخر كنت من شباب التيّار الوطني الحرّ يلّي إنسحبو عالهواء مبارح ضمن حلقة صار الوقت:

١، من فوت على النقّاش و فجأة أمن و درك و كلاب و عجقة ومفتّشين و دركي و ٤ حواجز، ودركي بيعبّر إنّو الرئيس عون مش رئيسه، منظر برجعك لسنة الـ٨٠!!!

٢، على كل حاجز من ال٤ حواجز نتنبش و نوقف و ننطر و نتبهدل لحتّى وصلت معن إنّو يتم أخذ منّي (2 insulin injections) كون معي حالة صحيّة”سكري”، خوفاً من إغتيال الحكيم و تم إعطائهم إلى شاب قوّاتي كان موجود داخل الstudio ما عندي أي فكرة مين بيكون.

٣، كل الحلقة شتائم من القوّاتيين و خصيصاً على زملائي Elias A. Zoghby Michel Ghneim بالرغم من قلّة إحترام أوّلاً الحكيم لزملائي أو حتّى ملحم رياشي يلّي قال على العلن و لو بمزح لإلياس “سبّوهن” هون خربت الدني على الbreak!!!

٤، حلقة كذب و تمثيل و نفي للواقع و الحقيقة، و الشعبويّة الشاملة في المواضيع حيث كانت حلقة بس عن جبران باسيل و الرئيس عون حيث توصّل الحكيم إلى المَسخرة على الرئيس عون يلّي هوّي مؤسس حزبنا ورئيس بلدنا فكان من الأفضل الخروج و الإنسحاب من هذه المسرحيّة…

هذا وجاءت دعوات المعلقة بضرورة مقاطعة البرنامج.. 

https://www.facebook.com/photo.php?fbid=2491663127556965&set=a.175599402496694&type=3&theater