بالفيديو – جوزيف أبو فاضل: باسيل أقوى مرشحين المسيحيين.. والمطلوب إيقاف الكتبة..

– بدّو يفهم رئيس بلدية صيدا طعمِة تمّو شو عَم يِحكي.. البلد بدنا نحافظ عليه 👍

***

مقتطف من حديث الكاتب السياسي جوزيف ابو فاضل ضمن برنامج “بيروت اليوم” عَ قناة الـ”mtv” – الجزء 3؛ (26 تموز 2019)

(1) عون صلة وصل..
– الرئيس الحريري إذا فجّر الوضع يمكن يفل يِجي غيرو.. بس اللي بفجّر الوضع شخص واحد بلبنان هوي ميشال عون..
– إذا هوّي فجّر الوضع ما في حدا يصلح الوضع بلبنان..

(2) البعض تجوّز النصرة
– كان الوزير أشرف ريفي يمشي ويقول عن الإرهابيين ثوار، وكان وزير عدل، وبيحكي عن جبهة النصرة ثوار 😉

س – داني حداد: تجاوزناها هيديك المرحلة ⁉
أبو فاضل: تجوزناها ما تجاوزناها.. هنّي تجوزوها.. 😔
* ما نحطت شجرة الميلاد بطرابلس وتولعّت.. ومنرجع “لاء ما منِقبَل منحط شجرة غيرا”..😔
* اليوم رئيس بلدية صيدا محمد سعودي، بقلك عن المدينة هيي للفلسطيني.. وإنّو هني كرامة صيدا واسياد صيدا..😕 خلص جنسوهم في 150 ألف فلسطيني بعين الحلوة، يستلمو صيدا وبيت السعودي والحريري ينتهيو.. ويِجي “اللينو” (القائد العام للكفاح المسلح الفلسطيني) ساعتها رئيس بلدية صيدا شو بيِعمِل ، هو والعائلات الصيداوية ⁉
* بدّو يفهم رئيس بلدية صيدا طعمِة تمّو شو عَم يِحكي.. هيدا البلد بدنا نحافظ عليه برموش عيوننا 👍

(3) الأقوى لدى المسيحيين..
س:وعد الرئيس عون أنّه سيلسّم البلد أفضل للرئيس الجديد، من سيكون ❓
أبو فاضل: إذا بقيت الظروف هيك بإعتبار جبران أقوى مرشحين المسيحيين.. يمكن ما يكون في رئيس…

س: شو منروح عَ فراغ جديد❓ليه باعتبار جبران الأقوى ما في رئيس❓
أبو فاضل: في فرقين بلبنان بقررو من هو الرئيس.. حزب الله والحريري (وأكيد التيار).. البقية مع إحترامي الُن أصبحوا ناخبين فقط

س: ما الذي يمنع سير حزب الله والحريري بجبران باسيل❓
أبو فاضل: بدك حزب الله والحريري يوقف كتبة التقرير من لبنان الى أميركا ويخلوهُن يلتقيو عَ مرشّح واحد متل جبران باسيل

س: ما اللي يمنع إعادة التسوية اللي أوصلت الرئيس عون❓
أبو فاضل: بدك تشوف الوضع بالبلد والمنطقة كيف بكون..

س: يعني إما جبران باسيل أو لا رئيس❓
أبو فاضل: مش لا رئيس بالمطلق.. لكن ان يؤتى برئيس ما يكون عندو حيثية ما رح يقبل المسيحيين.. ويجي رئيس درجة تانية أو تالتة كمان ما رح يقبلو.. في وضع مسيحي بالبلد، وفي عصب مسيحي..

https://youtu.be/esTDbZC_9YM

(بيروت اليوم – mtv؛ تموز 2019)