Agoraleaks Agoraleaks
– يا أيها الناس ما بتحبو ولادكم طيّب.. وما بعرف كيف بدنا نعيد كلمة “الوطنية” للقاموس.
– الحديث عن حمائم وصقور كأننا عم نحكي عن “Trallala – Trillala”.
– لازم تغيير النظام والذهاب الى مؤتمر تأسيسي.
مقتطفات من حديث المفكر السياسي الدكتور حسن حمادة لقناة الـ”NBN”:
- لا فرق بين ديمقراطي وجمهوري.. هم يخدعون شعوبهم بانو هني دعاة سلام وبيشتغلو وبفاوضو وبيعملو ديبلوماسية.. وبيخدعو أيضا شعوبنا وشعوب العالم
- الحزبان الديمقراطي والجمهوري بكونو ماشيين بنفس الإستراتيجية، وما بغيروها
- باراك أوباما موظف ولكن بمهمتو كان صقر او من الحمائم؟ يبل كلينتون صقر او لاق؟ بس بوش الأب والإبن كانا صقور، يا لطيف.. ما شاء الله هوديك بفوتو بالدبابة.. بس هيداك بيدبح بالقطنة من خلال الحروب الناعمة
- هناك على الدوام حرب خشنة ثم حرب ناعمة..
- الحديث عن حمائم وصقور كأننا عم نحكي عن “Trallala – Trillala”. فينا نضل نحكي هيك ونكتب ونحلل بس طبعاً كلو خارج الواقع
- كيف بدو يكون عنا يقظة على بلاد برا.. طالما بالنسبة لبلادنا نحنا مغمي عَ قلبنا
- الواقع عالم وامم تتصارع، ونحنا الكل بدن ابادتنا.. مضطرين نعمل تحالفات دولية والحرب مفتوحة ومستمرة.. والميدان يقرر كل شيء
- الأزمة منا انو قدرة الجنرال عون على انو يعمل هيك او انتخب بسرعة مفروض تتشكل الحكومة الخ.. طبيعة النظام كما هو لا تسمح بالكثير
- يللي بدو يشكل حكومات بسرعة بدو يغيّر النظام، ويللي بدّو يتمسّك بهيك نظام ما يتذمّر من الأزمات
- منكذب على حالنا يعني.. شو ما بتمنالو للجنرال انو يكون بايدو عصا سحرية لتستقيم الأمور فورا
- اكبر خطر على الطوائف والمذاهب هوي هيدا النظام
- كل يوم منتهرّب فيه من مؤتمر تأسيسي ما رح يتغير شي
- يا أيها الناس ما بتحبو ولادكم طيّب. ما فكرو بولادكم.. انتو استشهاديين في سبيل زعاماتكم، بس انتبهو لولادكم شوي حرام.. ما بتحبو ولادكم يا عمّي
- في عملية تفريغ هادئ للبنان من اللبنانيين وعملية استبدال ديمغرافي يطال كل اللبنانيين بكل طوايفهم ومذاهبهم.. هيك لعبة الأمم تقتضي
- في مين جبلك سيدتي المليونين وشوي النازح سوري الى لبنان. متل يللي جبلك 500 الف فلسطيني المعترين وصرلن من سنة 1948 قاعدين بمخيمات البؤس
- يللي اغتصب فلسطين وتواطأ باغتصاب فلسطين وتآمر على فلسطين وسلّما لليهود ويللي اجا ع تدمير سورية مش لاسقاط النظام..
- اسقاط النظام في سورية شعار مرفوع ليغطو سياستن ولالغاء سورية من الوجود والغائنا كلنا.. هودي قتلة ومجرمين ووحوش.. وبيجو وبصيرو ينظرو..
- كيف بدنا نعيد كلمة الوطنية الى القاموس.. ما بعرف
